Gesoekte Pakistani's werk glo op Oshikango

Kom land glo onwettig binne

09 March 2018 | Ministeries
Ronelle Rademeyer



Twee mans van Pakistan wat glo onwettig in die land is nadat hulle op 22 Desember verlede jaar onder vals voorwendsels hierheen gekom het, bevind hulle moontlik op Oshikango.

Mnr. Sakeus Kadhikwa, woordvoerder van die ministerie van binnelandse sake en immigrasie, het gister aan Republikein gesê agente van die ministerie volg tans dié leidraad op nadat inligting oor hul bewegings van die publiek ontvang is.

Mnre. Muhammad Inam Ullah (49) en Tauseef Hussain (35) het na bewering op werksvisum-aansoeke wat deur 'n agent ingedien is, voorgegee hulle het deur ABC Hansen Africa kontrakte bekom om by maatskappye in Namibië te kom werk.

Die groep ABC Hansen Africa vervaardig en verskaf graanberging- en -hanteringstoerusting.

Briefhoofde van Namport is glo gebruik en handtekeninge is vervals om die kontrakte eg te laat lyk.

“Ons het hierdie maat­skappye gekontak en hulle het bevestig dit is vervalste dokumente,” sê hy.

Volgens Kadhikwa het altesaam ses mense – die ander vier vanaf Suid-Afrika en Zimbabwe – deur dié agent aansoeke ingedien.

“Die ander vier het tou opgegooi toe hul aansoeke afgekeur is, maar Ullah en Hussain het al drie kere wat hul aansoeke afgewys is, daarteen geappelleer. Ná die derde appèl is dit toegestaan,” sê hy.

Die visums was egter nie in hul paspoorte geëndosseer nie. Hulle het dit los saam met hul paspoorte aan die immigra­siebeamptes voorgelê toe hulle by die Internasionale Lughawe Hosea Kutako aangekom het.

Die twee mans is egter meegedeel die visums moet geëndosseer wees en is versoek om hul paspoorte in te handig. Kadhikwa sê die vermeende bedrog het daarna aan die lig gekom.

Hy sê 'n ondersoek is intussen ook na die werksaamhede van die agent van stapel gestuur.

Republikein het Hussain gister via sy profiel op Facebook probeer kontak. Hy het die boodskap op Messenger gelees, maar nie gereageer nie.

Dit blyk uit plasings op sy Facebook-blad hy het op 20 Desember vanaf Pakistan na Dubai gereis. Dit was vermoedelik toe hy na Namibië op pad was.

Kadhikwa sê aangesien die mans onwettig in die land is, sal hulle in hegtenis geneem word indien die polisie hulle opspoor.

Soortgelyk

 

Plastieksakke uit nasionale parke verban

1 dag gelede | Omgewing

Die minister van die omgewing en toerisme, mnr. Pohamba Shifeta, het plastieksakke uit alle nasionale parke in die land verban. Die minister het gemaan geen...

Nampol-beamptes skuldig aan nalatigheid

1 dag gelede | Misdaad

Twee senior polisiebeamptes wat intern ondersoek is vir hul beweerde nalatigheid om betyds te reageer in ‘n saak waarin ‘n 18-jarige vyf familielede vroeër vanjaar...

Ollies les hul dors

1 dag gelede | In beeld

Namibiërs in die Zambezistreek kan vandag na verspreide donderbuie uitsien, terwyl dié elders in die binneland vir eers nog met enkele tot geïsoleerde buie tevrede...

Ekonomie: Hou sand uit wiele

1 dag gelede | Politiek

Ronelle Rademeyer Dubbele belasting, soos belasting op dividende en belasting op kapitaalwins is immoreel en gaan nié die ekonomie laat groei nie.'n Ekonomie is die...

PS'e binnekort nié permanent

1 dag gelede | Regering

Denver Kisting - As beplande wetgewing deurgevoer word, is PS’e binnekort nie meer “permanent” in die tuig nie.Hiernaas sal dié rekenpligtige beamptes van ministeries ook...

Gróót regshervorming binnekort op pad

1 dag gelede | Ministeries

Denver Kisting – Die werksaamhede van die land se howe word deur verskeie uitdagings gekortwiek.In die lig van hervorming wat die minister van justisie, mnr....

Ongelukke: Namibië 45ste op wêreldranglys

1 dag gelede | Ongelukke

Padongelukke kos Namibië jaarliks N$1,3 miljard en is die oorsaak van 3,76% van die land se totale sterftes.Dié skokkende syfers is Dinsdag namens die minister...

Weer vir 23 November 2018

1 dag gelede | Weer

BINNELAND: Gedeeltelik bewolk en bloe­dig warm in die ||Kharasstreek en die Weste. Elders sal dit gedeeltelik bewolk en baie tot bloedig warm wees met enkele...

Weer, Donderdag 22 November 2018

1 dag gelede | Weer

BINNELAND: Sonnig en baie tot bloedig warm in die //Kharasstreek. Elders sal dit gedeeltelik bewolk en baie tot bloedig warm wees. Enkele donderbuie word in...