Gruvoorval ruk Windhoek

12-jarige voor ma, sussie verkrag

16 September 2020 | Misdaad
Denver Kisting – Die polisie is op soek na twee ongeïdentifiseerde mans wat Maandagoggend in Windhoek ’n 12-jarige meisie ten aanskoue van haar ma (32) en haar agtjarige sussie verkrag het.

Dié voorval het teen gister toe dit rugbaar word skokgolwe deur veral die hoofstad gestuur.

Adj.komm. Kauna Shikwambi, die nasionale polisiewoordvoerder, sê die mans word gesoek weens verkragting, huisbraak met die doel om te roof en gewapende roof en aanranding deur dreigement.

Die mans met balaklawas het Maandag omstreeks 03:00 by die sinkhuis van die gesin in Kamanjabstraat in Havana aan die buitewyke van die hoofstad ingebreek, sê die woordvoerder.

Shikwambi sê die ma en haar twee minderjarige dogters was aan die slaap ten tyde van die inbraak.

Die mans het hulle wakker gemaak en hulle met die dood gedreig voor hulle om die beurt die 12-jarige verkrag het. “Hulle het na bewering beurte gemaak om die kwesbare en weerlose meisie in die teenwoordigheid van haar ma (32) en suster (8) te verkrag. Dit is verskriklik en traumaties.”

Shikwambi sê vroue en kinders bly ten prooi val van dié misdade wat hulle van hul menslikheid en waardigheid beroof.

Die mans het ná die verkragting met kontant ten bedrae van N$300 en ’n selfoon ter waarde van N$1 200 op die vlug geslaan, het Shikwambi gister gesê.

Teen gistermiddag is nóg die mans, nóg die buit gevind, het sy gesê.

PLATGESLAAN

Mnr. James Itana, ’n genderaktivis verbonde aan Regain Trust, het gister by navraag gesê: “Om eerlik te wees: Sulke voorvalle ruk aan my hele kern. Ek is platgeslaan. Woedend begin nie eens om te beskryf hoe ek voel nie.”

Hy sê dit frustreer hom dat die land nie oor genoeg hulpbronne beskik om sy inwoners te beskerm nie, “maar ons kan bekostig om miljoene aan verdediging te bestee, terwyl die polisie nie genoeg voertuie het of mans genoeg is om die veiligheid van ons mense te verseker nie.”

Dr. Veronica Theron, die tegniese raadgewer verbonde aan die kantoor van die presidentsvrou, me. Monica Geingos, en hoof van hul geslagsgegronde eenheid, het gister gesê: “Pure disrespek; minagting van vroue en kinders; mans wat hulle onmenslik behandel as slegs seksobjekte gebruik vir hul eie bevrediging.”

Sy sê die voorval is tekenend van hoe sommige mans reken hulle is geregtig hierop met geen oorweging van die lewenslange sielkundige letsels wat hul gedrag laat nie.

Me. Yvonne Dausab, die minister van justisie, sê: “Ek is diep bekommerd en gegrief. Dit gaan nie net oor die toereikendheid van die gereg en die doeltreffendheid van wetstoepassing nie. Dié tipe gedrag is ’n aanklag op ons gesamentlike gewete en die tipe samelewing wat ons besig is om te word. Dit vereis diep oordenking van ons samelewing se waardes.”

Shikwambi het ’n beroep gedoen op die publiek om met die soektog na die mans te help.

- [email protected]

Soortgelyk

 

Min kans vir vlieg na SA

6 ure gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

6 ure gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

6 ure gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

6 ure gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

6 ure gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

6 ure gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

6 ure gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

6 ure gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

6 ure gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...