Gondwana sny ook salarisse

10 September 2020 | Toerisme
Francoise Steynberg

Nóg ’n gróót Namibiese toerismemaatskappy kon nie die aanslae van die Covid-storm weerstaan nie en moet salarisse sny.

Volgens die uitvoerende hoof van Gondwana Collection Namibia, mnr. Gys Joubert, is die vier uitvoerende direkteure se salarisse vanaf September met 40% gesny en al die ander werknemers sal vanaf Oktober ’n salarisbesnoeiing van 25% hê.

“Ons het die afgelope ses maande tydens die Covid-19-storm meer as 95% van ons inkomste verloor en ons gaan voort om elke maand miljoene te verloor. Ons kan nie so voortgaan nie,” het Joubert in ’n brief Dinsdag aan werknemers gesê. Die brief is Woensdag deur die handelsmerkbestuurder aan Republikein gestuur.

Joubert sê die fokus bly om Gondwana en werksgeleenthede te beskerm, maar hulle het ’n punt bereik waar Gondwana nie meer ’n ander keuse het as om basiese salarisse te sny nie.

“As Gondwana ineenstort, sal 1 100 werknemers met al hul afhanklikes hul lewensbestaan verloor. Ons gemeenskappe sal hul gesamentlike vennootskappe verloor, ons diensverskaffers ’n gewaardeerde kliënt en die wêreld ’n uitstekende maatskappy. Ons moet ons geliefde maatskappy, Gondwana, so goed as moontlik beskerm.”

Een van die terugslae volgens Joubert wat Gondwana in die pandemietyd beleef het, is dat hulle geen sent van die N$9,2 miljoen van hul VAT-eise ontvang het nie.

Hy sê geen sent is ook van die regering vir die beskerming van werksgeleenthede ontvang nie en Gondwana se eis in April teen hul versekeringsmaatskappy, Hollard, is nog nie aanvaar óf afgekeur nie

“Ons het ons beste twee weke vir besprekings (sedert die hoktyd in Maart) oor die Augustus-vakansietyd verloor weens Windhoek se grendeltyd,” het Joubert gesê.

Hy sê as die grense met praktiese en toerisme-vriendelike protokol oopmaak en daar ’n aanvraag vir reis na Namibië is, sal die salarisbesnoeiing net vir ’n paar maande duur, “maar vir nou moet ons verseker dat ons Gondwana en al sy belanghebbendes beskerm”.

- [email protected]

Soortgelyk

 

42 gevangenes toets positief vir Covid-19

4 ure gelede | Gesondheid

Twee-en-veertig gevangenes is deel van die 78 nuwe gevalle van Covid-19 wat in die land aangemeld is. Dit sluit 25 gevangenes in Hardap, 13 in...

19 gevangenes toets positief vir Covid-19

1 dag gelede | Gesondheid

Negentien gevangenes, 15 van 'n tronk in Omuthiya en vier van 'n tronk in Hardap, is deel van die 41 nuwe Covid-19-gevalle wat vandag aangemeld...

Toerisme: Verblyfsyfers tuimel

1 dag gelede | Toerisme

Francoise Steynberg Die Covid-19-pandemie gepaardgaande met geslote grense, die inperkingstyd en kwarantynmaatreëls het akkommodasiebesettingsyfers laat tuimel. Tog, volgens die uitvoerende hoof van die Gasvryheidsvereniging van...

Etosha se vuur getem

1 dag gelede | In beeld

Die brand wat in die ooste van die Etosha Nasionale Park woed, is sedert Dinsdag onder beheer, het die ministerie van die omgewing, bosbou en...

Etosha-brand onder beheer

1 dag gelede | Omgewing

Elvira Hattingh – Terwyl oproepe om hulp teen kleiner veldbrande in die Steinhausen- en Rundu-omgewings gister in sosiale media weerklink het, is die Etosha...

Vermoorde Heckmair se ma getuig

1 dag gelede | Howe

Kristien KrugerWyle André Heckmair se ma, me. Birgit Heckmair, het verlede week en gister in die Windhoekse hoërhof getuig dat haar seun ’n middagete-afspraak met...

Weer vir 23 Oktober 2020

1 dag gelede | Weer

BINNELAND: Gedeeltelik bewolk en baie warm tot bloedig warm met enkele buie by tye.KUS: Gedeeltelik bewolk en koel met miskolle aanvanklik. Enkele buie is langs...

Armes bekommerd oor stortingsterrein

1 dag gelede | Mense

Jana-Mari Smith – Die Okahandja munisipaliteit het vandeesmaand bevestig planne is aan die gang om die (meer as 5 hektaar) stortingsterrein naby die Ekunde uitbreiding...

Kunstenaar ontpop in 'n ervare seevaarder

1 dag gelede | Mense

Tanja BauseMe. Sophia Pieters, 'n boorling van Lüderitz, het gehelp om die bekende Felsenkirche op die dorp se loodglasvensters te herstel voordat sy en haar...