Groot argitek sterf op Swakop
Des Erasmus - Met geboue en komplekse oral in Namibië wat as sy monumente staan, het een van die grootste argitekte van veral die vorige eeu, mnr. Kerry McNamara (76), op Swakopmund gesterf waar hy en sy vrou, Shelagh, in hul ryper jare gebly het.
McNamara was tot net voor sy dood nog aktief op die gebied van Swakopmundse burgersake. Enige nuwe ontwikkeling op die vakansieoord self of in die omgewing moes eers onder die McNamara-vergrootglas geplaas word voordat sonder meer daarmee voortgegaan kon word. Het hy hom teen van die werke verset, het hy dit in die sterkste moontlike taal gedoen.
Een van sy laaste groot werke in Windhoek was die ontwerp van die ingenieurs- en navorsingsentrum van die Universiteit van Namibië (Unam).
Wyle McNamara en sy vrou, Shelagh, was die ouers van vier kinders - drie seuns en een dogter. Die seuns is Malachy, Kevan, Rowan en die dogter is Bevann. Malachy woon in Londen en Bevann in Johannesburg. Kevan en Rowan het die argitekteonderneming in Windhoek oorgeneem en sit dit in die familienaam voort.
McNamara was oorspronklik ‘n boorling van Kuruman in Suid-Afrika.
‘n Roudiens sal Vrydag om 15:00 vir hom in die Katolieke Kerk op Swakopmund gehou word.
McNamara was tot net voor sy dood nog aktief op die gebied van Swakopmundse burgersake. Enige nuwe ontwikkeling op die vakansieoord self of in die omgewing moes eers onder die McNamara-vergrootglas geplaas word voordat sonder meer daarmee voortgegaan kon word. Het hy hom teen van die werke verset, het hy dit in die sterkste moontlike taal gedoen.
Een van sy laaste groot werke in Windhoek was die ontwerp van die ingenieurs- en navorsingsentrum van die Universiteit van Namibië (Unam).
Wyle McNamara en sy vrou, Shelagh, was die ouers van vier kinders - drie seuns en een dogter. Die seuns is Malachy, Kevan, Rowan en die dogter is Bevann. Malachy woon in Londen en Bevann in Johannesburg. Kevan en Rowan het die argitekteonderneming in Windhoek oorgeneem en sit dit in die familienaam voort.
McNamara was oorspronklik ‘n boorling van Kuruman in Suid-Afrika.
‘n Roudiens sal Vrydag om 15:00 vir hom in die Katolieke Kerk op Swakopmund gehou word.
Kommentaar
Republikein
Geen kommentaar is op hierdie artikel gelaat nie