Gewilde Grey’s-karakter groet ná 15 jaar

17 January 2020 | Kuns en vermaak
Ná 15 jaar se traumatiese ervaringe waarvan talle karakters doodgegaan het, daar ’n skietery in die hospitaal was, ’n vliegtuig geval het en ’n bom in die hospitaal ontplof het, het een van die gewildste karakters in Grey’s Anatomy besluit om sy stetoskoop weg te pak.

Justin Chambers wat die rol van dr. Alex Karev vertolk sedert Grey’s Anatomy in 2005 begin het, is reeds uit dié gewilde reeks – sonder dat kykers van dié stap bewus was.

Chambers was een van die oorspronklike dokters wat as intern by die tóé Seattle Grace Hospital begin het.

Dié hospitaal se naam het later in die reeks na Grey Sloan Memorial Hospital verander nadat die gewilde karakters Lexie Grey en Mark ‘McSteamy’ Sloan in ’n vliegtuigongeluk dood is.

Sosialemediaplatforms het sedert die naweek gegons nadat die nuus bekend geword het dat dr. Alex Karev Grey’s Anatomy reeds gegroet het.

“Hulle is die enigste twee wat oorgebly het. Ons kan nie vir Alex Karev verloor nie,” het ’n Twitter-gebruiker geskryf en vier foto’s van Alex en sy medester Ellen Pompeo, wat die rol van dr. Meredith Grey vertolk, gedeel.

Van die vyf interndokters wat 15 jaar gelede die reeks saam begin het, het net Chambers en Pompeo se karakters vir só lank uitgehou.

Hul medesterre, Katherine Heigl (Izzie Stevens), Sandra Oh (Cristina Yang) en T.R. Knight (George O’Malley) het reeds onderskeidelik in seisoen ses, seisoen 10 en seisoen vyf die reeks verlaat.

Deadline berig Chambers het aan hulle bevestig dat hy die reeks verlaat.

“Daar is nie ’n goeie tyd om tot siens te sê aan ’n reeks en karakter wat so baie van my lewe die afgelope 15 jaar gedefinieer het nie. Ek hoop nou al vir ’n tydjie om bietjie my akteursrolle en loopbaan uit te brei. Noudat ek 50 word en met ’n ondersteunende vrou en kinders geseën is, is dit nou die tyd,” sê Chambers in ’n verklaring.

Chambers het ook vir Shonda Rhimes, die skepper van die Grey’s Anatomy-reeks, bedank.

Hy het ook vir Ellen Pompeo, Chandra Wilson en James Pickens bedank.

Wilson en Pickens is ook sedert die eerste episode van Grey’s Anatomy in die reeks, waar hulle onderskeidelik die jong dokters as dr. Miranda Bailey en dr. Richard Webber opgelei en gebrei het.

Pompeo het ook die nuus van Chambers wat Grey’s Anatomy verlaat, op Twitter gedeel nadat Vanity Fair ’n artikel oor Chambers geskryf het.

Sy het met dié artikel ingestem dat Grey’s Anatomy ’n groot karakter verloor het.

Chambers se laaste episode was reeds in Amerika uitgesaai, maar Suid-Afrikaanse gehore sal Maandagaande moet byhou met die dokters se doen en late om te sien wanneer die karakter skielik net verdwyn. - Netwerk24

Soortgelyk

 

Regbank kan nie alleen pa staan vir tydige geregtigheid,...

10 ure gelede | Howe

Denver Kisting - Hoofregter Peter Shivute sê die publiek verwag ’n regstelsel wat geregtigheid spoedig en regverdig lewer.Hoewel die regbank hul bes doen om regverdigheid...

Fopnuus tydens die verkiesing

11 ure gelede | Politiek

Navorsers verbonde aan die Instituut vir Openbare Beleidsnavorsing (IPPR), mnr. Frederico Links en me. Martha Nangolo, deel vanoggend hul bevindings oor fopnuus wat voor, tydens...

Verskeie staatskole in Windhoek sonder water, krag

13 ure gelede | Onderwys

Meer as tien staatskole in Windhoek is reeds vir dae sonder krag en water, nadat toevoer deur die munisipaliteit afgesny is. Die skole wat geraak...

Hardapkrane lóóp

13 ure gelede | Landbou

Elvira Hattingh - Watertoevoer in die besproeiingskanaal op die Hardapskema het reeds 05:00 vanoggend weer afgeskop. Dit volg nadat NamWater se uitvoerende hoof, mnr. Abraham...

Afrika en Namibië gereed vir coronavirussiekte (Covid-19)

22 ure gelede | Gesondheid

Die Wêreldgesondheidsorganisasie (WHO) se noodgesondheidsbeampte vir Namibië, dr. Petrus Mhata, sê die organisasie beveel nie enige reis- en handelsbeperkings met China vir lande in Afrika...

‘Skaapdiefstal’ lei tot treurspel ...

22 ure gelede | Howe

Francoise Steynberg - Die beweerde diefstal van 30 skape by ’n bekende ruskamp buite Keetmanshoop het Maandag glo tot die dood van ’n vermeende skaapdief,...

’n Uitspansel vol belofte

22 ure gelede | In beeld

Mnr. Ettienne Rossouw het dié foto gistermiddag om 15:00 in Suid-Namib geneem en op die Facebook-blad “Namibië Reënval” gedeel. “Kyk hoe bou die wolke. Belowend!”...

Itula slyp sy tande opnuut

22 ure gelede | Howe

Denver Kisting – Dae nadat die hooggeregshof beslis het Namibiërs keer nie terug stembus toe nie, het die voormalige onhafhanklike presidensiële kandidaat, dr. Panduleni Itula,...

Corona draai in parlement

22 ure gelede | Regering

Augetto Graig – Die Swapo-agterbanker en parlementslid me. Pendukeni Iivula-Ithana het gistermiddag die minister van hoër onderwys, opleiding en vernuwing, dr. Itah Kandjii-Murangi, oor die...