Gesprekke met tekstuur

14 June 2019 | Kuns en vermaak
The Project Room bied vanaand Tekstúra aan – ’n solo-uitstalling deur Marcii Magson.

Dit skop vanaand om 18:00 by die galery af en duur tot 29 Junie.

Marcii is oop vir die idee om gesprekke met vreemdelinge aan die hand van haar nuutste uitstalling, Tekstúra, te voer.

Tekstúra bestaan uit ‘n reeks werke wat onder meer met fyn kwashale en lynsketse nuwe vorms aanneem.

Terwyl hierdie proses voorsiening vir ’n interaktiewe benadering maak om die skeppende denke agter die kunswerke te verstaan, beoog Marcii terselfdertyd om ander aan te moedig om fyner na die wêreld om hulle te kyk.

Tekstúra bestaan ’n uit monochromatiese kunswerke van gemengde media, collages, skilderkuns en oudiovisuele kortflieks.

Die kunstenaar beskryf haar huidige solo-uitstalling as “die vrug van uitgebreide eksperimente met tekstuur en oppervlak om die tradisionele konvensies van die skildery om te keer, om kuns van voorstelling en vertelling te bevry”.

Met die gebruik van rou katoen en doek wat in verskillende vloeistowwe, verf en gom geweek is, het 'n reeks skilderye ontstaan.

“Die doel was om werke te lewer wat nie ‘n arktiese landskap is nie, nie 6n materiaal met betekenis of skoonheid nie, nie ’n visuele sensasie of simbool of iets anders nie, maar ’n ligte tekstuuroppervlak wat bloot oop vir bespreking is,” sê Marcii.

“Die uitstalling sluit ook ’n reeks monochromatiese meetkundige skilderye in met breë kwashale, ligte kleure en dik, swart merke, wat op die tasbaarheid van oppervlaktekstuur fokus.”

Die kunstenaar

Marcii is ’n visuele storieverteller, geïnspireer deur kenmerkende intuïsie en ’n inherente begrip van om binne die natuurlike landskap te skep.

Sy nooi kykers uit “om gesprekke te voer met al die moontlikhede wat abstrakte kuns in my skilderye voorstel”.

Geseënd met ’n natuurlike aanvoeling vir skeppendheid, het Marcii haar kunsopleiding op hoërskool begin met aandklasse in swart-en-wit fotografie.

Nadat sy ’n oog vir komposisie en lig ontwikkel het, het sy die wêreld van uitleg, ontwerp en handelsmerke aangedurf.

In 2011 het Marcii die konseptuele ontwerpateljee Clrs & Co. gestig, waar sy vier jaar lank die skeppende direkteur was.

In 2016 het sy Namibië toe getrek, ‘n skuif wat sy as een van die hoogtepunte van haar loopbaan beskou.

Sy sê: “My trek na Namibië het vir groot verandering in my gemoedstoestand gesorg. Dit het ook ’n groot impak op my lewe en werk as kunstenaar gehad. Ek het tyd gehad om voltyds te verf, eksperimenteer en werk.

“Ek gee steeds ontwerpraad, maar kan besluit om ’n projek aan te pak, aangesien kuns die sleutel tot my daaglikse bestaan geword het. Ek lewer uitgebreide werke en neem soveel moontlik aan uitstallings deel.”

Soortgelyk

 

Man vas oor lewende ietermagô

13 ure gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

15 ure gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

1 dag gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

1 dag gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

1 dag gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

1 dag gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

1 dag gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

1 dag gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

1 dag gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...