Goewerneur gaan moratorium op doodstraf plaas

In 2006 laaste teregstelling in Kalifornië

15 March 2019 | Internasionaal
Die goewerneur van Kalifornië, Amerika se grootste deelstaat, gaan ’n moratorium op die doodstraf plaas. Daar is 737 terdoodveroordeeldes in dié deelstaat.

Goewerneur Gavin Newsom het Dinsdagaand geskimp oor ’n belangrike beleidsaankondiging wat hy Woensdag gaan doen.

Nota’s uit sy voorbereide toespraak vir Woensdag lui: “Die doelbewuste doodmaak van ’n ander mens is verkeerd en as goewerneur sal ek nie toelaat dat die doodstraf toegepas word nie.”

Luidens die toespraak gaan hy ook sê: “Ek glo nie ’n opgevoede gemeenskap kan homself as ’n wêreldleier beskou so lank as wat sy regering voortgaan om die voorafbeplande en diskriminerende teregstelling van mense goed te keur nie.”

Newsom sê die doodstraf is ’n “mislukking” en diskrimineer “teen veroordeeldes met geestesiektes, swart of bruin, of wat nie duur regsverteenwoordiging kan bekostig nie”.

Geen gevangene wat die doodstraf opgelê is, sal egter vrygelaat word nie, sê die bron wat die toespraak uitgelek het, maar nie sy naam genoem wil hê nie.

Ellen Kreitzberg, ’n kenner van die doodstraf wat gekant is daarteen, het Newsom se planne verwelkom. “Sy morele leierskap is in ooreenstemming met ander lande en deelstate wat weggedoen het met die doodstraf.”

LEWENSLANGE TRONKSTRAF

Newsom kan nie die doodstrafwet herroep nie, maar hy kan weier om die doodsvonnisse te onderteken en kan dit versag tot lewenslange tronkstraf, sê Kreitzberg.

Die beplande aankondiging is gekritiseer deur die Association of Deputy District Attorneys (ADDA).

“Die kiesers van Kalifornië ondersteun die doodstraf,” het Michele Hanisee, voorsitter van die ADDA, gesê.

Sy het verwys na twee mislukte pogings in 2016 om die doodstraf uit te skakel en na een goedgekeurde poging om die proses te versnel om veroordeeldes tereg te stel.

“Goewerneur Newsom, wat ook in 2006 deel was van ’n mislukte poging om die doodstraf te beëindig, is wederregtelik besig om die wil van kiesers teen te gaan en in die haastige en onoordeelkundige moratorium sy persoonlike voorkeur af te dwing,” het sy gesê.

Daar is in 2006 laas iemand in Kalifornië tereggestel. Die doodstraf word steeds in die staat se howe opgelê. – Netwerk24/Reuters

Soortgelyk

 

Boere se donkerste uur is N$400 vir veilingskoei

2 dae gelede | Landbou

Ronelle Rademeyer - 'n Foto van 'n kwitansie wat toon 'n boer het gister (Donderdag 23 Mei) net N$400 vir 'n maer koei op Blaauwberg...

Air Namibia staak sy Wes-Afrika-roete

2 dae gelede | Vervoer

Ronelle Rademeyer - Van vandag af vlieg Air Namibia nie meer via Lagos in Nigerië na Accra in Ghana nie.Dié Wes-Afrikaanse roete is aan die...

Rusland moet help met droogte

2 dae gelede | Regering

Die regering het Rusland vir humanitêre droogtehulp gevra, het die Russiese nuusagentskap Sputnik berig.‘n Russiese afvaardiging onder leiding van die land se adjunkpremier, mnr. Joeri...

Interns se salarisse aangepas

2 dae gelede | Regering

Henriette Lamprecht – Die regering gaan miljoene spaar met die aanpassing van salarisskale vir interns en vakleerlinge om dit meer met dié van die private...

Betaal jou 2% of belasting styg

2 dae gelede | Ministeries

Jo-Maré Duddy en Denver Kisting - Sou die regering nie minstens ’n halfmiljard dollar uit vrywillige bydraes van werkers kry vir onder meer droogtehulp nie...

Meatco soek dalk nog slagplek

2 dae gelede |

Elvira Hattingh - Meatco oorweeg om bykomende slagplase in te span om die groot getal beeste, wat produsente tans lewer, te kan slag. Dit beteken...

Weer vir 24 Mei 2019

2 dae gelede | Weer

WEERWAAK: Winderige toestande en buie word in die streke van Kunene, Otjozondjupa, Khomas, Hardap en ||Kharas verwag.BINNELAND: Gedeeltelik bewolk en warm tot baie warm met...

Kalender 17 Mei

2 dae gelede | Kuns en vermaak

Nou aan die gang» Vanaand is die immer gewilde Windhoek City Market weer aan die gang. Geniet ’n onbeperkte vonkelwynproe van verskeie wynkelders uit Suid-Afrika....

Lugtyd vir jou liedjie

2 dae gelede | Kuns en vermaak

Michael Kayunde – Verskillende radiostasies het reëls oor die vereistes waaraan ‘n liedjie moet voldoen om deur ’n stasie gespeel te kan word. Kollig het...