Hage wys hoe mens Harambee

Eerste burger stig winterinisiatief wat 1 400 Khomas-inwoners sal help. Die inisiatief sal jaarliks voortgaan en staan los van geld wat deur die One Economy-stigting vir sosiale opheffing gebruik word.

30 June 2016 | Gemeenskap
Augetto Graig - Die president, mnr. Hage Geingob, het die week by die Habitat-sentrum in Katutura komberse, warm baadjies en kosware aan van die armste mense in die Khomasstreek uitgedeel. Dit was die begin van sy winter liefdadigheidsinisiatief.
Gister was die eerste van agt beplande skenkings wat ’n honderd inwoners van agt van Windhoek se tien kiesafdelinge sal bevoordeel. Dié skenkings sal altesame 1 400 mense bereik uit wat die president ’n jaarlikse inisiatief wil maak.
By dieselfde geleentheid is aangekondig dat Geingob vir so lank as wat hy president is, N$20 000 van sy maandelikse salaris aan liefdadigheid sal skenk. Dit volg op verlede jaar Oktober se nasionale konferensie oor die bekamping van armoede, toe hy onderneem het om van sy maandelikse inkomste aan minder bevoorregte mense te oorhandig. Die geld wat in die agt maande sedert Oktober opgehoop het, kom op N$160 000 te staan en is aan die eerste dame, me. Monica Geingos, se One Economy-stigting oorhandig.
Die geld sal deur die stigting bestuur word met een helfte wat vir ’n studiebeurs vir die ontvanger van die Hage Geingob-toekenning gebruik word, terwyl die res deur middel van die Hage Geingob Maatskaplike Opheffingsfonds versprei sal word.
Tydens die oorhandiging van die items, het die goewerneur van die Khomasstreek, me. Laura Mcleod-Katjirua, verduidelik hoe die honderd begunstigdes uit elke kiesafdeling gekies is. Al is daar ook ander Khomas-inwoners wat hulp nodig het, is die president se poging nogtans ’n voorbeeld wat ander Namibiërs moet volg, sê sy. Sy het genoem dat ander streke ook by die president se vrygewigheid sal baat, met Tsumkwe en die Kunene volgende op die lys.
Die adjunkvoorsitter van die Nasionale Raad, me. Margaret Mensah-Williams, het die toespraak in Afrikaans herhaal en gesê die geleentheid toon dat die president nie net van Harambee praat nie, maar dit ook doen. Sy het gevra dat mense die gebaar in ’n goeie lig beskou en dit probeer nadoen.
Die presidensiële woordvoerder, mnr. Albertus Aochamub, het klem gelê op die feit dat die geld nie uit die staat se koffers nie, maar eerder uit die president se sak kom.
Die winterinisiatief teiken bejaardes en kinders in nood, sê hy. Aochamub het ook die brief van Geingob aan sy vrou se organisasie voorgelees en weer gevra dat Namibiërs wat bevoorreg is om ’n bietjie meer geld in die sak te hê, daaraan dink om ’n samelewing te bou wat meer omgee deur ’n groter rol te speel met die bydra van geld, maar ook dié van hul tyd en kundigheid.

Soortgelyk

 

Sendelinge uit die selle

1 uur gelede | Mense

Tanja Bause - “Ons is nie kwaad nie, ons is hier vir die kinders, die jeug, enkel- en werklose moeders en ons wil graag aangaan...

Daar's water in die Ugab

1 uur gelede | In beeld

Die Ugabrivier het Maandagoggend vir die eerste keer in vier jaar gevloei. Mnr. Basil Calitz van die Brandberg-ruskamp op Uis het dit op sy kamera...

Khomasskole sonder water

1 uur gelede | Onderwys

Augetto Graig – Verskeie skole in die Khomasstreek sit sonder water nadat die ministerie van onderwys, kuns en kultuur versuim het om hul munisipale rekeninge...

Antraks oorsaak van leeu se dood

1 uur gelede | Omgewing

Des Erasmus Miltsiekte was die oorsaak van die dood van die woestynleeu XPL 98 in die Ugabvallei. Bevestiging van die bevinding is deur 'n staatsveearts...

Jong vrou se lyk naby kragstasie gevind

1 uur gelede | Misdaad

Henriette Lamprecht - 'n Verbyganger op die B1-pad langs die Van Eck-kragstasie in Windhoek het gister 'n grufonds gemaak toe hy op die lyk van...

Ondersoek na ongewenste verhoudinge

1 uur gelede | Onderwys

Henriette Lamprecht Intieme verhoudinge tussen onderwysers en leerlinge kom algemeen in veral plattelandse skole in Namibië voor. Terselfdertyd is ouers, onderwysers en skoolhoofde hiervan bewus,...

Weer vir 18 Januarie

1 uur gelede | Weer

BINNELAND: Gedeeltelik bewolk en baie tot bloedig warm in die //Kharasstreek, andersins gedeeltelik bewolk en baie tot bloedig warm met geïsoleerde donderbuie. KUS: Gedeeltelik bewolk...

Klagte sluit onder meer geldwassery en bedrog in

1 uur gelede | Howe

Jacqueline Louw Die borgtogaansoek van mnr. Laurentius Julius en twee Chinese burgers, mnre. Tao Huizhong en Huang Jinrong, in 'n saak wat betrekking het op...

Gimmies herdenk 10 jaar

1 uur gelede | Onderwys

Maria Eiseb - Windhoek Gimnasium het gister sy tiende bestaansjaar gevier. Volgens die besturende direkteur van die skool, me. Colette Rieckert, het die skool sy...