Ghana is Afrika se modeleier

Woodin vir moderne ontwerpe

07 August 2018 | Toerisme
Francoise Steynberg in Accra, Ghana - Oral in Ghana is vroue en mans aangetrek asof hulle reg uit 'n modetydskrif stap.

Die kleure van hul uitrustings is vrolik, helder, eg Afrikaans en jy kan hulle altyd deur 'n ring trek.

Ghana is beslis Afrika se modeleier.

Een ding wat op jou emmerskoplys moet wees as jy Ghana besoek, is om die kleremarkte te besoek en 'n stuk materiaal te koop.

Nóg beter is om vir jou 'n eg Ghanese kledingstuk te koop, of selfs te laat ontwerp.

Die tradisionele kleurryke Wes-Afrikaanse materiale het hul oorsprong in Bonwire, 'n nedersetting in Ghana se Ashantistreek.

Die bekendste Afrikatekstiel is Kente – geweefde materiaal wat net deur hoofmanne en konings gedra is.

Tans word dit steeds net by ­spesiale geleenthede of feeste gedra.

In die 20ste eeu het die mode­bedryf drasties verander en baie ou dinge soos toe almal in Ghana net Kente vervaardig het, is met nuwe, vars modeneigings vervang.

Die jonger geslag modeontwerpers het nuwe lewe in die modebedryf geblaas deur verskillende produkte van Kente - wat net deur die rykes gekoop kon word - met goedkoper materiale te meng.

MODEONTPLOFFING

Modeslawe het begin soek na ­modeontwerpers wat ontwerpe van hul persoonlike keuse teen 'n bekostigbare prys kon bied.

Sommige modeontwerpers was genoop om ander soort Afrika­materiale te vind, wat 'n uitdaging was. Dit het gelei tot 'n modeontploffing met unieke ontwerpe van Afrikamateriale. Hierdie ontwerpe is gebruik om pragtige Afrika-­uitrustings te maak en sommige modeontwerpers in Ghana het ­supersterstatus verwerf.

Een so 'n eg Ghanese mode­handelsmerk is Woodin, wat deur Afrika se kultuur en kuns geïn­spireer is.

“As 'n handelsmerk fokus ons op alles wat Afrika verenig,” is Woodin se leuse met hul hoofkantoor in Tema, suidoos van Accra.

Woodin is die eerste handelsmerk met 'n hedendaagse en eg ­Afrikaanse modereeks.

In die 30 jaar sedert Woodin se bestaan het hulle baanbrekers van die Afrika-modewêreld geword.

Ondanks hul lang geskiedenis bly Woodin se ontwerpe en ­materiale modern. Elke paar weke maak nuwe ontwerpe volgens die jongste modeneigings hul verskyning in Woodin se winkels oral in Ghana en in agt Afrikalande.

Air Namibia bied nou direkte vlugte na Wes-Afrika en vlieg Maandae, Woensdae, Vrydae en Sondae vanaf Windhoek via Lagos in Nigerië na Accra en op dieselfde dae terug.

Soortgelyk

 

Afrika-lied kom tuis in Namib

17 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

17 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

17 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

17 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

17 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

17 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

17 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

17 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

17 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...