Gobabis se bobaasbeesbeoordelaar

Jeugkompetisie afgesluit

09 October 2019 | Gebeure
Elvira Hattingh - ‘n Sewentienjarige leerling aan Gobabis Gymansium, Leonise Human, het verras toe sy 98% in die beoordeling van Simbra- en Simmentaler-beesrasse tydens die nasionale beesbeoordelaarskompetisie en -kursus by die onlangse Windhoek Skou behaal het.

Die geleentheid, ‘n eerste in Afrika, is deur Bank Windhoek en Feedmaster vir Namibiese jeug aangebied.

Human het N$30 000 gewen, terwyl Henry Mudge en Juri Krafft, wat die tweede en derde plekke verower het, onderskeidelik N$20 000 en N$10 000 gewen het.

Volgens ’n nuusverklaring van Bank Windhoek sal die wengeld vir die leerlinge se skoolfonds aangewend word, asook vir ander noodsaaklikhede.

Bank Windhoek, in samewerking met Feedmaster en die betrokke leerlinge se skole, sal die verspreiding van die wengeld namens die wenners hanteer.

“Ons is stomgeslaan deur Leonise se vermoë om beide die koeie en bulle in hul korrekte orde te plaas. Dit gebeur min dat ons soveel vaardigheid onder jong beoordelaars teëkom,” het die beoordelaars tydens die geleentheid gesê.

“Die kompetisie was sterk, maar ons is tevrede met die eindresultaat van hierdie eerste in sy soort kompetisie. Die kinders het hul bes probeer en ons is trots op almal wat deelgeneem het,” het Feedmaster se korporatiewe handelsmerkspesialis, mnr. Dawid Krause, gesê.

Krause het voorheen aan Republikein gesê aanvanklik het sowat 95 kinders vir die beoordelingskursus ingeskryf.

Sowat 65 van hierdie kinders het uiteindelik opleiding as beoordelaars ontvang, waarná 16 suksesvolle kandidate na die finale rondes deurgedring het. Dit is op Grootfontein, Gobabis en eindelik by die Windhoek Skou op 2 Oktober vanjaar aangebied.

Dit is die eerste keer dat die kompetisie plaaslik aangebied is en die doel is om skoolkinders van graad 9 tot 11 met die nodige kennis en vaardighede toe te rus om beeste op plase en by skoue te beoordeel, het die nuusverklaring gelui.

Die inisiatief het hoofsaaklik op Simbra- en Simmentaler-beesrasse gefokus.

Die beoordelaarskursus behels die beoordeling van beeste se basiese anatomie en komposisie, die reëls vir skouverenigings, die rol van ringebeamptes op die skou, die bestuur van voeding vir skoudiere asook die voorbereiding en mak maak van diere vir skoudoeleindes.

Krause sê die kinders se vermoëns het hom beïndruk.

“Die opleiding was van ’n hoë standaard, maar die kinders is ongelooflik en minstens 60% van hulle het bogemiddeld goed met die opleiding gevaar,” het Krause gesê.

Altesaam 16 skole het deelgeneem.

Dit sluit in Elnatan Privaatskool, Gobabis Gimnasium, Windhoek Hoërskool, Windhoek Afrikaanse Privaatskool, Windhoek Gimnasium, Hoërskool M&K Gertze, Hoërskool Dr. Lemmer, die Deutsche Höhere Privatschule, Agri College, die Senior Sekondêre Skool Grootfontein, Tsumeb Gimnasium, die Sekondêre Skool Etosha, Outjo Privaatskool, Edugate Otjiwarongo, Hoërskool Otjiwarongo en die Deutsche Privatschule Otjiwarongo.

[email protected]

Soortgelyk

 

Geval nr. 22 se toestand kritiek

8 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

8 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

8 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

8 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

8 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

8 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

8 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

8 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...

'n Vars bries vir die teaterbedryf

8 ure gelede | Kuns en vermaak

Kunstenaars wat hoop om hul produksies of idees deur die Nasionale Teater van Namibië (NTN) te vervaardig, kan nou hul voorleggings vir 2021 en 2022...