Hanse-Himarwa vandag in hof
Die minister van onderwys, kuns en kultuur maak vandag 'n eerste verskyning in die landdroshof op Mariental op 'n klag van korrupsie.
Denver Kisting
Me. Katrina Hanse-Himarwa, die minister van onderwys, kuns en kultuur, gaan sonder 'n bang haar op haar kop vandag in die landdroshof op Mariental verskyn.
Hanse-Himarwa maak vandag in dié hof 'n eerste verskyning op 'n klag van korrupsie.
Haar regsverteenwoordiger, mnr. Sisa Namandje, het gistermiddag by navraag gesê hulle is slaggereed vir die hof. “Ons is reg om teen die klag te baklei. Ons glo die klag het geen meriete nie. Ons sal die res in die hof sê.”
Hanse-Himarwa reageer
In 'n verklaring op die amptelike briefhoof van die ministerie sê Hanse-Himarwa: “In die gees van deursigtigheid en verantwoordbaarheid uit hoofde van die openbare amp wat ek beklee, bevestig ek hiermee aan die Namibiese publiek dat ek 'n dagvaarding ontvang het om in die landdroshof op Mariental te verskyn as gevolg van bewerings van/klagte van korrupsie.”
Luidens die verklaring, wat Vrydag uitgereik is, word in “slegs een klag” beweer die oudgoewerneur van die Hardapstreek het haar destydse kantoor en posisie vir eie gewin uitgebuit.
Hanse-Himarwa verklaar voorts uitgebreid haar optrede tydens haar goewerneurstermyn was daarop gemik om ontwikkeling en sosioëkonomiese opheffing in die streek te bevorder.
“Ek is trots daarop dat baie van die projekte, insluitend die massabehuisingsprojek en baie van my aksies terwyl ek goewerneur was, tasbare vrugte afgewerp het wat ontwikkeling en vordering in die Hardapstreek betref.”
Die minister het van 2005 tot 2015 as goewerneur gedien tydens mnr. Hifikepunye Pohamba se termyn as staatshoof.
Sy skryf die strafregtelike klag teen haar toe aan die uitvoer van verantwoordelikhede en pligte binne die raamwerk van 'n goewerneur en sê dit doen haar leed aan.
“Ek stel dit onomwonde dat ek nie my magte misbruik het nie, en ek is ook nie aangespoor deur 'n behoefte aan direkte of indirekte voordeel nie.”
Volgens haar verwelkom sy die geleentheid vir die reg om sy loop te neem “omdat dit moeilik is om jouself in 'n hof van openbare mening te verdedig”.
Sy het benadruk dat sy onskuldig bly tot 'n bevoegde hof die teendeel bewys.
Hanse-Himarwa se termyn as goewerneur was in omstredenheid gehul.
Destyds is berig sy het in 2014 glo twee begunstigdes van die massabehuisingskema met twee van haar familielede vervang.
President ook betrek
Intussen het dr. Alfredo Hengari, die presidensiële woordvoerder, gister gesê hy kan nie kommentaar lewer op gerugte van anonieme, onbevestigde en lasterlike bronne wat op sosiale media die ronde doen en waarby pres. Hage Geingob ook betrek word nie.
'n Boodskap was die naweek in omloop waarin aangevoer word die president probeer sy politieke bondgenote van vervolging beskerm.
Dié vriende sluit glo Hanse-Himarwa, haar man, mnr. Gheno Himarwa, en die voorsitter van die nasionale raad, me. Margaret Mensah-Williams, in.
Namandje sê hy dra geen kennis van enige klagte teen Himarwa (Hanse-Himarwa se eggenoot) nie en het ook geen instruksies dienooreenkomstig ontvang nie.
Mensah-Williams het die aantygings as bog afgemaak.
“Dit is 'n absolute leun. Dit is net mediasensasie.”
Sy het ook gesê 'n opvolgberig het aan die lig gekom waarin oënskynlik uit die geledere van die kantoor van die aanklaer-generaal, me. Martha Imalwa, aangevoer word geen opdrag is gegee om Himarwa en Mensah-Williams in hegtenis te neem nie.
