Glaspaneel eis glo lewe
Verskeie onnatuurlike sterftes is die naweek by die Namibiese polisie aangemeld.
Francoise Steynberg - 'n Man is Saterdag in die hoofstad dood nadat 'n glaspaneel glo op hom geval het.
Volgens die Namibiese polisie se misdaadverslag het die voorval omstreeks 13:30 by die Hans-gebou in Yscorstraat in die noordelike nywerheidsgebied plaasgevind.
“Terwyl vier werkers swaar glaspanele van 'n vraghouer afgelaai het en na 'n werkswinkel gedra het, het een van die werkers glo gegly en geval. Die glaspaneel het glo op mnr. Philipus Maryombo (41) geval en hy is noodlottig gewond,” lui die misdaadverslag. Sy naasbestaandes is van sy dood ingelig.
Saterdag is die onnatuurlike dood van 'n vier dae oue baba op Omakange aangemeld. 'n Nadoodse ondersoek moet nog gedoen word om die oorsaak van dood te bepaal.
“Die baba se ma het hom omstreeks 08:00 dood op die bed in die kamer aangetref toe sy uit die stort gekom het,” sê die polisie.
Nóg 'n onnatuurlike dood is op Ondangwa aangemeld ná 'n soektog na mnr. Shafuda Moses (30) van stapel gestuur is. Hy het op Sondag 10 Junie kerk toe gegaan en het nie na sy huis teruggekeer nie.
“Sy lyk is Vrydag omstreeks 15:30 deur verbygangers in 'n dam by die Oshuushe-nedersetting naby Okaku gevind,” sê die polisie. Die oorledene se naasbestaandes is van sy dood ingelig en die ondersoek duur voort.
Twee Namibiese mans het Vrydag omstreeks 02:00 by 'n huis op die hoek van Chanzi- en Kitchenerstraat in Otjomuise doodgebrand.
“Die oorledenes, mnr. Nicodemus Apollus (29) en Mervis Gariseb (37), se sinkhuis het aan die brand geslaan nadat hulle vermoedelik binne vuur gemaak het.
“Die brand het versprei terwyl hulle geslaap het en hulle kon nie betyds vlug nie,” lui die misdaadverslag. Hul naasbestaandes is van hul dood ingelig.
Mnr. Saltiel Nghiyolwa (33) is volgens die polisie Saterdag omstreeks 02:30 in Hakahana, in die hoofstad se woonbuurt Wanaheda, glo met 'n mes doodgesteek.
“Sy 28-jarige huismaat is in hegtenis geneem en die voorval spruit glo uit 'n rusie tussen die twee,” sê die polisie.
Die oorledene se naasbestaandes is van sy dood ingelig en die ondersoek duur voort.
'n Lid van die Namibiese weermag se lugvleuel op Grootfontein, mnr. Martin Niinkoti Niinkoti (33), is Sondag omstreeks 08:00 in 'n motorongeluk sowat 40 km vanaf Omuthiya op die B1-hoofweg na Ondangwa oorlede.
“Hy het na bewering beheer oor sy bakkie verloor en dit het omgeslaan. Hy het op die toneel gesterf,” lui die verslag.
'n Klag van poging tot moord is die naweek op Opuwo aanhangig gemaak nadat 'n sekuriteitswag in 'n bloedpoel by die Eyambeko-kroeg gevind is.
“Hy is vermoedelik met 'n gebreekte bottel gesteek. Hy is in die Opuwo-staatshospitaal opgeneem en is later weens sy ernstige toestand na 'n hospitaal op Oshakati oorgeplaas,” lui die verslag.
'n Verdagte (33) is in hegtenis geneem en die polisieondersoek duur voort.
Volgens die Namibiese polisie se misdaadverslag het die voorval omstreeks 13:30 by die Hans-gebou in Yscorstraat in die noordelike nywerheidsgebied plaasgevind.
“Terwyl vier werkers swaar glaspanele van 'n vraghouer afgelaai het en na 'n werkswinkel gedra het, het een van die werkers glo gegly en geval. Die glaspaneel het glo op mnr. Philipus Maryombo (41) geval en hy is noodlottig gewond,” lui die misdaadverslag. Sy naasbestaandes is van sy dood ingelig.
Saterdag is die onnatuurlike dood van 'n vier dae oue baba op Omakange aangemeld. 'n Nadoodse ondersoek moet nog gedoen word om die oorsaak van dood te bepaal.
“Die baba se ma het hom omstreeks 08:00 dood op die bed in die kamer aangetref toe sy uit die stort gekom het,” sê die polisie.
Nóg 'n onnatuurlike dood is op Ondangwa aangemeld ná 'n soektog na mnr. Shafuda Moses (30) van stapel gestuur is. Hy het op Sondag 10 Junie kerk toe gegaan en het nie na sy huis teruggekeer nie.
“Sy lyk is Vrydag omstreeks 15:30 deur verbygangers in 'n dam by die Oshuushe-nedersetting naby Okaku gevind,” sê die polisie. Die oorledene se naasbestaandes is van sy dood ingelig en die ondersoek duur voort.
Twee Namibiese mans het Vrydag omstreeks 02:00 by 'n huis op die hoek van Chanzi- en Kitchenerstraat in Otjomuise doodgebrand.
“Die oorledenes, mnr. Nicodemus Apollus (29) en Mervis Gariseb (37), se sinkhuis het aan die brand geslaan nadat hulle vermoedelik binne vuur gemaak het.
“Die brand het versprei terwyl hulle geslaap het en hulle kon nie betyds vlug nie,” lui die misdaadverslag. Hul naasbestaandes is van hul dood ingelig.
Mnr. Saltiel Nghiyolwa (33) is volgens die polisie Saterdag omstreeks 02:30 in Hakahana, in die hoofstad se woonbuurt Wanaheda, glo met 'n mes doodgesteek.
“Sy 28-jarige huismaat is in hegtenis geneem en die voorval spruit glo uit 'n rusie tussen die twee,” sê die polisie.
Die oorledene se naasbestaandes is van sy dood ingelig en die ondersoek duur voort.
'n Lid van die Namibiese weermag se lugvleuel op Grootfontein, mnr. Martin Niinkoti Niinkoti (33), is Sondag omstreeks 08:00 in 'n motorongeluk sowat 40 km vanaf Omuthiya op die B1-hoofweg na Ondangwa oorlede.
“Hy het na bewering beheer oor sy bakkie verloor en dit het omgeslaan. Hy het op die toneel gesterf,” lui die verslag.
'n Klag van poging tot moord is die naweek op Opuwo aanhangig gemaak nadat 'n sekuriteitswag in 'n bloedpoel by die Eyambeko-kroeg gevind is.
“Hy is vermoedelik met 'n gebreekte bottel gesteek. Hy is in die Opuwo-staatshospitaal opgeneem en is later weens sy ernstige toestand na 'n hospitaal op Oshakati oorgeplaas,” lui die verslag.
'n Verdagte (33) is in hegtenis geneem en die polisieondersoek duur voort.
Kommentaar
Republikein
Geen kommentaar is op hierdie artikel gelaat nie