Google in hof

Klag ingedien

24 August 2018 | Tegnologie
Google word in 'n nuwe regsgeding daarvan beskuldig dat hy miljoene iPhone- en Android-gebruikers se ligging naspoor, selfs al is die nodige verstellings gedoen met die versoek dat die tegnologiereus dit nie moet doen nie.

Volgens 'n klag wat laat verlede Vrydagmiddag ingedien is, verseker Google sy gebruikers verkeerdelik dat hulle nie nagespoor sal word nie indien die “Location History”-verstelling op hul toestelle afgeskakel word.

In stede daarvan monitor Google steeds gebruikers se bewegings, al is dié verstelling gedoen.

“Google meen 'n gebruiker kan die monitering van sy bewegings enige tyd afskakel sodat die plekke wat hy besoek, nie gestoor word nie. Dit is eenvoudig onwaar,” lui die klag wat by 'n federale hof in San Francisco ingedien is.

Die klaer, Napoleon Patacsil van San Diego, wil 'n groepsgeding instel namens Amerikaanse gebruikers van Android- en Apple-fone wat die nasporingsfunksie afgeskakel het, maar dan steeds dopgehou word.

Hy eis ook 'n ongespesifiseerde bedrag as skadevergoeding vir Google se beweerde en opsetlike oortreding van Kalifornië se wette oor privaatheid, sowel as vir die inmenging in mense se private sake.

Associated Press het ná 'n ondersoek op 13 Augustus 'n artikel gepubliseer wat bevestig dat Google steeds mense se ligging dophou, ten spyte van wat die verstelling op die foon wys.

Nie Google of Patacsil se regsverteenwoordiger het Maandag op 'n versoek om kommentaar gereageer nie.

Patacsil beweer Google het sy bewegings deur sy Android-foon op onwettige wyse nagespoor, en later ook op sy iPhone waarop hy verskeie Google-apps geïnstalleer het.

Hy sê dit is Google se “hoofdoel” om sy gebruikers te “monitor” en om derdepartye ook toe te laat om dit te doen.

 – Netwerk24/Reuters

Soortgelyk

 

Miltsiekte-uitbrekings by Bwabwata, Sesfontein

42 minute gelede | Gesondheid

Dertien mense van die Sesfontein-omgewing het vermoedelik miltsiekte opgedoen nadat hulle die vleis van diere geëet het wat weens dié gevreesde siekte gevrek het.Dié inligting...

Geen borgtog vir vrou wat babaseuntjie glo ontvoer

3 ure gelede | Misdaad

‘n Vrou wat in hegtenis geneem is vir die beweerde ontvoering van ‘n tweemaande oue babaseuntjie Sondag, is borgtog in die landdroshof op Rehoboth geweier....

Ondersoek staatskaping in Namibië, vra PDM

4 ure gelede | Politiek

Ronelle Rademeyer - Namibië se amptelike oppposisie, die Popular Democratic Movement (PDM), sê hy “raak al meer daarvan oortuig die Namibiese staatsmasjienerie is gekaap” en...

Getuie pak skuld op Katrina

17 ure gelede | Howe

Denver KistingMe. Katrina Hanse-Himarwa, die destydse goewerneur van die Hardapstreek, het vier jaar terug gesê 'n lys van begunstigdes van die massabehuisingsprojek op Mariental moet...

'Robocop' vir pille

17 ure gelede | Gesondheid

Henriette Lamprecht – In ’n hospitaal in Namibië is ’n robot met die naam Eva wat binne sekondes sorg dat elke pasiënt met sy of...

Nog twee dood ná gru-ongeluk

17 ure gelede | Ongelukke

Tanja Bause - Die ongeluk waarin sewe mense verlede Woensdag tussen Otjiwarongo en Otavi gesterf het, het nog twee se lewe geëis. Die ongeluk het...

Waterbestuur by skole kan 50% spaar

17 ure gelede | Plaaslik

Elvira HattinghIndien die munisipaliteit se voor­gestelde waterbestuurmaatreëls aan die onderwysministerie by skole toegepas sou word, kan hul waterrekeninge met minstens 50% verminder, meen 'n kenner....

Weer vir 14

17 ure gelede | Weer

BINNELAND: Sonnig en bloedig warm in die verre Noorde en Suide, andersins gedeeltelik bewolk en baie tot bloedig warm.KUS: Gedeeltelik bewolk en koel tot warm.GETYE...

Unam-staking verby

17 ure gelede | Onderwys

Die 11 dag lange staking van dosente en ander werknemers van die Universiteit van Namibië (Unam) het Maandagaand tot 'n einde gekom. Die verteenwoordigende vakbonde,...