Hage raas oor hysbak

Presidensie onder skoot

15 April 2019 | Plaaslik
Denver Kisting – Eerste minister Saara Kuugongelwa-Amadhila het Saterdagmiddag aan Republikein gesê dit is nog onduidelik hoe ’n hysbak reg onder hul neuse ongemagtig aangebring is.

Dié hysbak is vermoedelik voorverlede week by ’n gastehuis van die premierskantoor in die voorstad Eros opgerig – in weerwil van ’n bevel van die president se kantoor om staatshulpbronne oordeelkundig te bestee.

Kuugongelwa-Amadhila het by navraag gesê al die feite moet nog versamel word om vas te stel presies hoe die beweerde misdaad uitgevoer is. Sy het terselfdertyd die onderneming gegee die publiek sal op die hoogte gehou word sodra die volle besonderhede rugbaar word.

Saterdagaand het die Namibiese polisiehoof, lt.genl. Sebastian Ndeitunga, in ’n WhatsApp-boodskap aan die koerant bevestig pres. Hage Geingob het die polisie beveel om ’n ondersoek van stapel te stuur.

Staatshuis het Vrydagaand by monde van dr. Alfredo Hengari, die presidensiële woordvoerder, gesê ’n hysbak is skynbaar voorverlede week ten bedrae van N$999 999 opgerig.

Toevallig word dr. Nickey Iyambo, die gewese visepresident, wie se beweeglikheid glo toenemend taan, tans in dié gastehuis gehuisves.

Amb. Martin Andjaba, die minister gelas met presidensiële aangeleenthede, het onlangs in die parlement bespiegelinge besweer dat die regering beplan om ’n duur hysbak vir Iyambo se gerief op te rig.

Volgens Hengari het presies dít twee weke ná Andjaba se openbare verklaring gebeur.

Maar, sê Hengari, die aanbring van die hysbak was nie geoorloof nie.

Hy dring namens pres. Geingob daarop dat die oortreders aan die kaak gestel word en aan die pen moet ry.

Hengari wou vanweë beweerde veiligheidsredes nie die ligging van die gastehuis onthul nie.

Intussen het Geingob die afgelope naweek veral in die sosiale media wyd onder skoot gekom oor Vrydagaand se verklaring wat deur sommige as ’n bohaai buite konteks beskou word.

Een persoon wou weet: “Watse k*k is dit? ’n Hysbak verlang ’n hele persverklaring?”

Nog ’n sosialemediagebruiker wou weet of die staatshoof besig is “om sy mense uit te verkoop”.

Sy sê ook sy val nie vir die aantyging dat die vermeende oortreders se identiteite onbekend is nie. “Maar dis tog duidelik: As daar ’n faktuur was, moet hulle weet wie verantwoordelik was. Hoekom gee hulle voor hulle weet nie?”

’n Ander persoon het gesê hy is “net verstom hoe ons nog in vandag se uur geld kan mors op onbelangrike aardse goed terwyl ons mense krepeer van die honger”.

Hengari het Vrydagaand gesê senior bestuurslui in die presidensie het die beweerde onwettige installering van die hysbak ontrafel.

Geingob het luidens die verklaring sy bestuur beveel om “alles moontlik te doen om die oortreders te identifiseer en klagte in te dien in ooreenstemming met die toepaslike wette” van die land.

Dr. George Simataa, die kabinetsekretaris, gaan die ondersoek lei in samewerking met die kantoor van die eerste minister.

Oor wanneer die ondersoekkomitee sy werk gaan begin, het hy by navraag Saterdagaand gesê: “Die aangeleentheid het gister (Vrydag) oor die naweek op die lappe gekom. Jy kan sekerlik nie verwag ons moet Sondag met die saak begin nie.”

Hy kon ook nog nie sê wie in die komitee sal dien nie. “Ek weet nie. Ek het nie al die feite by my nie.”

Volgens Hengari het die beweerde onwettige optrede van die betrokke beamptes ten doel om pres. Geingob se toewyding aan doeltreffende bestuur in die gedrang te laat kom.

Ondanks dié motief sal hul pogings nie slaag nie, het hy gesê. “Hulle is bestem om te misluk,” het Hengari gemaan.

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...