Handelsknoop knap voor Brexit deurgehaak

Britse handel met Sacu, Mosambiek gaan voort

12 September 2019 | Plaaslik
Ronelle Rademeyer - Namibiërs wat graag aan ’n Skotse whisky weglê, en Britte wat van Namibiese beeshaas of ander prima beesvleissnitte hou, kan gerus slaap.

Brexit gaan nié hierdie gastronomiese ervaringe kelder nie.

Die Verenigde Koninkryk (VK) het Dinsdag die Ekonomiese Vennootskapsooreenkoms (EPA) met die vyf lande in die Suider-Afrikaanse Doeane-unie (Sacu) en Mosambiek geparafeer. Dit was nadat Suid-Afrika, Namibië, Botswana, Lesotho, Eswatini asook Mosambiek dit Sondag en Maandag geparafeer het. Dit beteken die onderhandelingsproses is voltooi en die ooreenkoms moet net nog bekragtig word.

Hierdie verwikkeling beteken Namibiërs landbouprodukte soos beesvleis, dadels en tafeldruiwe kan ná Brexit op 31 Oktober steeds sonder enige tarief- en kwotabeperkings na Brittanje uitgevoer word.

Die Britse hoë kommissaris in Namibië, me. Kate Airey, sê dit verseker ’n ongehinderde voorsetting in uitvoere na Brittanje. Sy sê dit is veral vir die Namibiese landbougemeenskap goeie nuus.

“Sowat 90% van Meatco se beesvleisuitvoere gaan na die Britse mark,” het sy gister in ’n telefoniese onderhoud gesê kort nadat die Britse regering die aankondiging gemaak het. “Daarmee saam word ook tafeldruiwe, dadels en ander produkte vanaf Namibië uitgevoer.”

Me. Ontlametse Ward, adjunk- permanente sekretaris van beleggings, handel en nywerheid in Botswana en die koördineerder van hierdie onderhandelinge, het later in ’n verklaring gesê hoewel die ooreenkoms nog deur al die partye bekragtig moet word, beteken dit hierdie lande het ooreengekom om voorlopig die EPA wat tussen SADC-lande en die Europese Unie (EU) bestaan, as grondslag te gebruik tyd en wyl die bekragtingsproses van die nuwe EPA afgehandel is.

Sy het, net soos Airey, benadruk hierdie stap voorkom dat Brexit tot handelsontwrigting lei.

Volgens die Britse regering sal die nuwe ooreenkoms die handelsbande met Sacu en Mosambiek verder verstewig. Handelsvloei tussen Brittanje en die ses lande het verlede jaar sowat N$174,6 miljard beloop.

Die Britse minister van internasionale handel, me. Liz Truss, sê in die verklaring wanneer hierdie handelsooreenkoms ten volle in werking is, sal dit ontwikkelende lande help om armoede deur middel van handel te verlig. “Hulle sal in staat wees om hul ekonomieë te groei, werksgeleenthede te skep en die inkomste van hul burgers te verbeter,” het sy gesê.

Volgens Airey sal dit ook die handelsbetrekkinge in die streek verbeter en tot groter onderlinge handel lei.

Sy sê die primêre doelwit van die Britse hoëkommissariaat in Namibië was om seker te maak die regering word ondersteun in sy doelweit om volhoubare groei te skep.

“Sterk bande is tydens die intensiewe onderhandelinge gesmee waarop ons kan voortbou,” het Airey gesê.

Soortgelyk

 

Toetsing vir Covid-19 kry hupstoot

27th of May 11:38 | Gesondheid

Bank Windhoek het vandag hul skenking van reagent- en weefselmonstertoetsstelle aan die Namibië Instituut vir Patologie (NIP) aangekondig. Dié handelsbank se uitvoerende beampte, me. Jacquiline...

Bank en depot sal nie sluit nie, sê Peya

29 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

37 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...