Gits oor arbeidsproduktiwiteit vrygestel
Hoe doeltreffender plaaswerkers hul taak verrig, hoe winsgewender die boerdery en daarom het 'n gits vir meting die lig gesien.
Die Landbouwerkgewersvereniging (LWV) het ‘n gebruikersgids vir plaaseienaars saamgestel oor die arbeidsproduktiwiteit op plase in Namibië.
Die Namibië Landbou-unie (NLU) sê in sy weeklikse nuusbrief sy produksiekoste-indeks toon landbou-arbeid die grootstekoste faktor op plase en beloop gemiddeld 22% van die totale boerderyuitgawes.
Aangesien koste ’n sleutelfaktor in die winsgewendheid van boerdery is, het arbeidsproduktiwiteit op plase ’n duidelike invloed op die sukses van boerdery-aktiwiteite en die winsgewendheid van die plaas.
Die definisie van arbeidsproduktiwiteit waarop die gids geskoei is, toon dit handel nie oor hoe hard daar gewerk word of hoeveel ure daar ingesit word nie, maar hoe doeltreffend daar gewerk word.
Die gids wys verder daarop dat arbeidsproduktiwiteit interafhanklik is van verskeie arbeidspraktyke waaronder opleiding, arbeidsverhoudinge, kommunikasie, vergoeding, gesondheid en veiligheid asook die aanwending van tegnologie.
Daar word algemeen aanvaar dat ’n boer moet meet om te weet en beter te bestuur. Derhalwe is daar ook ’n gedeelte oor produktiwiteitsmeting in die gids wat wissel van eenvoudige tot gesofistikeerde metodes.
’n Gesofistikeerde metode is byvoorbeeld om produktiwiteit te meet in die kilogram lewende gewig van skape of beeste wat per uur geproduseer word – waar die boer die totale lewende gewig geproduseer per jaar deel deur die totale jaarlikse werksure van sy arbeiders.
Volgens ’n studie deur die Vrystaat Universiteit is Suider-Afrika baie onproduktief in dié verband met ‘n gemiddeld van 2-5 kg lewende gewig per uur, teenoor Australië waar arbeidsproduktiwiteit byvoorbeeld 80 kg lewende gewig per uur is.
Hierdie eenvoudige gebruikersgids is beskikbaar in Afrikaans en Engels en kan op die LWV se webblad gevind en afgelaai word by www.agrinamibia.com.na – labour AEA.
Die Namibië Landbou-unie (NLU) sê in sy weeklikse nuusbrief sy produksiekoste-indeks toon landbou-arbeid die grootstekoste faktor op plase en beloop gemiddeld 22% van die totale boerderyuitgawes.
Aangesien koste ’n sleutelfaktor in die winsgewendheid van boerdery is, het arbeidsproduktiwiteit op plase ’n duidelike invloed op die sukses van boerdery-aktiwiteite en die winsgewendheid van die plaas.
Die definisie van arbeidsproduktiwiteit waarop die gids geskoei is, toon dit handel nie oor hoe hard daar gewerk word of hoeveel ure daar ingesit word nie, maar hoe doeltreffend daar gewerk word.
Die gids wys verder daarop dat arbeidsproduktiwiteit interafhanklik is van verskeie arbeidspraktyke waaronder opleiding, arbeidsverhoudinge, kommunikasie, vergoeding, gesondheid en veiligheid asook die aanwending van tegnologie.
Daar word algemeen aanvaar dat ’n boer moet meet om te weet en beter te bestuur. Derhalwe is daar ook ’n gedeelte oor produktiwiteitsmeting in die gids wat wissel van eenvoudige tot gesofistikeerde metodes.
’n Gesofistikeerde metode is byvoorbeeld om produktiwiteit te meet in die kilogram lewende gewig van skape of beeste wat per uur geproduseer word – waar die boer die totale lewende gewig geproduseer per jaar deel deur die totale jaarlikse werksure van sy arbeiders.
Volgens ’n studie deur die Vrystaat Universiteit is Suider-Afrika baie onproduktief in dié verband met ‘n gemiddeld van 2-5 kg lewende gewig per uur, teenoor Australië waar arbeidsproduktiwiteit byvoorbeeld 80 kg lewende gewig per uur is.
Hierdie eenvoudige gebruikersgids is beskikbaar in Afrikaans en Engels en kan op die LWV se webblad gevind en afgelaai word by www.agrinamibia.com.na – labour AEA.
Kommentaar
Republikein
Geen kommentaar is op hierdie artikel gelaat nie