Hartmann-moordsaak uitgestel

15 November 2017 | Howe
Adolf Kaure op Swakopmund - Die saak van die man wat erken het hy het die 78-jarige mnr. Manfred Hartmann op Swakopmund vermoor, is tot vroeg volgende jaar uitgestel.

Mnr. Unaro ­Mbemukenga het skuld op die moord op Hartmann beken en sal op 5 Februarie 2018 weer in die landdroshof op Swakopmund verskyn.

Mbemukenga het Maandag in die hof verskyn nadat hy na bewering vir Hartmann op 18 Augustus vanjaar in sy huis in die Vineta-woonbuurt op Swakopmund doodgeslaan het.

Die saak is vir verdere ondersoek uitgestel.

Volgens die staat, verteenwoordig deur aanklaer Paulus Shilongo, het Mbemukenga vir Hartmann verskeie kere geslaan, maar volgens die beskuldigde het hy hom net een keer geslaan.

Mbemukenga het tydens sy vorige hofverskyning in September skuldig op die moordklag gepleit.

Hierna het hy 'n voorlopige pleitverduideliking ingedien.

“Ek het hom met 'n tou vasgebind en toe een keer met 'n baksteen oor die kop geslaan. Nadat ek hom vermoor het, het ek in die huis ingegaan en 'n sak met klere, 'n selfoon en 'n skootrekenaar gevat,” het Mbemukenga gesê.

“Toe ek hom met die baksteen geslaan het, het ek geen voorneme gehad om hom dood te maak nie. Ek weet nie wat in my kop aangegaan het nie,” lees sy verduideliking verder.

Landdros Conchita Olivier was tevrede met die voorlopige pleit en het gesê dit sal as 'n formele skulderkenning in die verhoor gebruik word.

Mbemukenga is op 21 Augustus, drie dae ná die moord, op Outjo in hegtenis geneem. Hy is tydens sy inhegtenisname gewond.

Die staat het borgtog teengestaan weens die erns van die saak en openbare belang, asook omdat Mbemukenga ná die misdaad uit die Swakopmund-distrik gevlug het.

Mbemukenga bly in aanhouding op Swakopmund.

Soortgelyk

 

Intelligensiediens kan koerant nie muilband

7 ure gelede | Plaaslik

Ronelle Rademeyer - Die Sentrale Intelligensiediens van Namibië (NCIS) en die regering kan nie agter wetgewing skuil en hulle op die reg op geheimhouding beroep...

Vermeende kokaïenhandelaars in hof

7 ure gelede | Howe

Otis Finck op Walvisbaai - Die twee mans wat in verband met vermoedelik ’n reusekokaïenvonds op Walvisbaai aangekeer is, het gister in die landdroshof op...

Minister sê binnekort oor fosfaatmynbou

7 ure gelede | Omgewing

Augetto Graig - Die minister van die omgewing en toerisme, mnr. Pohamba Shifeta, sal Donderdag die aankondiging oor die toekoms van ondersese fosfaatmynbou in Namibiese...

Weer vir 19 Junie 2018

7 ure gelede | Weer

BINNELAND: Gedeeltelik bewolk en matig tot warm in die Suide, met enkele buie in die verre Suide. Elders sal dit sonnig en warm tot...

Regstelling

7 ure gelede |

In die artikel "Chinese oorheers sentrums vir vars produkte" wat op 4 Junie 2018 in Republikein verskyn het, is verkeerdelik berig dat die Namibiese maatskappy,...

Skole: Tydelike reëling vir winter

7 ure gelede | Ministeries

Henriette Lamprecht - Van eerskomende Maandag af moet skole nie vroeër as 07:30 en nie later as 08:30 in die winter begin nie. By dubbelskofskole...

Glaspaneel eis glo lewe

7 ure gelede | Misdaad

Francoise Steynberg - 'n Man is Saterdag in die hoofstad dood nadat 'n glaspaneel glo op hom geval het. Volgens die Namibiese polisie se misdaadverslag...

Queen se kuiertjie gee Omaruru 'n stootjie

7 ure gelede | Gebeure

Des ErasmusAan jou vrinne sal jy geken word. Eensklaps verkeer Omaruru in goeie geselskap danksy The Music of Queen soos vertolk deur Joseph Clark. Op...

Breek die kettings van geestesongesteldhede

7 ure gelede | Gesondheid

Henriette LamprechtDaar kleef steeds 'n stigma aan geestessiektes. Dit word dikwels nie behoorlik gediagnoseer nie en selfs in relatief ontwikkelde lande kry mense met geestessiektes...