Geskorste Protea-bouler gou vervang
Krieket
Tinus van Staden
Krieket Suid-Afrika (KSA) sal binnekort 'n plaasvervanger vir Raisibe Ntozakhe in die Protea-vrouekrieketspan vir die T20-Wêreldtoernooi in die Wes-Indiese Eilande aankondig.
Die Internasionale Krieketraad (IKR) sê in 'n verklaring Ntozakhe se boulaksie is ná toetse as onwettig bevind, aangesien sy haar arm meer as die toegelate 15 grade buig wanneer sy die bal aflewer. Sy mag nie weer in internasionale krieket boul totdat sy weer 'n toets afgelê en geslaag het nie.
Ntozakhe is vroeër by die groep vir die T20-Wêreldtoernooi ingesluit. Dié toernooi vind van 19 tot 24 November plaas.
KSA het gister gesê Ntozakhe se boulaksie is ná die eendagwedstryd teen die Windies op 16 September in Barbados na die IKR verwys.
Sy het op 28 September 'n onafhanklike evaluering van haar boulaksie by die Universiteit van Pretoria afgelê, waarna bevind is al haar aflewerings is strydig met artikel 6.1.2 van die IKR se regulasies vir boulers.
“KSA erken en respekteer die IKR se bevinding en het onmiddellike stappe gedoen om die speler te help om so gou as moontlik tot die speelveld terug te keer,” lui KSA se verklaring.
Sy sal by KSA se Sentrum vir Uitnemendheid bly en nou met die hoëprestasiebestuurder, Vincent Barnes, saamwerk om haar boulaksie te herskep.
“Die tydsberekening van die kwessie vir Raisibe en vir ons T20-Wêreldtoernooi-groep is uiteraard sleg, maar ons moet die kwessie hanteer,” sê Thabang Moroe, KSA se uitvoerende hoof.
KSA het 'n IKR-geakkrediteerde sentrum waar boulers se boulaksie getoets kan word.
- Netwerk24
Krieket Suid-Afrika (KSA) sal binnekort 'n plaasvervanger vir Raisibe Ntozakhe in die Protea-vrouekrieketspan vir die T20-Wêreldtoernooi in die Wes-Indiese Eilande aankondig.
Die Internasionale Krieketraad (IKR) sê in 'n verklaring Ntozakhe se boulaksie is ná toetse as onwettig bevind, aangesien sy haar arm meer as die toegelate 15 grade buig wanneer sy die bal aflewer. Sy mag nie weer in internasionale krieket boul totdat sy weer 'n toets afgelê en geslaag het nie.
Ntozakhe is vroeër by die groep vir die T20-Wêreldtoernooi ingesluit. Dié toernooi vind van 19 tot 24 November plaas.
KSA het gister gesê Ntozakhe se boulaksie is ná die eendagwedstryd teen die Windies op 16 September in Barbados na die IKR verwys.
Sy het op 28 September 'n onafhanklike evaluering van haar boulaksie by die Universiteit van Pretoria afgelê, waarna bevind is al haar aflewerings is strydig met artikel 6.1.2 van die IKR se regulasies vir boulers.
“KSA erken en respekteer die IKR se bevinding en het onmiddellike stappe gedoen om die speler te help om so gou as moontlik tot die speelveld terug te keer,” lui KSA se verklaring.
Sy sal by KSA se Sentrum vir Uitnemendheid bly en nou met die hoëprestasiebestuurder, Vincent Barnes, saamwerk om haar boulaksie te herskep.
“Die tydsberekening van die kwessie vir Raisibe en vir ons T20-Wêreldtoernooi-groep is uiteraard sleg, maar ons moet die kwessie hanteer,” sê Thabang Moroe, KSA se uitvoerende hoof.
KSA het 'n IKR-geakkrediteerde sentrum waar boulers se boulaksie getoets kan word.
- Netwerk24
Kommentaar
Republikein
Geen kommentaar is op hierdie artikel gelaat nie