Gevalle van Kongokoors styg

Uitslae moet siekte bevestig

13 May 2019 | Gesondheid
Henriette Lamprecht – Die getal vermoedelike gevalle van die hoogs aansteeklike siekte Kongokoors het binne ‘n week tot vyf gestyg.

‘n Man (77) van die Ontananga-nedersetting in die Oshikotostreek het Dinsdag in die Onandjokwe-distrikshospitaal vermoedelik aan dié siekte gesterf.

Daar word steeds op die uitslae gewag van ‘n bloedmonster wat na Suid-Afrika vir bevestiging van die siekte gestuur is.

Volgens me. Selma Roberts-Matyenyika, nasionale waarnemingsbeampte by die ministerie van gesondheid en maatskaplike dienste (MoHSS), verkeer ‘n 54-jarige vrou van dieselfde nedersetting, wat vroeër verlede week met simptome van die siekte in die Onandjokwe-distrikshospitaal opgeneem is, in ’n stabiele toestand.

Sy is die oorledene se buurvrou.

Byna ‘n week later is nog ‘n vermoedelike geval van die siekte volgens Roberts-Matyenyika in die Outapi-hospitaal opgeneem, terwyl nóg ’n inwoner van die Omafo-nedersetting in die Engela-hospitaal opgeneem is.

Ook in die sentrale deel van die land word ‘n vermoedelike geval van Kongokoors in die isolasie-eenheid van die Windhoek Sentrale Hospitaal behandel.

Volgens Roberts-Matyenyika hou die gevalle nie verband met mekaar nie, maar almal het ‘n geskiedenis van bosluisbyte.

Sy het beklemtoon almal word gemonitor wat kontak met die aangemelde gevalle gehad het.

Die man wat vermoedelik aan die siekte gesterf het, is dieselfde dag reeds volgens spesiale riglyne begrawe om die verspreiding van die siekte en die risiko vir besmetting te beperk.

Verlede jaar is ‘n man van die Keetmanshoop-distrik in die isolasie-eenheid van die Windhoek Sentrale Hospitaal aan die siekte dood, en twee mense het in 2017 aan dié siekte gesterf.

Simptome van Kongokoors sluit ’n skielike hoë koors, kopseer, rugpyn, gewrigspyn, maagpyn, lighoofdigheid, ’n stywe nek, ’n uitslag en kneusing in.

Slagoffers was gewoonlik in kontak met iemand wat óf soortgelyke simptome ervaar het, óf met diere wat met bosluise besmet is of deur ’n bosluis gebyt is.

Nog simptome sluit naarheid en braking, ’n seer keel, skielike gemoedskommelings en verwarring in.

‘n Mens kan Kongokoors deur ’n bosluisbyt of die hantering van bosluise opdoen, of deur direkte kontak met besmette dierebloed en organe, of waar diere geslag word wat bosluise op hulle het.

Dit kan ook oorgedra word deur die hantering van besmette linne en beddegoed of die gebruik van besmette mediese toerusting en voorraad; direkte fisieke kontak met liggaamsvloeistowwe of die bloed van iemand met die siekte, of deur direkte kontak met die liggaam van iemand wat aan die siekte gesterf het.

Mense wat bogenoemde simptome ná ’n bosluisbyt ervaar, word versoek om met die naaste kliniek of hospitaal in verbinding te tree.

Soortgelyk

 

B-dag: Maak of breek

27th of May 00:00 | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

27th of May 00:00 | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

27th of May 00:00 | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

27th of May 00:00 | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

27th of May 00:00 | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

27th of May 00:00 | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

27th of May 00:00 | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

27th of May 00:00 | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

27th of May 00:00 | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...