Gesoute hande pleeg Leyte-gruwel
Die ondersoek na die aanval op ''n bejaarde boer dui op reekse misdaad deur bendelede.
Des Erasmus - Die aanslag op die lewe van mnr. Chris Coetzee van die plaas Leyte vanjaar op 5 November kan die dekmantel afruk oor loopbane van misdaad en gewapende roof van twee van drie beskuldigdes wat weer op 11 Januarie op Otavi moet verskyn.
Die 69-jarige Coertzee het die aanval oorleef nadat sy aanvallers hom blykbaar as dood aanvaar het.
Twee van die drie beskuldigdes, Pius Medusala en Frans Ekandjo, word aan vorige gevalle van misdaad verbind met hul operasionele velde wat aan ''n reisplan herinner. Coetzee is die nag in sy slaap oorval en met ''n breekyster en geweerkolf geslaan tot op ''n punt waar hy gebind bewusteloos bly lê het. Ná die eerste drie inhegtenisnemings van verdagtes is ''n vierde vermeende bendelid ook tien dae ná die voorval aangekeer. Hy is laat gaan by gebrek aan getuienis wat daarop sou dui dat hy ook aan die gruwel van Leyte gekoppel kon word.
''n Verslag van ''n ondersteunende diens aan die polisie brei uit oor wat werklik in die nag van 5 November gebeur het en die verloop van die daaropvolgende ondersoek. Dit ondersteun ook en vul ook aan by vorige polisieverklarings.
In ''n teenreaksie deur Frans Ekandjo, een van die aangehoudenes, word die polisie en lede van die buurtwag van Otjiwarongo beskuldig van ''n gruwelike aanval op hom. Dit word ondersteun deur foto''s van hale waar hy glo op sy rug geslaan is. Oor die aanvallers se buit word nou ook melding gemaak van drie geslypte diamante wat met die nodige sertifisering uit Coetzee se kluis verdwyn het. Die aanvallers se buit word omskryf as vyf vuurwapens, drie diamante, N$3 000 kontant, ''n sakmes, radio en ander kosbare goed.
Toe Coetzee bygekom het, het hy homself losgewoel van die bande waarmee sy aanvallers hom gebind het. Hy het met sy seun op Otjiwarongo geskakel en hy het op sy beurt met ''n mediese bystandsdiens en lede van die buurtwag van Otjiwarongo en die polisie geskakel. Die uitwykroete van die aanvallers op die Otavi-plaas was oor Outjo na Otjiwarongo.
Die eerste inhegtenisneming was van Pius Medusala en Frans Ekandjo. Die twee aangehoudenes het die plek gaan uitwys waar hulle twee van die vyf vuurwapens “verkoop” het. ''n Deposito van N$200 is deur die koper vir die gewere betaal.
Daarop is die koper van die vuurwapens ook aangekeer.
Medusala se operasionele veld van die verlede lê blykbaar wyd. Volgens die verslag is hy drie keer vir gewapende roof op Otjiwarongo en Swakopmund aangekeer en was hy tydens die aanval op Leyte op borgtog vry. Ekandjo se geweld het hom na Otjiwarongo, Grootfontein en Okakarara gelei waar hy aan vyf voorvalle verbind word. Elke keer was dit gewapende roof.
Volgens die verslag tot beskikking van Republikein word nog na drie van die vyf vermiste vuurwapens van Coetzee gesoek, asook na die bestuurder van die motor waarin die vyf aanvallers uitgewyk het.
Twee van die voorvalle waarby Ekandjo glo betrokke was, word glo met verswarende omstandighede bygelees.
Die bekende deel van sy loopbaan dateer terug na Julie 2014 toe hy saam met Michael Kauhonua aangekeer is vir gewapende roof op die plaas Plecton, sowat 85 km buite Otavi.
Die ander beskluldigde wat op 11 Januarie moet verskyn, is Josias Salomo. Hy was blykbaar die man wat met die twee vuurwapens wou handel wat teruggevind is.
Die 69-jarige Coertzee het die aanval oorleef nadat sy aanvallers hom blykbaar as dood aanvaar het.
Twee van die drie beskuldigdes, Pius Medusala en Frans Ekandjo, word aan vorige gevalle van misdaad verbind met hul operasionele velde wat aan ''n reisplan herinner. Coetzee is die nag in sy slaap oorval en met ''n breekyster en geweerkolf geslaan tot op ''n punt waar hy gebind bewusteloos bly lê het. Ná die eerste drie inhegtenisnemings van verdagtes is ''n vierde vermeende bendelid ook tien dae ná die voorval aangekeer. Hy is laat gaan by gebrek aan getuienis wat daarop sou dui dat hy ook aan die gruwel van Leyte gekoppel kon word.
''n Verslag van ''n ondersteunende diens aan die polisie brei uit oor wat werklik in die nag van 5 November gebeur het en die verloop van die daaropvolgende ondersoek. Dit ondersteun ook en vul ook aan by vorige polisieverklarings.
In ''n teenreaksie deur Frans Ekandjo, een van die aangehoudenes, word die polisie en lede van die buurtwag van Otjiwarongo beskuldig van ''n gruwelike aanval op hom. Dit word ondersteun deur foto''s van hale waar hy glo op sy rug geslaan is. Oor die aanvallers se buit word nou ook melding gemaak van drie geslypte diamante wat met die nodige sertifisering uit Coetzee se kluis verdwyn het. Die aanvallers se buit word omskryf as vyf vuurwapens, drie diamante, N$3 000 kontant, ''n sakmes, radio en ander kosbare goed.
Toe Coetzee bygekom het, het hy homself losgewoel van die bande waarmee sy aanvallers hom gebind het. Hy het met sy seun op Otjiwarongo geskakel en hy het op sy beurt met ''n mediese bystandsdiens en lede van die buurtwag van Otjiwarongo en die polisie geskakel. Die uitwykroete van die aanvallers op die Otavi-plaas was oor Outjo na Otjiwarongo.
Die eerste inhegtenisneming was van Pius Medusala en Frans Ekandjo. Die twee aangehoudenes het die plek gaan uitwys waar hulle twee van die vyf vuurwapens “verkoop” het. ''n Deposito van N$200 is deur die koper vir die gewere betaal.
Daarop is die koper van die vuurwapens ook aangekeer.
Medusala se operasionele veld van die verlede lê blykbaar wyd. Volgens die verslag is hy drie keer vir gewapende roof op Otjiwarongo en Swakopmund aangekeer en was hy tydens die aanval op Leyte op borgtog vry. Ekandjo se geweld het hom na Otjiwarongo, Grootfontein en Okakarara gelei waar hy aan vyf voorvalle verbind word. Elke keer was dit gewapende roof.
Volgens die verslag tot beskikking van Republikein word nog na drie van die vyf vermiste vuurwapens van Coetzee gesoek, asook na die bestuurder van die motor waarin die vyf aanvallers uitgewyk het.
Twee van die voorvalle waarby Ekandjo glo betrokke was, word glo met verswarende omstandighede bygelees.
Die bekende deel van sy loopbaan dateer terug na Julie 2014 toe hy saam met Michael Kauhonua aangekeer is vir gewapende roof op die plaas Plecton, sowat 85 km buite Otavi.
Die ander beskluldigde wat op 11 Januarie moet verskyn, is Josias Salomo. Hy was blykbaar die man wat met die twee vuurwapens wou handel wat teruggevind is.
Kommentaar
Republikein
Geen kommentaar is op hierdie artikel gelaat nie