Harde woorde vir stadsvaders

Minister vra 'nuwe gees'

17 July 2017 | Ministeries
Augetto Graig - Die minister van stedelike en landelike ontwikkeling het tydens die bekendstelling van Windhoek se munisipaliteit se vyfjaar- omkeerplan haarself sterk teen nepotisme en stadige dienslewering uitgespreek.
“'n Boetie-boetie besigheid, wie ons ken en wie ons nie ken nie, sal Namibië nie help nie. Die meerderheid moet baat. Terwyl die meerderheid in armoede kop bo water probeer hou, is daar 'n paar individue wat links en regs net mors. Wanneer sal hulle ooit tevrede wees? Die stadsraad moet vir verbeter," het me. Sophia Shaningwa gesê.
Volgens haar blyk dit “geleenthede word net vir 'n paar ontwikkelaars gegee, terwyl die meerderheid swaar kry”. Shaningwa het verwys na die stadige diens van grond en gesê al drie vlakke van die regering, naamlik plaaslike, streeks- en nasionale regering, moet hulpbronne bymekaarvoeg om vooruitgang aan te moedig.
“Die stad kan nie die stryd alleen voer nie, hulp is nodig. Sedert 2014 is die aantal woonerwe wat in Windhoek gediens is, teleurstellend,” het sy gesê.
“Ek verstaan die topografie en die berge om Windhoek maak dit moeilik, maar dit is nie 'n verskoning nie. Die private sektor kan deur middel van private-openbare vennootskappe 'n rol speel.”
Shaningwa het voorts gesê sy wil vordering sien.
"As hulle die geld het, laat hulle die grond diens en die huise bou, maar op ons, nie hulle terme nie. Eerder as opgeblaasde pryse het ons 'n meer innoverende benadering nodig.”
Sy het die munisipaliteit se uitvoerende hoof, mnr. Robert Kahimise, as die drywer van 'n groot wa beskryf. Sonder die passasiers se samewerking, kan die drywer hulle nie veilig by hul bestemming kry nie, het sy gesê.
“Ek wil 'n nuwe gees en houding by munisipale beamptes sien."
Ten spyte van die hoofstad se uitdagings, soos die toestroming van inwoners uit die platteland wat voorts tot informele nedersettings lei, is daar volgens die minister nie 'n verskoning vir die aantal klagtes van onregverdige behandeling wat op haar lessenaar beland nie.
“Van die munisipale raadslede verstaan die doel van goeie bestuur. Ander neem besluite sonder om die raad te nader en wat die raad ondermyn en na onnodige regsaksie lei. Julle moet die leisels neem en regverdigheid, deursigtigheid en verantwoordbaarheid verseker.”
Deel van die nuwe vyfjaarplan sluit die herstrukturering en -ontplooiing van munisipale beamptes in, wat volgens Shaningwa goed is.
“Wees egter versigtig om dit binne bestaande wette en beskikbare hulpbronne uit te voer. Dit mag nie gebruik word vir die bevrediging van vriende en familie nie.”
As minister weet sy wat by elk van die 57 plaaslike owerhede aangaan.
"Ek luister en ek slaap nie. Administratiewe geregtigheid is belangrik en die tekort daaraan is hoekom dinge nie werk nie. Dit is tyd dat dit verander, hulpbronne moet billik verdeel word,” sê sy.
Sy het aan Kahimise gesê: “Ek vertrou jou tot jy my teleurstel. Die publiek kyk na ons. Ek glo sterk die antwoorde op uitdagings is in die plan, dit moet net spoedig toegepas word. Onthou die mense moet die tasbare resultate kan sien."

Soortgelyk

 

Hage kuier by prins William

5 ure gelede | Regering

Denver Kisting - President Hage Geingob het vanoggend die hertog van Cambridge, prins William, in Engeland ontmoet. Lees môre die volledige berig in Republikein....

Vrou van Rehoboth sterf in ongeluk

8 ure gelede | Ongelukke

Die 47-jarige Regina Alberta Johannes het Dinsdag in ’n ongeluk op die Rehoboth-Kalkrandpad gesterf. Volgens die polisie se koördineerder van misdaadondersoeke in die Hardapstreek het...

Inbrekers steel derduisende by SKW

9 ure gelede | Misdaad

Denver Kisting – Kommissaris Silvanus Nghishidimbwa, die polisie se bevelvoerder in die Khomasstreek, het bevestig diewe het Maandag N$220 000 in kontant by SKW in...

Kitsvloed eis ma en kleuter

22 ure gelede |

Henriette Lamprecht – ’n Kitsvloed in ’n informele nedersetting in Windhoek het Maandag die lewe van ’n ma en haar kleuterseun geëis nadat dit die...

Geliefde dokter verdrink in see by Kleinmond

22 ure gelede | Mense

Henriette Lamprecht 'n Geliefde dokter wat vir jare as ortopediese chirurg in Windhoek werksaam was, is die naweek op 'n gewilde vakansiedorp in die...

Tsumeb-gemeenskap ruk op oor polisiebaas

22 ure gelede | Misdaad

Catherine SasmanInwoners van Tsumeb het 'n emosionele betoging voor die polisiekantoor op die dorp gehou om te eis dat hoofinsp. Bernhard Nghuulivali 'n regverdige verhoor...

Pendelaars ure lank in verkeer vasgekeer

22 ure gelede | Misdaad

Tanja Bause - Verkeer op die hoofpad tussen Rehoboth en Windhoek is gisteroggend erg ontwrig toe ’n vragmotor en ’n bakkie in ’n kop-teen-kop-botsing betrokke...

Vermeende olifantstroper doodgeskiet

22 ure gelede | Misdaad

Francoise Steynberg - 'n Vermeende olifantstroper is Saterdag in die Bwabwata Nasionale Park doodgeskiet en sy makkers het in hul vlugtog glo olifanttande, gewere en...

Namibië bekommerd oor Sirië

22 ure gelede | Ministeries

Die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, het namens die regering diepe kommer oor die jongste verwikkelinge in...