Groot Aub-gemors sleep voort

Derde week met vullis

21 February 2018 | Plaaslik
Denver Kisting



Inwoners van Groot Aub suid van Windhoek het verlede week gesê die stadsraad jok oor hul vullis­verwydering.

Boonop, sê hulle, lyk die opeen­ho­ping van vullis nie net sleg nie, maar hou dit ook gesondheids­gevare in.

Volgens 'n inwoner was verlede week die derde opeenvolgende week dat hul rommel nie verwyder is nie.

Dié inwoner was opnuut genoop om haar huishoudelike vullis aan die brand te steek om daarvan ontslae te raak, sê sy.

Sy sê sy en baie ander raak die afgelope twee weke reeds op hierdie manier van hul rommel ontslae.

Windhoek se stadsraad het laat verlede week by monde van hul woordvoerder, me. Lydia ­Amutenya, toegegee daar was 'n “uitdaging met skoonmaak verlede week of so”.

Sy het die toedrag van sake toe­geskryf aan die beëindiging van die vorige diensverskaffer se kontrak, wat glo reeds op 31 Januarie verstryk het.



Weg vorentoe

Amutenya het gesê die kontrak kon “ongelukkig nie verleng word nie en vir die afgelope twee weke het die stad voormalige werknemers van die ­kontrakteur gewerf om in die kort termyn voort te gaan met die skoonmaakwerk terwyl die nuwe ­skoonmaakbenadering in die lang termyn in werking gestel word”.

Volgens haar het die werwings­proses reeds ten einde geloop en die skoonmaakspanne van Groot Aub is op dreef.

“Die skoonmaakproses het begin en sal dienooreenkomstig voortgaan.”

Inwoners sê dit is egter onwaar. Hul vullis word gewoonlik Donderdae en Maandae verwyder en verlede Donderdag het niks gebeur nie, sê hulle.

By navraag het die hoof van soliede afvalbestuur, mnr. Friedrich Koujo, gister gesê die nuwe rommelopruimspan op Groot Aub behoort reeds ten volle op dreef te wees.

Hy het onderneem om self ondersoek in te stel.

Hy sê hulle het in die spervuur beland omdat die ooreenkoms met die vorige diensverskaffer glo vir té lank – 16 agtereenvolgende maande – van krag was.

Vervolgens moet die tender opnuut in die media geadverteer word, sê hy.

Dít sal na verwagting eersdaags gebeur.

Soortgelyk

 

Mariental-monster kry 105 jaar

14 ure gelede | Howe

Hoërhof-regter Christie Liebenberg het die 34-jarige Gerald Henly Matlata vanoggend lewenslange tronkstraf opgelê vir moord, asook 80 jaar vir bykomende klagte. Dit sluit in twee...

Tienermeisie vermis

14 ure gelede | Polisie

Die 14-jarige Niita Fillemon word sedert verlede Woensdag vermis. Niita was met haar verdwyning in 'n swart broek en 'n geel t-hemp geklee. Sy is...

Nóg toeriste op grondpaaie beroof

16 ure gelede | Misdaad

Twee toeriste is Sondag onderweg na Sossusvlei deur ‘n groep mans van die pad afgedwing. Volgens hoofinspekteur Daniel Gurirab van die Namibiese polisie in...

Net ál nouer om Rooies

1 dag gelede | Plaaslik

Denver Kisting - ’n Maand nadat Republikein onthul het die aanklaer-generaal het gelas die oudlanddros mnr. Rooies Mostert moet vervolg word, het die Teenkorrupsiekommissie (ACC)...

Brand verwoes 9 kamers op Koedoeberg

1 dag gelede | Ongelukke

Henriette Lamprecht – Die Koedoeberg-gasteplaas se hoofgebou en wat onder meer die ontvangsarea, kombuis, kroeg en lapa gehuisves het, is Woensdagaand in ’n brand verwoes....

Weer vir 18 September 2018

1 dag gelede | Weer

WEERWAAK: Hittegolftoestande word in die noordelike streke verwag.BINNELAND: Gedeeltelik bewolk en baie warm in die Suide. Elders sal dit sonnig en baie warm wees,...

Ma en seun vandag weer voor hof

1 dag gelede | Howe

Denver Kisting'n Tienerseun is gistermiddag in die sorg van sy ma vrygelaat.Dít kom nadat dié 45-jarige ma gister op borgtog van N$1 500 vrygelaat is.Ma...

Man van halfmiljoen se items beroof

1 dag gelede | Misdaad

Tanja Bause Vyf gewapende mans het 'n man by sy huis in die hoofstad beroof en met items ter waarde van 'n halfmiljoen Namibiese dollar...

Walvis vrek ná reddingspoging

1 dag gelede | Omgewing

Tanja Bause - ’n Gestrande jong Antarktiese minkewalvis (Balaenoptera bonaerensis) is verlede Woensdag in Grosse Bucht by Lüderitz ontdek.Dié voorval is by mnr. JP Roux,...