Gobabis draf idiome kaf!
Karlien Visser en WP Oosthuizen, beide leerlinge aan die Gobabis Gimnasium, is onlangs as die wenners van 2018 se ATKV-Idiomekompetisie aangekondig.
Dié kompetisie word met trots deur die Afrikaanse Taal- en Kultuurvereniging (ATKV) en Hartklop FM aangebied, met Bank Windhoek as hoofborg.
Dit was ’n strawwe stryd en die finale ronde was tussen die Gobabis Gimnasium-span, en Elsa en Anri Visser, tweelingsusters aan Elnatan Privaatskool.
Die finale stryd het op die luggolwe plaasgevind tydens ‘n radio-uitsending vanuit die Hartklop FM-ateljee in Windhoek.
Gobabis Gimnasium het uiteindelik weggestap met die trofee en kontantpryse, wat deur Bank Windhoek geborg is.
Elnatan se tweeling is egter nie met leë hande huis toe nie en het ook ‘n kontantprys gewen.
Karlien het die kompetisie terdeë geniet en het in trane van blydskap en trots uitgebars toe sy gehoor het haar skool was die idioomkampioene.
Dié graad 12-leerling, wat afskeid van die jaarlikse kompetisie neem om haar op haar studies toe te spits, het gesê sy is trots daarop om oor die jare deel van die idiomestryd te kon wees.
In die 14de agtereenvolgende jaar het tussen 20 en 30 skole vanoor die land aan die kompetisie deelgeneem.
Leerlinge het mekaar in verskillende kategorieë die stryd aangesê.
Hulle moes onder meer Afrikaanse idiome voltooi, nuwe idiome met sleutelwoorde skep, en die betekenis van idiome ken.
Die doel van die kompetisie is om die Afrikaanse taal te bevorder en om leerlinge aan Afrikaanse uitdrukkings en idiome bekend te stel.
Daar is meer as 8 000 idiome en uitdrukkings in die Afrikaanse taal, wat leerlinge gedurende die kompetisie goed moes ken en gebruik.
Bank Windhoek se koördineerder van borgskappe en geleenthede, me. Suzette Januarie, wat die eindstryd bygewoon het, het gesê: "Baie geluk aan die vier leerlinge wat so ver gevorder het. Jul skole moet baie trots op jul prestasies wees. Ons wil graag alle deelnemers en wenners aanmoedig om gebruik te maak van die idiome wat hulle geleer het en om voort te gaan om beelde met woorde te verf.”
Die ATKV-Idiomekompetisie is deur dr. Dolores Wolfgaardt en Kleintjie Muller, dosente aan die Universiteit van Namibië (Unam) gestig.
Hulle beoog om die Afrikaanse taal se erfenis vir leerlinge deur dié kompetisie lewend te hou.
Skole is toegelaat om in spanne van twee leerlinge per skool deel te neem.
Die program is elke Woensdagmiddag op die radio uitgesaai en het tot die middel van Oktober voortgeduur.
Hou Kollig dop vir besonderhede oor volgende jaar se kompetisie.
Dié kompetisie word met trots deur die Afrikaanse Taal- en Kultuurvereniging (ATKV) en Hartklop FM aangebied, met Bank Windhoek as hoofborg.
Dit was ’n strawwe stryd en die finale ronde was tussen die Gobabis Gimnasium-span, en Elsa en Anri Visser, tweelingsusters aan Elnatan Privaatskool.
Die finale stryd het op die luggolwe plaasgevind tydens ‘n radio-uitsending vanuit die Hartklop FM-ateljee in Windhoek.
Gobabis Gimnasium het uiteindelik weggestap met die trofee en kontantpryse, wat deur Bank Windhoek geborg is.
Elnatan se tweeling is egter nie met leë hande huis toe nie en het ook ‘n kontantprys gewen.
Karlien het die kompetisie terdeë geniet en het in trane van blydskap en trots uitgebars toe sy gehoor het haar skool was die idioomkampioene.
Dié graad 12-leerling, wat afskeid van die jaarlikse kompetisie neem om haar op haar studies toe te spits, het gesê sy is trots daarop om oor die jare deel van die idiomestryd te kon wees.
In die 14de agtereenvolgende jaar het tussen 20 en 30 skole vanoor die land aan die kompetisie deelgeneem.
Leerlinge het mekaar in verskillende kategorieë die stryd aangesê.
Hulle moes onder meer Afrikaanse idiome voltooi, nuwe idiome met sleutelwoorde skep, en die betekenis van idiome ken.
Die doel van die kompetisie is om die Afrikaanse taal te bevorder en om leerlinge aan Afrikaanse uitdrukkings en idiome bekend te stel.
Daar is meer as 8 000 idiome en uitdrukkings in die Afrikaanse taal, wat leerlinge gedurende die kompetisie goed moes ken en gebruik.
Bank Windhoek se koördineerder van borgskappe en geleenthede, me. Suzette Januarie, wat die eindstryd bygewoon het, het gesê: "Baie geluk aan die vier leerlinge wat so ver gevorder het. Jul skole moet baie trots op jul prestasies wees. Ons wil graag alle deelnemers en wenners aanmoedig om gebruik te maak van die idiome wat hulle geleer het en om voort te gaan om beelde met woorde te verf.”
Die ATKV-Idiomekompetisie is deur dr. Dolores Wolfgaardt en Kleintjie Muller, dosente aan die Universiteit van Namibië (Unam) gestig.
Hulle beoog om die Afrikaanse taal se erfenis vir leerlinge deur dié kompetisie lewend te hou.
Skole is toegelaat om in spanne van twee leerlinge per skool deel te neem.
Die program is elke Woensdagmiddag op die radio uitgesaai en het tot die middel van Oktober voortgeduur.
Hou Kollig dop vir besonderhede oor volgende jaar se kompetisie.
Kommentaar
Republikein
Geen kommentaar is op hierdie artikel gelaat nie