Geslagsgeweld gooi skadu oor feestyd

Misdaad ontwrig vrede en voorspoed

03 January 2019 | Misdaad
Augetto Graig



Die vrede van die Kersseisoen was baie Namibiërs in 2018 ongelukkig nie beskore nie.

Tussen 21 Desember en Nuwejaarsdag is ten minste agt verkragtings by die Namibiese polisie aangemeld.

Op 21 Desember was 'n 39-jarige vrou op Tsjaka in die Gobabis-­distrik op pad huis toe van 'n roudiens af toe 'n 21-jarige man haar glo aan die arm gryp en na 'n verlate plot tot langs 'n leë huis sleep.

Daar het hy haar na wat verneem word aangerand, met 'n skerp voorwerp op haar kop gekap en verkrag.

Die man is in hegtenis geneem en die polisie ondersoek die saak.

Twee dae voor Kersfees, omstreeks 22:30 is 'n swanger vrou (35) glo in die bosse langs die B6-pad in die Kappsfarm-gebied deur 'n man (20) verkrag.

Die slagoffer het na bewering van 'n nabye sjebeen af huis toe gestap toe die voorval gebeur het.

Die verdagte is in hegtenis geneem en die polisieondersoek gaan voort.

Op 24 Desember, omstreeks 21:00, is 'n vrou (25) na bewering op Ondudu in die Okalongo-kiesafdeling verkrag.

Volgens die polisie het haar 38-jarige ekskêrel, wat glo ook die pa van haar twee kinders is, haar by die plaaslike cuca-winkel uitgedwing, haar geslaan en toe by sy huis verkrag.

Die man is op 26 Desember in ­hegtenis geneem en sou die volgende dag voor die Outapi-landdroshof verskyn.

Verlede Maandag, omstreeks 21:00 , is 'n Namibiese vrou (36) glo by Okakoto in die Okahao-kiesafdeling verkrag.

Die verdagte, 'n 28 jarige Angolese man, het die slagoffer na wat verneem word op pad huis toe gegryp en haar by drie verskillende plekke verkrag.

Die man is vasgetrek en sou ook 27 Desember in die Okahao-landdroshof verskyn.

Op dieselfde dag is 'n vrou (38) glo deur 'n 50-jarige man in Omutumbe by Etunda, in die Ruacana-kiesafdeling, aangerand.

Die man is glo haar kêrel en hulle woon glo saam.

Ná 'n beweerde stryery het die verdagte die slagoffer se voorkop glo ernstig met 'n klip beseer.

Sy is na die Outapi-staatshospitaal geneem.

Die man is in hegtenis geneem en verskyn na verwagting binnekort in die Outapi-landdroshof.



Donker KersDAG

Op Kersdag is ten minste drie verkragtingsake by die polisie aangemeld.

Op Rehoboth is 'n 15-jarige meisie glo tussen 03:00 en 05:00 by Quantum Inn in Blok E verkrag.

Die verdagte is aan die polisie bekend, maar is nog nie in hegtenis geneem nie.

Die man het die meisie glo met 'n SMS na sy kamer gelok, haar koeldrank aangebied en haar verkrag.

Die polisieondersoek duur voort.

Op dieselfde dag is 'n man op die plaas Garib in hegtenis geneem ná hy na bewering 'n 15-jarige meisie van Dordabis af soontoe ontvoer het.

Die verdagte het die meisie glo in die veld op die plaas vasgemaak en elke dag van 21 tot 23 Desember verkrag.

Hy is in hegtenis geneem en sou op 27 Desember voor die Katutura-landdroshof verskyn.

Op Kersaand, omstreeks 20:00, is 'n vrou (22) in die Tsandi-kiesafdeling by die dorpie Olwaandjana glo aangerand, beroof en verkrag.

Die vrou is glo op pad huis toe agtervolg en met 'n mes deur die verdagte aangeval en verkrag voor hy haar selfoon gesteel het.

Die verdagte is in hegtenis geneem.

Op Mondesa aan die kus is me. ­Merceline Gaweses (28) na bewering omstreeks 16:00 op Kersdag deur haar kêrel se dogter (21) by sy huis op Swakopmund uit die huis gedwing ná sy moles gemaak het.

Gawases het glo geval en haar kop teen die sypaadjie gestamp, wat 'n oop wond aan haar agterkop veroorsaak het. Sy is na die Swakopmund-staatshospitaal geneem waar sy op 26 Desember gesterf het.

Verlede Woensdag, omstreeks 02:00, is 'n vrou (27) by Omakuva in die Onesi-kiesafdeling glo deur 'n 22-jarige man verkrag.

Volgens die polisie het hy glo ook N$800 uit haar handsak gesteel.

Die verdagte is in hegtenis geneem en sou al voor die Outapi-landdroshof verskyn het.

In die loop van dieselfde dag is mnr. Willem Rudolf (40) glo op Usakos vermoor.

Volgens die polisie het sy 21-jarige meisie en haar 31-jarige vriendin hom in haar huisie aangerand voor hy in sy eie kamer gaan slaap het en nie weer wakker geword het nie.

Die vroue het sy kamer glo toegesluit en die volgende oggend teruggekeer, vermoedelik om voor te gee hulle het die lyk ontdek.

Hulle is albei op 28 Desember in hegtenis geneem.



Meisies vermis

Op 26 Desember het 'n 13-jarige meisie op die plaas Nauport naby Khorixas vermis geraak.

Natasha Naomi Amufeni het na wat verneem word met haar ma gestry en die huis verlaat.

Haar voetspore is na Khorixas tot by die Bergsig-pad gevolg, waar sy vermoedelik opgelaai is en verdwyn het.

Enigiemand met inligting oor waar sy haarself bevind, kan die Khorixas-polisiekantoor kontak, of vir mnr. Manfred Tjivera by 081 250 7491.

Karinangaro Tjambiru (11) word al sedert 23 Desember van O­koupaue in die Etango-gebied vermis. Sy is glo veld toe om bokke op te pas en het nooit teruggekeer nie.

Enigiemand met inligting kan ook die Khorixas-polisiekantoor kontak.

Soortgelyk

 

Geingob vergader met Nanso oor studiegeld

1 uur gelede | Onderwys

Me. Ester Simon, president van die Namibiese Nasionale Studenteorganisasie (Nanso), het pas bevestig die organisasie vergader vandag by Staatshuis met pres. Hage Geingob...

Mexikaanse sakeman wil Erindi koop

3 ure gelede | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

4 ure gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

5 ure gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

5 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

7 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

16 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

16 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

16 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...