Goeie nuus vir SA se kripto-entoesiaste

12 July 2018 | Ekonomie
Petrus Malherbe



Suid-Afrikaanse kripto-entoe­siaste kan nou meer as 20 ver­skillende digitale geldeenhede op 'n nuwe verhandelingsplatform aanskaf.

BitFund laat gebruikers toe om op sy sentrale platform 'n gediversifiseerde portefeulje te skep wat uit verskillende kriptogeldeenhede soos bitcoin, ethereum, ripple, litecoin en ander bestaan.

Die bekende Suid-Afrikaanse verhandelingsplatform Luno bied tans net bitcoin en ethereum te koop aan.

“Die meeste potensiële beleggers in kriptogeldeenhede het nie die nodige tegniese kennis of selfvertroue om die minder bekende geldeenhede op internasionale verhandelingsplatforms te koop nie, maar BitFund maak dit moontlik,” sê Joshua Miltz, een van die platform se stigters.

Volgens Miltz hanteer BitFund enige kwessie rakende belasting wat betaalbaar is of valutabeheer namens die gebruiker, “wat koste laag hou en streng sekuriteit handhaaf”.

BitFund hef 'n vaste tarief van 2,4% per jaar om die portefeulje te bestuur en 'n heffing van 1% van enige onttrekking. Die minimum bedrag wat belê kan word, is R1 000.

Daar is tans drie portefeuljes waaruit gebruikers kan kies om beleggings in kriptogeldeenhede so ongekompliseerd moontlik te maak, sê die maatskappy.

“Balances 10”-portefeulje: Jy belê 'n persentasie in elkeen van die toptien- grootste kriptogeldeenhede, gegrond op hul totale markwaarde.

“Equal 10”-portefeulje: Jy belê 10% in elkeen van die toptien- grootste kriptogeldeenhede.

“Capped 20”-portefeulje: Jy belê in die top-20-grootste kriptogeldeenhede volgens hul totale markwaarde tot 'n maksimum van 15% per geldeenheid.

“Beleggers met min of geen ervaring wat belang stel om hul beleggings te diversifiseer, kan nou vir die eerste keer in 'n magdom verskillende kriptogeldeenhede op 'n maklike en veilige manier belê,” sê Jonathon Ferrer, nog 'n medestigter.

Hoewel sommige kenners meen die totale markwaarde van kriptogeld gaan voor die einde van die jaar US$1 000 miljard verbysteek, is nie almal ewe oortuig nie.

Die bekende Amerikaanse belegger Warren Buffett het bitcoin byvoorbeeld in Mei as “rotgif-kwadraat” beskryf.

Will Hobbs, die beleggingshoof van Barclays Smart Investor, het twee weke gelede aan Reuters gesê dat geen kriptogeldeenheid tans voldoen “aan enige van die kriteria waarna ons in 'n belegging soek nie”. Hy sê sy ­maatskappy is baie versigtig om mense aan te moedig om daarin te belê.

Die prys van bitcoin het einde Junie tot sy laagste vlak in sewe maande gedaal.

Die totale markwaarde van kriptogeld staan tans op sowat US$272 miljard.– Netwerk24

Soortgelyk

 

Honderde miljoene vir veevoer nodig

23 ure gelede | Landbou

Ronelle Rademeyer - Die 2019 droogte is ‘n omvangryke ramp en ten minste N$170 miljoen is nodig om net 5 persent van die nasionale veekudde...

Min of geen handboeke vir nuwe leerplan

23 ure gelede | Onderwys

Henriette Lamprecht – Óf drupsgewys óf glad nie. Dit is volgens verskeie skole oraloor die land die huidige stand van handboeke vir die nuwe leerplan...

Regional council must account for vandalised buildings

23 ure gelede | Infrastruktuur

AUSSENKEHR – The //Kharas Regional Council must account for government buildings that are vandalised and left to become white elephants, the minister of urban and...

Swapo beslis dorpsraadslede se lot

23 ure gelede | Politiek

Dorpsraadslede van Okahandja en Rundu moes Maandag ure lank by Swapo se hoofkantoor in Windhoek wag om te hoor wat hul lot is. Verskeie nasionale...

Groeiende stad druk rioolstelsel

23 ure gelede | Infrastruktuur

Elvira Hattingh - Die Windhoekse munisipaliteit erken sekere rioolpype in die stad moet opgradeer word om die groeiende getal stadsbewoners te akkommodeer. Terselfdertyd beloof hulle...

Weer vir 19 Februarie 2019

23 ure gelede | Weer

WEERWAAK: Bloedige hittetoestande word vir die res van die week in die binneland verwag.BINNELAND: Mooiweer en bloedig warm in die ||Kharasstreek. Elders sal dit gedeeltelik...

Gammams staan steeds stil

23 ure gelede | Regering

Elvira Hattingh – Windhoek se munisipaliteit (CoW) sê hul Gammams-watersuiweringsaanleg staan steeds stil nadat swaarbrandstofolie meer as twee weke gelede in die stad se rioolstelsel...

‘Vroue is sterk’

23 ure gelede | Maatskaplik

Mariselle Stofberg – TrueKrav Namibia het Donderdag, in samewerking met die Namibiese Vrouevereniging en Kosmos, ’n praatjie oor geslagsgeweld in die hoofstad aangebied.TrueKrav bied...

Namcor wil vry van sekere wette wees

23 ure gelede | Energie

Elvira Hattingh - Namibië se Nasionale Petroleumkorporasie (Namcor) het ‘n aansoek by die Namibiese Kompetisie-kommissie ingedien om vir die volgende 10 jaar vrygestel te wees...