Grootfontein-DBV hou galadinee

17 May 2019 | Kuns en vermaak
Die Grootfontein-dierebeskermingsvereniging (DBV) gaan op 27 Julie ’n galadinee met ’n vyfgang-ete en dans by die skougronde aanbied om geld vir die aankoop van eiendom in te samel.

Plaaslike sangers Cilisia Bergh, Jacques Vermaak en Head & Hair gaan optree en die voete laat jeuk.

“Tans het ons 29 diere in ons sorg by ’n huis. Daar is beperkte ruimte en ons kan nie permanent van hierdie private geriewe gebruik maak nie,” het me. Alta Scott, voorsitter van die Grootfontein-DBV, gesê.

“Ons het ’n dringende behoefte aan skenkings en borgskappe om geskikte eiendom te bekom om ’n skuilplek te bou vir onversorgde en mishandelde diere in ons streek en om mooi na hulle om te sien.”

Scott sê die DBV het reeds 'n aansoek by die Grootfontein-munisipaliteit ingehandig om eiendom te bekom om ’n diereskuilplek, huise vir werkers, ten volle toegeruste mediese kliniek en administratiewe kantoor op te rig.

“Dit is ons doelwit en visie om uiteindelik 10 mense in diens te neem, naamlik ’n bestuurder vir die dierehokke, ’n sekretaresse of ontvangsdame, twee inspekteurs en ses werkers wat in skofte sal werk om na die diere om te sien,”het Scott gesê.

Sy sê dit sal hoogs waardeer word as ’n maatskappy bereid is om die galadinee te ondersteun deur N$10 000 vir ‘n tafel van 10 mense te skenk om die geleentheid by te woon.

“Dit sal ’n gulde geleentheid vir maatskappye wees om hul besigheid met handelsmerk en promosiemateriaal te adverteer, en boonop kan alle skenkings aan die DBV van belasting verhaal word,” sê Scott.

Grootfontein se DBV is by die Namibiese DBV geregistreer en volg hul reëls en regulasies. Alle fondse wat ingesamel word, is vir spesifieke projekte geoormerk en word deur boekhouers gemonitor.

Kontak Scott by 081 57 44004 of [email protected] voor 20 Mei om plek vir die galadinee te bespreek.

Skenkings kan inbetaal word by: SPCA Grootfontein, Bank Windhoek se Grootfontein-tak, takkode 482-473, spaarrekeningnommer 2 000 372 374.

Soortgelyk

 

Kawana gee besonderhede oor viskwotas

13 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

1 dag gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

1 dag gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...