Groei in landbou bespreek

04 September 2018 | Landbou
Die Landbou-vooruitskouingskonferensie wat sedert 2012 al om die tweede jaar deur die Namibië Landbou-unie (NLU) aangebied word, vind vanjaar op 10 Oktober in Windhoek plaas.

Die hoofdoel van die konferensie is om 'n geleentheid te skep vir die landbousektor in die land om gesamentlike kwessies te bespreek. Verder skep dit 'n platform waar inligting oor ekonomiese sake, pryse en die markte van die toekoms gekommunikeer kan word.

Die tema vanjaar handel oor idees om groei in die landbousektor aan te vuur, sê die NLU in sy nuusbrief aan produsente.

“As die primêre sektor nie groei nie, kan geen ­bykomende werksgeleenthede geskep word om die landelike ekonomie te bevoordeel nie.

Die klem sal dus wees om die lae hangende vrugte in die vee, akkerbou, wild- en ander sektore te identifiseer wat toekomstige groei sal aanspoor.”

Die konferensie sal deur mnr. Alpheus !Naruseb, minister van landbou, water en bosbou, geopen word.

Verder op die program is mnr. Junius Mungunda wat 'n beleidsperspektief sal gee van sake wat die landbousektor raak.

'n Sessie vind plaas vir ­kommoditeite soos grootvee, kleinvee, akkerbou, wild en toerisme, met sprekers wat kortliks sal verduidelik wat die sleutelprobleme is en uitwys wat nodig is om groei in hierdie onderskeie ­kommoditeite aan te vuur.

Hierdie sessie word ­­­gelei deur verskeie plaaslike produsente en kundiges soos dr. Joggie Briedenhann, mnr. Pieter van Schalkwyk, mnr. Michael Iyambo en dr. Chris Brown.


'N BLIK IN DIE TOEKOMS

Dr. Helmke von Bach sal ook praat oor die verskillende drywers agter winsgewendheid en mnr. Arnold Klein sal afsluit met 'n blik in die toekoms van hoe boerdery oor 15 tot 20 jaar van nou af sal lyk.

Dit kos N$650 om die konferensie by te woon en dit sluit 'n volle dag se verversings en middagete in.

Vir enige navrae of om te bespreek, kontak Rina Hough by die NLU-kantoor by 061 237838 of [email protected]

Soortgelyk

 

Brand breek uit by Spar op Keetmanshoop

2 ure gelede | Ongelukke

'n Brand woed tans by die Spar op Keetmanshoop. 'n Leser het enkele minute gelede dié foto vir Republikein gestuur. Meer inligting is nie tans...

Elfjarige byna ontvoer

2 dae gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

2 dae gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

2 dae gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

2 dae gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

2 dae gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

2 dae gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

2 dae gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

2 dae gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...