Harold dankbaar dat Leeus hom gepos het
Die sterk senter het hom reggeruk en was laas naweek die speler van die wedstryd.
Christo Buchner - “Dankie dat julle my teruggebring het aarde toe.”
Dit was Dinsdag die woorde van die senter Harold Vorster aan die Leeus se afrigtingspan.
Hierdie sterk, stewige middelveldspeler, het aan die begin van die seisoen nie die gehalte spel gelewer waartoe hy in staat is nie en daar is toe besluit om die mat onder hom uit te ruk en hom uit die span te laat.
“Dit het my laat wakker skrik,” sê Vorster, wat sy terugkeer twee weke gelede teen die Waratahs gemaak het en boonop as speler van die wedstryd aangewys is.
“Ek geniet dit om weer deel van die aksie te wees en dit voel baie goed om terug te wees.
“Daar was wel so ’n ligte besering waarmee ek gesukkel het, maar dit was nie die rede hoekom ek uitgelaat is nie. Dit was eerder net dat my spel nie op standaard was nie,” erken hy van daardie eerste paar wedstryde waar hy byna onopsigtelik was.
“Dit laat jou skielik dink en besin wanneer jy nie meer deel van die span is nie en ek het daarop gefokus om die basiese dinge reg te doen.
“Ek het veral aandag gegee aan die geestelike taaiheid en om reg ingestel te wees elke keer wat ek op die veld hardloop,” het Vorster ná die Leeus se oefening in die Johannesburg-stadion gesê.
“Dit is met tye nodig dat jy bietjie wakker geskud word en daarom wil ek dankie sê vir coach Swys-hulle en wat hulle vir my in daardie opsig beteken het,” sê hy.
“In rugby moet jy besef elke wedstryd is ’n kwaai toets en dat jy niks as vanselfsprekend kan aanvaar nie. Juis daarom wag daar Saterdag ook ’n moeilike kragmeting op ons teen die Haaie. Ons het dit wat in die vorige wedstryde teen die Haaie gebeur het agter ons gesit en ek voel ons is besig om ons beste peil op die regte tyd te bereik.
“Ons dink ook nie eers aan die uitspeelstryde nie en benader sake wedstryd vir wedstryd.”
Wat sy stryd in die middelveld betref teen die Haaie se twee Springbokke, André Esterhuizen en Lukhanyo Am, sê Vorster dit is nie vir hom iets persoonlik nie en dat hy eerder daarop ingestel wil wees om sy spel te lewer waartoe hy in staat is as om teen spesifieke name te speel. – Netwerk24
Dit was Dinsdag die woorde van die senter Harold Vorster aan die Leeus se afrigtingspan.
Hierdie sterk, stewige middelveldspeler, het aan die begin van die seisoen nie die gehalte spel gelewer waartoe hy in staat is nie en daar is toe besluit om die mat onder hom uit te ruk en hom uit die span te laat.
“Dit het my laat wakker skrik,” sê Vorster, wat sy terugkeer twee weke gelede teen die Waratahs gemaak het en boonop as speler van die wedstryd aangewys is.
“Ek geniet dit om weer deel van die aksie te wees en dit voel baie goed om terug te wees.
“Daar was wel so ’n ligte besering waarmee ek gesukkel het, maar dit was nie die rede hoekom ek uitgelaat is nie. Dit was eerder net dat my spel nie op standaard was nie,” erken hy van daardie eerste paar wedstryde waar hy byna onopsigtelik was.
“Dit laat jou skielik dink en besin wanneer jy nie meer deel van die span is nie en ek het daarop gefokus om die basiese dinge reg te doen.
“Ek het veral aandag gegee aan die geestelike taaiheid en om reg ingestel te wees elke keer wat ek op die veld hardloop,” het Vorster ná die Leeus se oefening in die Johannesburg-stadion gesê.
“Dit is met tye nodig dat jy bietjie wakker geskud word en daarom wil ek dankie sê vir coach Swys-hulle en wat hulle vir my in daardie opsig beteken het,” sê hy.
“In rugby moet jy besef elke wedstryd is ’n kwaai toets en dat jy niks as vanselfsprekend kan aanvaar nie. Juis daarom wag daar Saterdag ook ’n moeilike kragmeting op ons teen die Haaie. Ons het dit wat in die vorige wedstryde teen die Haaie gebeur het agter ons gesit en ek voel ons is besig om ons beste peil op die regte tyd te bereik.
“Ons dink ook nie eers aan die uitspeelstryde nie en benader sake wedstryd vir wedstryd.”
Wat sy stryd in die middelveld betref teen die Haaie se twee Springbokke, André Esterhuizen en Lukhanyo Am, sê Vorster dit is nie vir hom iets persoonlik nie en dat hy eerder daarop ingestel wil wees om sy spel te lewer waartoe hy in staat is as om teen spesifieke name te speel. – Netwerk24
Kommentaar
Republikein
Geen kommentaar is op hierdie artikel gelaat nie