Groot seeswaeltjies van Europa kuier op Lüderitz

Geveerdes broei tans

02 January 2019 | Omgewing
Elvira Hattingh - Van die groot seeswaeltjies wat tans aan Lüderitz se kus kuier, het waarskynlik sowat 10 700 km afgelê om vakansie in Namibië te kom hou.

Boonop verkies die geveerde toeriste skynbaar om jaarliks hierheen te kom.

‘n Hele klompie groot seeswaeltjies is die afgelope weke deur Lüderitz Marine Research by Grosse Bucht afgeneem – waarvan verskeie gering was. Die ringe help wetenskaplikes om die voëls te identifiseer en vas te stel waarvandaan hulle gevlieg het.

Lüderitz Marine Research het foto’s van verskeie groot seeswaeltjies op hul Facebook-blad gedeel en gesê die voëls is gereelde besoekers aan die Namibiese kus en die sterk suidewind steur hulle oënskynlik nie.

GEREELDE BESOEKERS

Volgens rekords was twee van hierdie swaeltjies, wat tans by Lüderitz is, ook tydens verlede jaar se somerseisoen hier te sien.

KJ6 is een van hulle en kom oorspronklik van Norfolk in Engeland af, en die ander een, N5L, is van Nederland se Suid-Holland-provinsie afkomstig.

“Sommige individue het die afgelope jare keer op keer na Lüderitz teruggekeer,” het Lüderitz Marine Research op hul Facebook-blad geskryf.

“Hulle kom meestal van die noorde van Europa af en hou skynbaar baie van ons produktiewe mariene lewe. Hulle broei daar in die somer.

“Oor die afgelope jare het ons van die swaeltjies van so ver as Holland, Skotland, Ierland en Engeland gehad,” het Lüderitz Marine Research gesê.

Die groot seeswaeltjie is – soos sy naam aandui - groter as ander plaaslike seeswaeltjies soos byvoorbeeld die geelbeksterretjie. Hulle broei nie dié tyd van die jaar nie. Kenmerkend aan hulle is hul swart bekke met die geel punt, het Lüderitz Marine Research verduidelik.

DAMARASTERRETJIE

Foto’s van die ikoniese Namibiese Damara-sterretjie is ook gedeel, en die eerste kuiken vir die somer is op 12 Desember by Grosse Bucht afgeneem.

Die kuiken kon reeds vlieg, maar sy ouers het toe steeds klein vissies in die vlak branders gevang en vir hom gebring.

“Hierdie kuiken het waarskynlik uitgebroei van ‘n eiertjie wat tussen 30 Oktober en 3 November iewers naby Grosse Bucht gelê is. Die eiertjies weeg sowat 7,5 g en is sowat 3 cm in deursnee,” het Lüderitz Marine Research verduidelik.

“Hopelik is hierdie die eerste van vele suksesverhale van hierdie kolonie vir die seisoen.

“Damara-sterretjies maak hul nessies in die woestyn, dikwels etlike kilometers van die kus af. Hulle lê ‘n enkele, gekamoefleerde eier,” het Lüderitz Marine Research verduidelik.

“Ná 20 dae broei ‘n klein kuiken uit en verlaat die nessie ná twee dae. Dit lyk soos ‘n klein ‘donsballetjie’ wat met die woestyngrond kamoefleer sodat dit nie maklik raakgesien kan word nie.

“Eers 20 dae later het die kuiken se vere op hul vlerke genoeg gegroei sodat dit kan begin vlieg. Tydens hul broeityd is die voëls uiters kwesbaar vir die verwoesting van hul habitat of enige steurings.

“Hulle is ikonies van ons land omdat tussen 80% en 90% van dié spesie teen ons kus uitbroei. In Namibië is hul grootste bedreigings myne en motors wat oor die woestyn ry en nie op gemerkte paaie bly nie,” het Lüderitz Marine Research gewaarsku.

Soortgelyk

 

'Boere se veglus verdwyn'

3 ure gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

3 ure gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

3 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

3 ure gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

3 ure gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

3 ure gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...

'Die beste tyd van my lewe'

3 ure gelede | Kuns en vermaak

Lloyd ZandbergDie 22-jarige gebore Namibiër Kyle Farrer verwys na homself as koel en kalm. Jy kan dit aan sy voorkoms sien. Eenvoudig, maar deurdink, ‘n...

Besige jaar vir Windhoek se DBV

3 ure gelede | Omgewing

Mariselle Stofberg- Die Dierebeskermingsvereniging (DBV) in Windhoek het 3 695 diere gedurende 2018 ingeneem. Altesaam 2 207 honde, 1 434 katte en 54 ander diere...

Vreemde voetspore is dit toe nie

3 ure gelede | Plaaslik

Francoise Steynberg - Groot was die opgewondenheid van die boer mnr. Frederick de Koker toe hy in November verlede jaar vreemde "voetspore" in rotsformasies naby...