Hepatitis E: Plakkers voel magteloos

18 January 2018 | Gesondheid
Maria Eiseb



Inwoners van informele woonbuurte leef tussen vullis en voel hulle het nie die opsie om die siektes vry te spring wat dit kan veroorsaak nie.

Republikein het gaan ondersoek instel na die omstandighede wat dié Namibiërs moet trotseer.

Mnr. Erik Gaweseb woon al die afgelope 10 jaar in die Okahandjapark-nedersetting en sê hy het oor die radio van hepatitis E gehoor.

Hy probeer van die vullis af wegbly, maar dit is onmoontlik, sê hy.

Toiletgeriewe by dié nedersetting is nie van goeie gehalte of altyd in 'n werkende toestand nie, en daar is geen pype om riool of vullis af te voer nie, sê hy.

“Die mense maak ook nie behoorlike gate as hulle 'n toilet bou nie. Hulle gebruik die water en alles hardloop vrylik in ander mense se huise in.”

'n Ander inwoner, me. Justine Balie, kla oor 'n “gevaarlike rommelhoop” wat glo in die verlede in haar woonbuurt gemaak is. Mense het hul swart sakke vol vullis eenvoudig op 'n hoop gegooi, sê sy.

“My bure se kindertjies het in een van dié sakke gekrap en op 'n blikkie grondbone afgekom wat hulle geëet het. Hulle het baie siek geword,” sê

sy

Toilette word op enige plek gebou en dit veroorsaak glo groot twis onder inwoners, sê sy.

Balie sê danksy die radio is inwoners bewus van siektes wat dié onhigiëniese toestande kan veroorsaak, maar hulle het nie 'n manier om daarvan ontslae te raak nie.

“Ek hoor elke dag van hepatitis E, maar ons hande is afgekap,” sê sy.

“Kinders kan nie heeldag dopgehou word nie. Hulle is geneig om uit die huis te glip, en as jy weer sien, het hulle iets opgetel en geëet. Dan sit jy as ouer met die probleem as die kind siek word,” sê sy.

Mnr. Alfred !Auxab sê hy het in dié woonbuurt grootgeword.

“Die mense maak broek los in plastieksakke en smyt dit in jou jaart. Hoe sal ons en die arme kinders gesond leef?” vra hy.

Mnr. Raphael Siwawa, nog 'n inwoner, bevestig dat inwoners van hepatitis E bewus is, maar dat hulle magteloos daarteen voel.

Soortgelyk

 

SDFN houses at Kalkfeld nearing completion

4 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

4 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

4 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

4 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

4 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

4 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

4 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

4 ure gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

4 ure gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...