Groot geld in sonde

13 September 2018 | Menings
DIRK VAN ZYL SKRYF:

Dit lyk my die dranklokale en tabakverspreiding het ’n enorme bron van inkomste vir die staat geword.

Dit groei en groei, en almal besef solank die verslawingmiddels begeer word, sal die newe-effekte en probleme wat dit veroorsaak nie deur die wetstoepassers gesien word nie, en sal die sonde bevorder word. Verkope floreer en die belastingstroom neem by die dag toe.

Die mens word swakker en swakker, en kan nie meer stry teen drankgebruik nie. Die verslawing word erger en erger, en die gevolge onstuitbaar. Die bron van inkomste na die staatskoffers vloei 24/7.

Waarom ondersteun sommige hierdie euwel met oorgawe? In byna elke huis is ’n kroeg, al staan daar net een bottel sonde wat kastig as medisyne aangehou word. Niemand is siek of beseer nie, maar die medisyne word minder en minder.

Jare gelede, toe ek in Walvisbaai gekom het, was daar 21 kerke en 23 dranklokale. Dit was ’n skok vir my, want een dranklokaal is vir my een te veel.

Ek wonder wat die president sal sê as ek hom vra of hulle nie die sondebelasting vir die senior burgers kan gee nie. Die staatskoffers kan gevul word met die boetes van die taxi''s.

As die boetes so hoog is, waarom luister hulle nie? Die boetes is geen afskrikmiddel nie, hulle wil kyk of die regering nie skrik nie.

Die waarheid is die waarheid, kom ons wees eerlik. Eerlik beteken oop, waar, reguit, betroubaar, opreg, trouhartig, regverdig, onkreukbaar en eerbaar.

Kyk na iemand voor hy of sy begin drink. Ná so ’n paar sopies van die sonde ingesluk is, verander die prentjie stelselmatig. . .

Die regering weet wat aan die gang is, en gee meer en meer lisensies vir dranklokale, terwyl die nugterdenkendes bid dat dit moet stop.

Moenie vra waarom God nie luister nie. Hy luister. Bekering lê in jouself. Jy en ek het ’n wil van ons eie. Ons besluit of ons iets wil los of aangaan daarmee. As jy die eerste tree gee, sal God jou wilskrag gee, maar jy moet self stry. Waar nie ’n stryd is nie, is nie ’n oorwinning nie. Onthou, hoe meer mense die verkeerde ding doen, hoe meer dink ander, en veral kinders, dat dit reg is, en doen dieselfde.

Die regering bestaan glo uit die slimste mense. Die president is die slimste in sy party, daarom is hy gekies om die land te lei. Niemand wil ’n leier hê wat minder as die slimste is nie. Ons weet dis veronderstel om so te wees, maar baie kiesers weet niks, of nie genoeg van politiek nie. Hulle stem vir die verkeerde rede.

Die president moet briljant en skrander wees. Hy moet ''n kabinet saamstel wat betroubaar en verantwoordelik die portefeuljes kan behartig wat aan hulle toevertrou is.

Net jammer daar is nie opgeleide liggame wat die korrupsie en wanorde kan stop wat soos onkruid alles dooddruk nie.

As ons so drank koop (dit maak nie saak of jy dit gebruik of nie, al koop jy dit as geskenk vir iemand) is ons nie besig om drankmisbruik te bevorder en die nagevolge daarvan te verskerp nie?

So is ons ook onbewustelik aandeelhouers in die dood op die paaie, die mishandeling van vroue en kinders, verkragting en al hierdie lelike dinge. Jy sal nooit hierdie aandele kan verkoop nie.

Baie drinkers hou nie van wat ek skryf nie, maar ek gee nie om nie. Solank ek die waarheid praat, is my sake met God reg.

Soortgelyk

 

Polisie konfiskeer kerk se luidsprekers in Oshakati

2 ure gelede | Plaaslik

Die polisie het luidsprekers wat aan die New Jerusalem Ministry in Oshakati se informele nedersetting Oneshila behoort, vandeesweek ná klagtes van rusverstoring gekonfiskeer.Volgens inspekteur Thomas...

Olifante beskadig optiese kabels naby Khorixas

3 ure gelede | Plaaslik

‘n Trop olifante het inwoners in die Noorde van die land sonder landlyn- en selfoonverbinding gelaat, nadat die optiese kabel tussen Omatjete en Khorixas Donderdagmiddag...

Skietklub lê weer aan

5 ure gelede | Howe

Denver Kisting - Mnr. Norman Tjombe, die regsverteenwoordiger van die Rehoboth-skietklub, het vanoggend (Vrydag) bevestig sake is terug na normaal.Dít kom nadat die Namibiese weermag...

'Boere se veglus verdwyn'

15 ure gelede | Landbou

Ronelle Rademeyer en Elvira Hattingh - Twee bekende boere van die Suide sê die droogte het boere op hul knieë.“Ek was gister by ’n veiling...

Egpaar herontdek skaars plantjie

15 ure gelede | Omgewing

Denver Kisting – ’n Dekaan by die Namibië Universiteit van Wetenskap en Tegnologie (Nust), dr. Rolf Becker, en sy vrou, me. Alma Moller, het verlede...

Kalender 18 Januarie

15 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots Unam se beeldende kunste-uitstalling vir 2018 aan. Dié uitstalling is tans...

'DRK maak staat op ons'

15 ure gelede | Politiek

Inwoners van die Demokratiese Republiek van die Kongo (DRK) maak staat op lande deel van die Suider-Afrikaanse Ontwikkelingsgemeenskap (SADC) om die land weer op die...

Operasie Hornkranz: Meer misdaad aangemeld

15 ure gelede | Misdaad

Augetto Graig Die Namibiese polisie het Woensdag by die Israel Patrick Iyambo-polisiekollege in Olympia terugvoering gegee aan die visepresident, mnr. Nangolo Mbumba, en die...

Weer vir 18 Januarie

15 ure gelede | Weer

BINNELAND: Sonnig en warm tot baie warm in die //Kharasstreek, andersins gedeeltelik bewolk en baie tot bloedig warm met 'n paar tot geïsoleerde donderbuie in...