H1N1 eis drie lewens in een maand

Geen uitbreking, sê ministerie

01 August 2019 | Gesondheid
Henriette Lamprecht – Die H1N1-griepvirus het in Julie die lewe van drie mense geëis.

Twee mans (onderskeidelik 47 en 53 jaar oud) en ‘n vrou (61) is onderskeidelik op 12, 22 en 27 Julie aan die siekte dood.

Volgens die ministerie van gesondheid en maatskaplike dienste (MoHSS) se woordvoerder, sr. Manga Libita, is 65 H1N1-griepgevalle sedert 19 Junie by private gesondheidsinstellings aangemeld. Die uitslag van ‘n staatspasiënt is uitstaande.

Al die gevalle is in die Windhoek-distrik, buiten een uit die Swakopmund-distrik en twee van Outjo. Uit die totaal van 64 laboratoriumbevestigde gevalle is 44 volgens Libita vyf jaar en ouer, terwyl 21 onder die ouderdom van vyf jaar is.

Volgens Libita is 34 van die gevalle vroulik en 29 manlik. Sy het beklemtoon dit is nie ‘n uitbreking nie, maar net ‘n oplewing in seisoenale griep wat wêreldwyd algemeen in die winter is.

Intussen het die matrone van die Rooms-Katolieke Hospitaal in Windhoek, sr. Bernadette Shipanga, gesê die hospitaal word tans nie “gedomineer deur griepgevalle nie, maar mense is wel siek”. Sr. Hannelie Botha, hoof van verpleging by die Lady Pohamba Private Hospitaal, sê “presies dieselfde besetting as verlede jaar” geld tans by die hospitaal.

“Die aantal lugweginfeksies is hoër, maar dit is winter, en dis seisonaal en normaal.”

Mediclinic in Windhoek se hospitaalbestuurder, me. Elmarie Vink, beaam dat gevalle van griep tans seisoenaal en normaal is.

“Ons weet dit neem teen middel-Augustus weer af,” het sy gesê.

Die Wêreldgesondheidsorganisasie (WHO) het die H1N1-virus, voorheen bekend as varkgriep, ná die pandemie in 2009 as 'n seisoenale griep­virus geherklassifiseer.

Tekens en simptome van die siekte sluit hoë koors, hoes, seer keel, loopneus, lyfseer, kopseer, moegheid, diarree en naarheid in.

Verlede jaar is 106 laboratoriumbevestigde H1N1-griepgevalle aangemeld en is twee mense aan die siekte dood. Die gevalle het in al die streke van die land voorgekom buiten Oshikoto, Omusati, ­Ohangwena, Kavango en ||Kharas.

Namibië het 'n grootskaalse H1N1-uitbreking in 2009-'10 gehad, met meer as 8 000 vermeende gevalle wat aangemeld is.

Hiervan het 102 gevalle positief vir die siekte getoets. Een persoon is aan die siekte dood. Die meeste gevalle is in die Ohangwena-, Omusati- en ||Kharasstreek aangemeld.

H1N1 word hoofsaaklik deur nies en hoes of direkte kontak met oppervlakke oorgedra wat besmette druppels op het.

Hoërisikogroepe sluit kinders onder die ouderdom van vyf jaar, bejaardes ouer as 65 jaar, swanger vroue, mense met 'n verswakte immuunstelsel en chroniese onderliggende mediese toestande in.

As voorkomingsmaatreël teen die siekte kan inwoners teen die H1N1-virus ingeënt word, met die seisoenale griepinspuiting wat dié virusstam insluit en in Namibië beskikbaar is.

Nog maatreëls is om genoeg vloei­stowwe te drink om ontwatering te voorkom, persoonlike higiëne deuren­tyd toe te pas, gereeld hande te was en dit ook te vermy om aan jou oë, neus en mond te vat omdat kieme so versprei.

Mense wat simptome en tekens van griep toon, moet rus, gereeld water drink, en koors en hoes met oor-die-toonbankmedikasie bestuur.

Soortgelyk

 

Chasing your dream

12 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

12 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

12 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

12 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

12 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

12 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

12 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

12 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

12 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...