Henties bespreek beweerde rassevoorvalle

’n Vergadering is deur die Hentiesbaai-toerismevereniging belê om die rassistiese voorvalle, wat na bewering in Desember plaasgevind het, te bespreek.

13 February 2020 | Gemeenskap
Yandi du Plessis - Hentiesbaai se toerismevereniging het onlangs met die burgemeester en waarnemende hoof van die Hentiesbaai-munisipaliteit, mnr. Herman /Honeb, vergader om voorvalle van beweerde rassisme in dié kusdorp gedurende die afgelope feesseisoen te bespreek.

Volgens die toerismevereniging was berigte oor dié voorvalle aangedik en buite konteks geplaas.

Republikein het einde verlede jaar berig dat die adjunkmi­nister van inligting en kommunika­sietegnologie, mnr. Engel !Nawatiseb, 'n klag van naamskending aanhangig gemaak het, ná hy glo op Kersdag op Hentiesbaai deur ’n onbekende groep beswadder is, en onder andere daarvan beskuldig is dat hy ’n aandeel in die #Fishrot-skandaal het.

Hy is ook glo by sy private woning geteister en daar is beweerde lasterlike video's van hom op sosialemediaplatforms gedeel.

Die ander betrokke party, mnr. Paul Smit, 'n inwoner van Hentiesbaai, wat by die beweerde voorval betrokke was, sê mense by !Nawatiseb se huis het op hom geskree, hom met ’n gebreekte bottel gedreig en met ’n kar gejaag. Hy het nie ’n klag by die polisie aanhangig gemaak nie. Volgens hom was daar geen rassisme betrokke nie.

Volgens ’n mediaverklaring van die Hentiesbaai-toerismevereniging, sê die voorsitter, mnr. Wallie Roux, die vereniging distansieer homself van enige negatiewe berigte en die kommentaar wat daarop gevolg het.

Volgens die toerismevereniging is beriggewing oor dié gevalle buite konteks gedoen en moes dit deur die regte kanale hanteer word.

Volgens Roux is die hoofdoelwit van die vereniging om toerisme in Hentiesbaai aan te moedig en te bevorder, aangesien die kusdorp se voortbestaan daarvan afhang. Volgens die toerismevereniging se grondwet beoog hulle om “sosiale harmonie en vrede vir elke individu te bevorder” – dit geld vir inwoners en besoekers.

“Hentiesbaai se toerismevereniging keur enige vorm van rassisme ten sterkste af. Dit sluit respek vir 'n persoon se persoonlike ruimte, privaatheid en eiendom in.”

Die doel van die vergadering met /Honeb was om dié waardes van die vereniging te laat seëvier.

“Ons verwelkom alle besoekers aan ons klein vissersdorpie met die verwagting dat elke individu ander se reg sal respekteer om hul tyd in Hentiesbaai te geniet.”

Hentiesbaai se toerismevereniging se jaarlikse algemene vergadering sal op 17 Februarie by die Hentiesbaai-sportklub plaasvind.

[email protected]

Soortgelyk

 

Nuwe Psemas-kontrak (weer) uitgestel

49 minute gelede | Gesondheid

Henriette Lamprecht - Die staat se mediese fonds (Psemas) se nuwe kontrak met gesondheidsdiensverskaffers wat reeds sedert 2017 sloer, is weer uitgestel, die keer tot...

Beeste uit Botswana vul tekort aan

49 minute gelede | Byvoegsels

Ronelle Rademeyer - Sowat vier maande nadat Botswana sy grens vir die uitvoer van lewende slagbeeste na Namibië oopgestel het, kon Meatco op Dinsdag 18...

Boer skiet glo 'mieliedief'

49 minute gelede | Misdaad

Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende...

Weer, Woensdag 26 Februarie 2020

49 minute gelede | Weer

BINNELAND: Gedeeltelik bewolkte en baie warm weer sal in die Kunene-Wesstreek heers. Elders sal dit gedeeltelik bewolk en warm tot baie warm wees met geïsoleerde,...

Samherji-werkers afgelê

49 minute gelede | Misdaad

Leandrea Louw – Sowat 210 werknemers van die vaartuie MV Saga en MV Geysir gaan aanstaande maand afgelê word. Die werknemers is vroeër vandeesmaand gestrand...

Posisioneer jouself betyds vir groter wins

49 minute gelede | Landbou

Christo du Plessis, Dierevoedingskundige: Feedmaster – In hierdie artikel kyk ons na die sleutelkwessies in rooivleisproduksie wat wins dryf, en hoe fosforaanvulling produsente se winsgewendheid...

N$14 miljoen vir kragprojek bewillig

49 minute gelede | Regering

Yandi du Plessis - ’n Sooispitseremonie vir die voorsiening van krag aan die Otjomuise- en Havana informele nedersettings het Vrydag in Otjomuise in die hoofstad...

Houthandel: Bewerings van vuilspel

49 minute gelede | Omgewing

Catherine Sasman – Die ministerie van landbou, water en bosbou het onlangs erken gevalle van onwettige houtoeste het wel plaasgevind sedert ’n moratorium op oeste...

Lesersfoto's 26 Februarie 2020

49 minute gelede | Lesersfoto's

Lesersfoto's 26 Februarie 2020