Hand weer diep in die sak vir skooldrag

Boeke roep weer môre

10 January 2017 | Onderwys
Estelle de Bruyn - Voorbereidings vir die aanvang van die nuwe skooljaar is fluks aan die gang met ouers wat die hand vanjaar weer diep in die sak steek om nuwe skooldrag aan te skaf.

In Windhoek was winkels wat skooldrag verkoop bedrywig toe Republikein daar gaan inloer het.

Raeesha Diedericks, wat vanjaar vir die eerste keer skool toe gaan en by Windhoek Central Primary School ingeskryf is, is deur ma Ramona en ouboet Marcelino vergesel.

Sy was bietjie skugter vir die kamera, maar het tog erken dat sy baie opgewonde is met die vooruitsig om met haar skoolloopbaan te begin.

By een van Windhoek se oudste en bekendste verskaffers van skooldrag, Karseboom, wissel die pryse wat ‘n graad 1-leerling se ouers vir ‘n splinternuwe skooluitrusting sal betaal, afhangend van watter skool die leerling sal bywoon.

‘n Skoolrok kos tussen N$350 en N$450; ‘n tuniek sal ‘n mens tussen N$290 en 350 uit die sak jaag; ‘n skoolhemp tussen N$180 en 250; sokkies tussen N$40 en N$50 en skoolskoene tussen N$250 en N$380. Een volledige uitrusting met ‘n skoolrok kos dus tussen N$640 en N$760 kos. Wanneer die skooluitrusting uit ‘n tuniek met ‘n hemp bestaan, sal dit tussen N$880 en N$1 030 kos.

Vir ‘n laerskoolseun is die koste effe minder. ‘n Kortbroek kos ongeveer N$200; hemde tussen N$180 en N$250, sokkies wissel tussen N$40 en N$50 en skoolskoene vir seuns kos tussen N$320 en N$400. Dus sal ‘n gemiddelde uitrusting tussen N$740 en N$900 kos.

Voeg hierby ‘n moulose trui vir koeler dae, wat tussen N$250 en N$275 kos en ‘n langmoutrui wat tussen N$290 en N$350 kos en ‘n sweetpak wat tussen N$600 en meer N$1 000, en die rekening raak hoog.

En dan beteken dit die kind het net een uitrusting.

Nog ‘n jong man wat Republikein in die winkel raakgeloop het, is Richard Thiele wat vanjaar ‘n graad 11-leerling by die Delta Sekondêre Skool in Windhoek is.

‘n Langbroek vir hom sal sy ouers tussen N$300 en N$400 kos, ‘n skooldas ongeveer N$100, ‘n skoolbaadjie van N$850 af op en dan ook die hemp teen N$180 en N$250.

'n Nuwe skooltas kan, afhangend van die ontwerp 'n ouer 'n bykomende N$200 tot N$500 uit die sak jaag.

Die debat oor skooldrag en of dit verkieslik is bo informele kleredrag, sal nog lank duur. Diegene ten gunste van skooldrag argumenteer dat dit alle leerders gelyk stel en geen onderskeid tussen die welvaart of armoede van ouers tref nie. Daar is selfs bevind dat in skole waar informele klere gedra word, ouers uiteindelik meer opdok omdat die nukke, grille en modegiere van die jeug soos die wind verander.

Soortgelyk

 

Namibië se sukses intiem verbind met dié van...

2 ure gelede | Regering

Die staatshoof, pres. Hage Geingob, het vanoggend in sy Afrikadag-boodskap aan Namibiërs hulde gebring aan die rol wat die Organisasie vir Afrika-eenheid (OAE), voorloper van...

Aardbewing skud Kamanjab wéér

2 ure gelede | Omgewing

Kamanjab is gister (Donderdag) vir die soveelste keer die afgelope maande deur ‘n ligte aardbewing geskud.Donderdagoggend se aardbewing wat 4,6 op die Richterskaal geregistreer het,...

Hepatitis E-uitbreking in Omusatistreek

1 dag gelede | Gesondheid

Sedert gister het die Omusatistreek 45 gevalle van Hepatitis E aangeteken, waarvan 10 deur laboratoriumtoetse bevestig is. Die meerderheid van dié gevalle is uit die...

Plaasvoorman skiet glo werker dood

1 dag gelede | Misdaad

Denver Kisting – ’n 65-jarige plaasvoorman verskyn na verwagting vanoggend (Donderdag) in die landdroshof op Mariental op 'n klag van moord.Dít kom nadat hy glo...

RCC: Kontrak met Chinese ongeldig

1 dag gelede | Plaaslik

“Dit is aangegaan sonder die insette of goedkeuring van my as lynminister.” Mnr. John Mutorwa; Minister van Werke en Vervoer

’n Huis vir Helena

1 dag gelede | Gebeure

Maria Eiseb - ’n Skoonmaker en ma van vyf was sprakeloos toe ’n huis in die Greenwell Matongo-woonbuurt in Katutura aan haar oorhandig is.Me....

STEM EN WEN

1 dag gelede | Gebeure

Tot 1 Junie het almal een SMS-stem om die Klein Dorp van die Jaar vir 2018 aan te wys.Kies uit:EenhanaOkahaoOniipaOranjemundDie vier finaliste sal hul dorpe...

Kalender 25 Mei

1 dag gelede | Kuns en vermaak

Nou aan die gang» Die Omba-galery, in samewerking met die John Muafangejo Art Centre (JMAC) bied ’n uitstalling deur voormalige studente en jong kunstenaars aan....

'Moenie NSFAF-geld terugbetaal'

1 dag gelede | Plaaslik

Denver Kisting'n Studente-organi­sasie het gister te velde getrek teen die voorstel dat beurse van die Finansiële Hulpfonds vir Namibiese Studente (NSFAF) in lenings omskep word.Daarnaas...