Me. Katrina Hanse-Himarwa, die minister van onderwys, kuns en kultuur, gaan sonder 'n bang haar op haar kop vandag in die landdroshof op Mariental verskyn.
Hanse-Himarwa maak vandag in dié hof 'n eerste verskyning op 'n klag van korrupsie.
Haar regsverteenwoordiger, mnr. Sisa Namandje, het gistermiddag by navraag gesê hulle is slaggereed vir die hof. “Ons is reg om teen die klag te baklei. Ons glo die klag het geen meriete nie. Ons sal die res in die hof sê.”
Hanse-Himarwa reageer
In 'n verklaring op die amptelike briefhoof van die ministerie sê Hanse-Himarwa: “In die gees van deursigtigheid en verantwoordbaarheid uit hoofde van die openbare amp wat ek beklee, bevestig ek hiermee aan die Namibiese publiek dat ek 'n dagvaarding ontvang het om in die landdroshof op Mariental te verskyn as gevolg van bewerings van/klagte van korrupsie.”
Luidens die verklaring, wat Vrydag uitgereik is, word in “slegs een klag” beweer die oudgoewerneur van die Hardapstreek het haar destydse kantoor en posisie vir eie gewin uitgebuit.
Hanse-Himarwa verklaar voorts uitgebreid haar optrede tydens haar goewerneurstermyn was daarop gemik om ontwikkeling en sosioëkonomiese opheffing in die streek te bevorder.
“Ek is trots daarop dat baie van die projekte, insluitend die massabehuisingsprojek en baie van my aksies terwyl ek goewerneur was, tasbare vrugte afgewerp het wat ontwikkeling en vordering in die Hardapstreek betref.”
Die minister het van 2005 tot 2015 as goewerneur gedien tydens mnr. Hifikepunye Pohamba se termyn as staatshoof.
Sy skryf die strafregtelike klag teen haar toe aan die uitvoer van verantwoordelikhede en pligte binne die raamwerk van 'n goewerneur en sê dit doen haar leed aan.
“Ek stel dit onomwonde dat ek nie my magte misbruik het nie, en ek is ook nie aangespoor deur 'n behoefte aan direkte of indirekte voordeel nie.”
Volgens haar verwelkom sy die geleentheid vir die reg om sy loop te neem “omdat dit moeilik is om jouself in 'n hof van openbare mening te verdedig”.
Sy het benadruk dat sy onskuldig bly tot 'n bevoegde hof die teendeel bewys.
Hanse-Himarwa se termyn as goewerneur was in omstredenheid gehul.
Destyds is berig sy het in 2014 glo twee begunstigdes van die massabehuisingskema met twee van haar familielede vervang.
President ook betrek
Intussen het dr. Alfredo Hengari, die presidensiële woordvoerder, gister gesê hy kan nie kommentaar lewer op gerugte van anonieme, onbevestigde en lasterlike bronne wat op sosiale media die ronde doen en waarby pres. Hage Geingob ook betrek word nie.
'n Boodskap was die naweek in omloop waarin aangevoer word die president probeer sy politieke bondgenote van vervolging beskerm.
Dié vriende sluit glo Hanse-Himarwa, haar man, mnr. Gheno Himarwa, en die voorsitter van die nasionale raad, me. Margaret Mensah-Williams, in.
Namandje sê hy dra geen kennis van enige klagte teen Himarwa (Hanse-Himarwa se eggenoot) nie en het ook geen instruksies dienooreenkomstig ontvang nie.
Mensah-Williams het die aantygings as bog afgemaak.
“Dit is 'n absolute leun. Dit is net mediasensasie.”
Sy het ook gesê 'n opvolgberig het aan die lig gekom waarin oënskynlik uit die geledere van die kantoor van die aanklaer-generaal, me. Martha Imalwa, aangevoer word geen opdrag is gegee om Himarwa en Mensah-Williams in hegtenis te neem nie.
Kommentaar
Republikein
Geen kommentaar is op hierdie artikel gelaat nie