Gewilde Art Battle Namibia vanaand by Goethe-sentrum
Die derde rondte van die gewilde Art Battle Namibia waartydens kunstenaars voor ’n gehoor hul kunswerk uit die niet skep, vind vanaand by die Goethe Instituut plaas. Die eerste groep wat om 18:00 hul slag op ’n skilderdoek gaan wys, is ’n groep leerlinge van die Hoërskole Windhoek en Cosmos, die sekondêre skool Cosmos en St. Paul’s Kollege. Daarna kom twaalf volwasse kunstenaars aan die beurt. Die kunstenaars het 20 minute om ’n kunswerk met akrielverf op die skilderdoek te skep, waarna die gehoor vir hul gunsteling stem. Die wenners in beide die hoërskool- en volwasse afdelings beweeg na die grand finale waar die wenner ’n reis losslaan vir deelname aan Art Battle International. Toegang is N$100 by die deur. -
Kommentaar
Republikein
Geen kommentaar is op hierdie artikel gelaat nie