Geskorste raadslede van Rehoboth herkies
Dit gons veral in die sosiale media dat ’n omstrede span raadslede opnuut aan bewind is by ’n plaaslike owerheid.
Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad gesteek is, is gister weer eens tot die Rehoboth-dorpsraad verkies.
Me. Christina Blaauw is opnuut as die burgemeester van dié beleërde plaaslike owerheid verkies.
Haar adjunk is weer me. Eva Maasdorp.
Die ministeriële verteenwoordiger wat sake op Rehoboth moes regruk, me. Nathalia /Goagoses, het onlangs gesê sy het haarself uit daardie verantwoordelikheid “gedwing”.
Dít kom nadat sy moedeloos geword het oor die gebrek aan verantwoording, sê sy.
Dat geskorste raadslede “net so teruggebring word asof niks gebeur het nie”, blyk die hoofdoring in haar vlees te wees. “Hulle moet aanspreeklik gehou word,” het sy gister gesê.
Mushelenga het in Maart verlede jaar die ganse dorpsraad geskors.
/Goagoses het toe die raad se skorsing onlangs opgehef is, gesê sy kon nie langer aanbly en haar eie beginsels daardeur ondermyn nie.
Haar termyn het amptelik in September ten einde geloop en Oktober het kragtens ’n ooreenkoms met Mushelenga as kennismaand gedien, sê sy.
Blaauw en kie. se termyn het sedertdien verstryk wat gister se verkiesing op die dorp genoodsaak het.
/Goagoses het gesê sy is hartseer oor die stand van sake op Rehoboth. “Die skade wat gedoen is, is groot.”
Volgens haar is haar pogings as ’n grap gesien “en ek is hierdie kant ernstig”.
Mushelenga het toe gesê: “Geliewe kennis te neem dat ek nog geen aankondiging oor die Rehoboth-kwessie gemaak het nie. Dit is voortydig om tot dan op die kwessie kommentaar te lewer.”
Gister het hy bevestig hy het die raadslede onlangs weer aangestel wat deur ’n kennisgewing in die Staatskoerant bekragtig is.
Hy het niks oor gister se verwikkelinge gesê nie.
Blaauw het gister tydens haar bondige inhuldigingstoespraak gesê hulle is gekasty hoewel hulle hul bes probeer het.
Volgens haar bly opgehoopte skuld, onwettige grondbesetting en “grondprivatisering” van die plaaslike owerheid se vernaamste uitdagings.
Sy meen “dis ’n absolute voorreg om herkies te word om te dien as die burgemeester van Rehoboth”.
Die Rehoboth-dorspraad is die afgelope jare pal in die nuus vanweë beweringe oor wanbestuur.
- [email protected]
Me. Christina Blaauw is opnuut as die burgemeester van dié beleërde plaaslike owerheid verkies.
Haar adjunk is weer me. Eva Maasdorp.
Die ministeriële verteenwoordiger wat sake op Rehoboth moes regruk, me. Nathalia /Goagoses, het onlangs gesê sy het haarself uit daardie verantwoordelikheid “gedwing”.
Dít kom nadat sy moedeloos geword het oor die gebrek aan verantwoording, sê sy.
Dat geskorste raadslede “net so teruggebring word asof niks gebeur het nie”, blyk die hoofdoring in haar vlees te wees. “Hulle moet aanspreeklik gehou word,” het sy gister gesê.
Mushelenga het in Maart verlede jaar die ganse dorpsraad geskors.
/Goagoses het toe die raad se skorsing onlangs opgehef is, gesê sy kon nie langer aanbly en haar eie beginsels daardeur ondermyn nie.
Haar termyn het amptelik in September ten einde geloop en Oktober het kragtens ’n ooreenkoms met Mushelenga as kennismaand gedien, sê sy.
Blaauw en kie. se termyn het sedertdien verstryk wat gister se verkiesing op die dorp genoodsaak het.
/Goagoses het gesê sy is hartseer oor die stand van sake op Rehoboth. “Die skade wat gedoen is, is groot.”
Volgens haar is haar pogings as ’n grap gesien “en ek is hierdie kant ernstig”.
Mushelenga het toe gesê: “Geliewe kennis te neem dat ek nog geen aankondiging oor die Rehoboth-kwessie gemaak het nie. Dit is voortydig om tot dan op die kwessie kommentaar te lewer.”
Gister het hy bevestig hy het die raadslede onlangs weer aangestel wat deur ’n kennisgewing in die Staatskoerant bekragtig is.
Hy het niks oor gister se verwikkelinge gesê nie.
Blaauw het gister tydens haar bondige inhuldigingstoespraak gesê hulle is gekasty hoewel hulle hul bes probeer het.
Volgens haar bly opgehoopte skuld, onwettige grondbesetting en “grondprivatisering” van die plaaslike owerheid se vernaamste uitdagings.
Sy meen “dis ’n absolute voorreg om herkies te word om te dien as die burgemeester van Rehoboth”.
Die Rehoboth-dorspraad is die afgelope jare pal in die nuus vanweë beweringe oor wanbestuur.
- [email protected]
Kommentaar
Republikein
Geen kommentaar is op hierdie artikel gelaat nie