‘Grootste satiriese digter in Afrikaans’ sterf

30 July 2020 | Kuns en vermaak
Die Afrikaanse digter, satirikus, dramaturg en skrywer M.M. Walters is vroeg Dinsdagoggend oorlede.

Matthys (Thys) Michielse Walters (91) is in ’n versorgingsoord vir bejaardes in Vishoek oorlede.

Volgens ’n jarelange vriend, die afgetrede akademikus Gunther Pakendorf, het Walters se gesondheid die afgelope maande agteruitgegaan nadat hy geval het.

Die afgelope drie dae het hy verder verswak voordat hy dood is. Hy het vroeër na die oord verhuis nadat hy jare lank op sy eie in Simonstad gewoon het.

Walters se laaste digbundel, Braille-briewe, het in 2011 verskyn. Die digter Daniel Hugo het hom in ’n vorige skrywe beskryf as dié “grootste (letterlik en figuurlik) satiriese digter in Afrikaans” en as iemand wat “sy lewe lank al verbaas, verbysterd én diep ontsteld (lag) oor die domheid van selfvoldane mense: materialiste en teoloë, nasionaliste en liberaliste”.

Walters was jare lank ’n dosent in die Afrikaanse letterkunde aan die onderwyskolleges van Graaff-Reinet en die Paarl, en aan die Universiteit van Kaapstad.

Volgens Hugo word Walters onder die Sestigers gereken omdat hy in daardie dekade van literêre vernuwing gedebuteer het. Walters is in 2015 in die Tuin van Digters gehuldig vir sy lewensbydrae.

Hugo noem Walters ook “die skerpste digterlike kastyder van die NG Kerk en die Afrikaner” in ’n skryfstuk wat in Hugo se Vers & Kapittel (Kraal, 2018) verskyn het.

Die destydse moderator van die NG Kerk dr. Koot Vorster (broer van die eerste minister John Vorster), het Walters ’n vyand van die volk genoem en kon nie verstaan waarom die Suid-Afrikaanse Akademie vir Wetenskap en Kuns hom vir sy debuutbundel, Cabala (1967), bekroon het nie, aldus Hugo.

Walters se gedigte toon ’n verbluffende kennis van die Noorse, Griekse en Romeinse mitologie en hy is ook bekend om sy natuurgedigte en diepe belangstelling in die Oosterse filosofie.

Hy is ook bekend om sy historiese en allegoriese dramas, skryf Hugo.

’n Koffietafelboek saam met die fotograaf Siegfried Behm getiteld Die Weskus van die Kaap het ook uit sy pen verskyn.

Walters is op 23 Januarie 1929 op Moorreesburg gebore. Vandaar het hy in die Groot-Karoo, Boland en Kaapstad gewoon. - Netwerk24

Soortgelyk

 

Vandag se Covid-19-data

1 uur gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

2 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

7 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

17 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

17 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

17 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

17 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

17 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

17 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...