Gobabis se water gerantsoeneer

Boorgate sal Ooste van waternood red

14 January 2019 | Regering
Elvira Hattingh - Gobabis se water is vanaf Vrydag gerantsoeneer, met die munisipaliteit wat die dorp se watertoevoer elke nag tussen 22:00 en 04:00 sal afsluit.

Dit is tot tyd en wyl al die nodige boorgate in volle werking gestel kan word om in die dorp se vraag van sowat 86 000 m3 water per dag te voorsien. Tans is net sowat 16 van 28 boorgate reeds in werking, wat beteken net sowat 44 000 m3 water kan tans daagliks aan die dorp gelewer word.

Die Gobabis-munisipaliteit se woordvoerder, mnr. Frederick Ueitele, het verlede week aan Republikein gesê dit kom nadat NamWater hulle vroeër verwittig het vanaf 24 Desember sal hulle geen water meer van die Otjivero- en Tilda Viljoendam ontvang nie omdat dit te leeg is.

Volgens die jongste damverslag is daar net sowat 5,1% water in die Otjiverodam oor en 5,8% in die Tilda Viljoendam. Gesamentlik hou die twee damme tans sowat 0,574 miljoen kubieke meter (Mm³) water.

Hy sê terwyl die rantsoenering van die water sal net voortduur tot tyd en wyl die ander 12 boorgate in werking is. Hulle hoop dat alle boorgate teen 28 Februarie sal werk, wat beteken dit sal dan ook die laaste dag van die rantsoenering van water vir die dorp wees.

Ueitele sê as al die 28 boorgate in ‘n werkende toestand is, lewer dit genoeg water om in Gobabis se vraag te voldoen. Dit sal dorp ook minstens vir twee jaar aaneen van water kan voorsien.

Dit volg nadat ‘n betroubare bron van NamWater reeds verlede jaar aan Republikein gesê het die ooste van die land is in die knyp wat damvlakke betref omdat die beskikbare water daarin nie genoeg is om die volgende twee reënseisoene te oorbrug nie.

NamWater het toe in Augustus met Gobabis se munisipaliteit vergader om die plan vir die toekoms te bespreek.

Volgens die bron kan die boorgatskema, as dit in volle werking is, voluit en op ‘n volhoubare wyse water aan die Oostedorp voorsien. Sodra Gobabis hoofsaaklik vanuit die boorgate water ontvang, moet waterbesparings ook oorweeg word.

Volgens die bron is al die boorgate nie in produksie nie omdat daar van plaas na plaas gery sou moes word om dit in werking te stel. NamWater het glo besluit om nie dié koste aan te gaan solank daar nog ‘n “goeie” bron van water, soos die damwater, beskikbaar was nie.

Die boorgatskema betaan uit twee groepe boorgate, die eerste is die noordoostelike boorgate, wat noordoos van Gobabis geleë is, asook dié wat in die Swart Nossobrivier geleë is. Al hierdie boorgate is reeds in die negentigerjare ontwikkel.

Soortgelyk

 

Raad sit oor polisiehoof

16 minute gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

16 minute gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

16 minute gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

16 minute gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...

Minder studente ondersteun

16 minute gelede | Ministeries

Augetto Graig - Die nuus dat bestaande en voornemende studente minder finansiële steun gaan ontvang, is ’n teleurstelling. So sê me. Ester Simon, president van...

Lodge heropen binnekort vir Visrivier-voetslaners

16 minute gelede | Toerisme

Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer...

Charles Namiseb eindelik gestraf

16 minute gelede | Howe

Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.Die eens voortvlugtige en berugte...

Aansoek vir toerisme-ontwikkeling by Meobbaai

16 minute gelede | Toerisme

Francoise Steynberg - Die Namab-toeragentskap het planne om Meobbaai as toeristeaantreklikheid te ontgin.Die agentskap het ‘n aansoek vir ‘n omgewingsklaringsertifikaat vir die bou van ‘n...

Hulp sonder oordeel

16 minute gelede | Mense

Tanja Bause - “Ek het ‘n verkeerde pad geloop – een van verwoesting. Eendag het ek besef ek kan nie meer so aangaan nie....