Gevlekte hiëna glo lankal by Garub

12 February 2019 | Omgewing
Tanja Bause - Volgens ’n verklaring van die bruin hiëna-navorsingprojek (BHRP) word die gevlekte hiënas by Garub al sedert 2007 bestudeer.

“Die beweging van dié hiënas word met GPS- telemetriese halsbande gemonitor en sedert 2014 het ons strikkameras in die Garub-gebied opgestel,” het me. Ingrid Wiesel van BHRP gesê.

Die Garub-hiënatrop kom geskiedkundig en natuurlik in die gebied voor, sê sy.

Dié diere se teenwoordigheid in die Koichab- en Garub-omgewing word al dekades lank gedokumenteer.

Ná 10 jaar se data-insameling is die gevlekte hiëna in 2005 as ’n geringe bedreiging vir die wilde perde van die Namib beskou.

Van 1999 tot 2012 het die wilde perde se bevolking van 89 tot 286 gegroei.

“Sedert die begin van die onlangse droogte is 106 vrektes onder die wilde perde oor ’n tydperk van twee jaar aangeteken. Die hoofoorsaak hiervan was die droogte en vermoedelik roofdiere,” het Wiesel gesê.

Beriggewing van die Namibian Wild Horses Foundation (NWHF) doen aan die hand dat die hiënas nie voor 2013 by Garub voorgekom het nie, en dat die perde se vrektes in dié tyd geheel en al aan predasie toegeskryf kan word.

“Data verskil egter hiervan en onjuiste beriggewing is gebruik om ’n openbare gesprek te begin om die wilde perde te red.”

Ingryping is dringend nodig om die wilde perde se langtermynoorlewing te verseker.

Die ministerie van die omgewing en toerisme se voorstel om die hiënas te skuif, sal slegs ’n korttermynoplossing wees en ander oplossings moet gevind word, het Wiesel gesê.

“By Garub is tans twee inwonende volwasse hiënas, een immigrant en tot drie jeugdige gevlekte hiënas. Op grond van foto’s wat deur die strikkameras geneem is, vermoed ons een wyfie is hoogs dragtig of het reeds geboorte geskenk. Enige bestuur van die diere moet dít in ag neem,” het sy gesê.

Die BHRP het sy hulp voortdurend aan die NWHF en die ministerie gebied, en is gewillig om dit in die toekoms te doen, het Wiesel gesê.

Dr. Rudie van Vuuren, van die N/a’an ku sê-stigting, het gesê rekords van gevlekte hiënas in die Aus- en Diamant Area 1-omgewing dateer terug na die tagtigerjare.

“Hulle was nog altyd in die omgewing teenwoordig, maar hul uitgebreide gebied en beskikbare kos het tot sporadiese waarnemings gelei en die indruk geskep dat hulle nie in die gebied voorkom nie,” het Van Vuuren gesê.

“Die onlangse droogte, die teenwoordigheid van die wilde perde en die feit dat sommige lodge-eienaars die hiënas voer, het veroorsaak dat die hiënas in die omgewing gebly het en op die perde as bestendige voedselbron fokus, in plaas daarvan om saam met hul natuurlike voedselbron van wilde diere te migreer. Dit verhoog hul waarneembaarheid en impak op die perde.”

In sosiale media is onlangs beweer die gevlekte hiënas is deur dié stigting op die plaas Kanaan hervestig.

“Geen hiëna is al ooit op Kanaan hervestig nie. Ons het ’n navorsingprojek op Kanaan, wat natuurlike wilde karnivore in mens-dier-konflik bestudeer. Maar ons het nog nooit ’n hiëna verskuif nie. Die hiënas in en om Kanaan was inwoners lank voor die projek begin is, of voor N/a’an ku sê die eiendom gekoop het,” het hy gesê.

In Junie 2018 is ’n gevlekte hiëna op ’n plaas naby Aus geskiet ná hy ’n koedoe gevang het.

“Die hiëna is op Kanaan gevang en vir die navorsingprojek met ’n halsband toegerus. Hy het van sy trop naby Kanaan af wegbeweeg en het nomadies rondbeweeg, soos algemeen vir ’n hiënamannetjie.”

“Die trop hiënas by Garub is afsonderlik van dié wat rondom Kanaan voorkom.

“Tog kan individue tussen die gebiede beweeg, soos in die geval van die hiëna wat by Aus doodgeskiet is,” het Van Vuuren gesê.

“Ons hoop almal op ’n goeie uitkoms vir alle spesies – veral in 'n nasionale park, waar alle wilde diere beskerm moet word,” het Wiesel gesê.

Soortgelyk

 

Houtskoolbedryf sien enorme groei

17 ure gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

1 dag gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 dag gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 dag gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 dag gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 dag gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 dag gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 dag gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 dag gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...