Grondstrydbyl vir eers begrawe

Buitelandse sakelui skik buite hof

14 January 2019 | Howe
Denver Kisting – Twee omstrede buitelandse sakelui, mnr. Fadi Ayoub en me. Stina Wu, het onlangs buite die hof geskik oor ’n ingewikkelde eiendomstransaksie wat gedreig het om skeef te loop.

Hofdokumente het lig gewerp op die miljoene wat veronderstel is om hande te verwissel tussen dié twee oor groot hoeveelhede grond.

In die hofstukke, waarvan Republikein afskrifte bekom het, sê Ayoub hy is ’n volwasse sakeman wat tans in Robynstraat in die Windhoekse voorstad Eros woon.

Hy het die aansoek gebring teen Wu, wat in Liststraat woon.

Op dieselfde perseel is twee beslote korporasies geleë – Almazu Investments BK en Landscape Property Number Seventeen, lui die hofdokumente.

Dié twee besighede is as onderskeidelik die tweede en derde verweerder in die sedertien opgeloste twis gelys.

Ayoub het in die stukke aangevoer hy en die eerste BK, wat deur Wu verteenwoordig is, het op 16 Februarie verlede jaar ’n ooreenkoms gesluit, waarvolgens hy ledebelang daarin sou bekom.

Al die ledebelang van daardie besigheid was in daardie stadium in Wu se hande, lui die stukke.

Ayoub sou 40% van die belang oorneem.

In die dokumente het hy aangevoer Wu het tot laat verlede jaar, ondanks talle beloftes, haar voete gesleep om die akteprokureurs te kry om die proses af te handel.

Volgens ’n vorige kontrak, wat glo in Januarie 2017 gesluit is, het die partye mondeling ooreengekom Wu sal pa staan vir die instandhouding van die Eros-eiendom totdat dit op Ayoub se naam oorgedra word.

Onder meer, het sy glo hand en mond belowe om om te sien na die water- en kragrekening en om enige uitstaande munisipale skuld te delg.

Hiernaas sou sy ook verantwoordelikheid aanvaar vir algemene instanding en versorging van die spoghuis.

Hulle het glo ooreengekom dat Wu onmiddellik sal optree sodra ’n instandhoudingsbehoefte opduik.

Ayoub het hom glo male sonder tal onsuksesvol tot haar gewend om haar beloftes gestand te doen.

Onder meer moes hulle dikwels met lekkende toilette vir lief neem, sê hy.

Hiernaas was die kombuiskaste “los en beskadig” en die ingeboude kaste in die slaapkamers was ook ’n uitdaging.

Ayoub voer aan die dak was so stukkend dat lekkasies tydens die reënseisoen hul lot was.

Hy moes ook ’n rekening van N$20 000 self vereffen vir die herstel van die beskadigde elektriese heining, sê hy.

Die swembad lek ook en dit het bygedra tot “’n verskriklik hoë waterrekening”. Boonop is die swembad en die vistenk se pompe flenters.

Volgens Ayoub moes hy ook meer as N$72 000 opdok vir ’n uitstaande munisipale rekening.

Weens Wu se versuim om haar deel van die ooreenkoms na te kom, het hy skade van nagenoeg N$262 259 opgeloop, het Ayoub in die stukke aangevoer.

Hy sê die Eros-eiendom was deel van ’n breër ooreenkoms, wat verskeie van sy erwe buite Rehoboth op ’n landgoed, Sable View, ingesluit het.

Vir dié grond moes sy kragtens die ooreenkomste glo bykans N$580 000 betaal. Toe hy hom laat verlede jaar tot die Windhoekse hoërhof gewend het, was sy N$350 000 agterstallig op daardie paaiement.

Ayoub het voorts aangevoer die laaste doring in sy vlees was dat hy 100% van die belang in die tweede BK sou bekom. Tot in daardie stadium op 3 Oktober 2018 het daarvan ook dadels gekom.

Verskeie pogings om die tweetal verlede week in die hande te kry, het geen vrugte afgewerp nie.

Soortgelyk

 

Gesondheid: Advertensie vals

52 minute gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

10 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

10 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

10 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

10 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

10 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

10 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

10 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

10 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...