Gondwana-lodges blink uit

03 August 2018 | Toerisme
Tanja Bause



Die wêreld se grootste reis- webtuiste, TripAdvisor, en Eco Awards Namibia het onlangs ­erkenning aan Gondwana Collec­tion Namibia se ­deurlopende belegging in uitnemendheid, volhoubaarheid en natuurbewaring gegee.

Canyon Village in die Suide ontvang al die afgelope vyf jaar 'n sertifikaat van uitnemendheid van TripAdvisor. Om hierdie rede is dié Gondwana-lodge nou in Trip Advisor se Hall of Fame opgeneem.

Canyon Village is naby die Vis­rivier-canyon geleë en bestaan uit 42 kamers.

Dít volg nadat die Kalahari Anib Lodge vroeër vanjaar ook in dié aanlyn reistuiste se Hall of Fame opgeneem is.

TripAdvisor het ook 'n sertifikaat van uitnemendheid aan Namushasha River Lodge toegeken, wat in die verre noordooste van die land teen die betrokke rivier geleë is.

Dié sertifikaat word toegeken wanneer 'n voldoende aantal gaste uitstekende punte op TripAdvisor se bladsy vir 'n akkommodasie-­onderneming in een jaar gee.

Dit behels ook dat die onderneming minstens vier uit vyf punte in evaluerings behaal.

TripAdvisor is waarskynlik die wêreld se grootste reis- webtuiste en 'n waardevolle bron van inligting vir reisigers.

Webwerwe met die TripAdvisor-handelsmerk is deel van die wêreld se grootste reisgemeenskap, met 455 miljoen mense wat maandeliks meer as 7,5 miljoen akkommodasie­geriewe, lugrederye, restaurante en toeristeaantreklikhede besoek.

Die bladsy is in 49 lande wêreldwyd beskikbaar.

Danksy Gondwana se herhaalde pogings om water en elektrisiteit te bespaar, die natuur te beskerm, rommel op ekovriendelike wyse te verwyder en hul werkers te ontwikkel, is hulle deur die hoogste ekogehalte-toekenning in Namibië beloon.

Vier Eco Awards-woestynblomme is in 2014 aan Damara Mopane Lodge toegeken.

Woestynblomme is soortgelyk aan sterre wat aan akkommodasie-­instellings toegeken word, en 'n ­akkommodasiegerief kan hoogstens vyf woestynblomme vir erkenning van puik diens en gehalte ontvang.

Damara Mopane Lodge is in Mei 2018 geherevalueer en vir die eerste keer met vyf Eco-woestynblomme beloon.

Volgens mnr. Quintin Hartung, Gondwana Collection Namibia se omgewingsbeampte, is die toekenning 'n bewys van goeie lodge-bestuur, asook die voortdurende verbetering van die lodge se om­gewingsbestuur.

Canyon Lodge, Canyon Roadhouse, Canyon Village, Etosha Safari Lodge, Kalahari Anib Lodge, Namib Desert Lodge en Namushasha River Lodge van Gondwana het ook al vyf Eco-woestynblomme ontvang.

Deelname aan die Eco Awards is vrywillig.

Lodges wat vir evaluering registreer, kry 'n omvattende ­katalogus met voorgestelde maatreëls om ekovriendelikheid te verseker.

Deelnemers kan self besluit watter stappe hulle wil doen.

'n Onafhanklike evalueerder ­inspekteer die lodges en stuur sy verslag aan 'n paneel, wat dan op die evaluering en toekenning van ­woestynblomme besluit.

Soortgelyk

 

Hepatitis E woed landswyd voort

20 ure gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

20 ure gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

20 ure gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

20 ure gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

20 ure gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

20 ure gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

20 ure gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

20 ure gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

20 ure gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...