Gimnaste sien uit na toer

'n Namibiese span van 32 ritmiese gimnaste vertrek dié week om tot komende Vrydag aan die

Suid-Afrikaanse Gym Games in Johannesburg deel te neem. Gimnaste ding elke jaar in dié prestige ­byeenkoms mee op verskeie vlakke van vordering en in ouderdomsgroepe vanaf 8 tot 16 jaar ­beslis word. Op die foto is die gimnastegroep van Windhoek wat vandag vertrek, ­voordat die kus se gimnaste môre die reis aanpak. Die gimnaste word vergesel deur Wietsa Snyman, ­Roumi ­Kostin, Meagan Bierbach en die afrigters Zlatka Todorova en Michelle Bierbach. Die ­organiseerders bedank alle borge en ouers wat die geleentheid moontlik maak. • Republikein stel ook graag die feite reg nadat in 'n onlangse berig in die Sport Wrap-byvoegsel vermeld is dat me. Valereis Geldenhuys-Venter die president van die Namibiese Gimnastiekfederasie is. Die huidige president is inderdaad me. Petra Thorburn, terwyl me. Geldenhuys-Venter as een van die ­jarelange voorgangers tans die titel van NGF-erepresident dra. Die koerant vra verskoning vir enige ongerief.