Geregtigheid vir 'heks van Siya'

16 October 2020 | Misdaad
Erwin Leuschner

“Die vonnis is 'n groot stap in die onderrig en bewusmaking van demensie in Namibië,” sê die stigter van Alzheimer Dementia Namibia (AND).

Vir jare is Berrie Holtzhausen aan die voorpunt van bewusmaking van demensielyers wat dikwels weens die toestand as hekse uitgebeeld word. Dit is presies wat gebeur het met me. Frankhilde Haingura wat as die “heks van Siya” bekend gestaan het.

Haingura woon in die Siya-nedersetting in die Kavango-Wesstreek. Sy is in Januarie 2013 deur haar buurvrou en haar dogter aangerand wat haar daarvan beskuldig het dat sy 'n heks is omdat sy hard werk, haar eie beeste, bokke en cuca-winkel en ook genoeg mahangu vir haar familie het.

“Jaloesie is die hoofrede wat bewerings van toordery aanvuur,” sê Holtzhausen. Die buurvrou se seun is ook skielik aan 'n hartaanval op die sokkerveld dood. Hy was 'n vriend van Haingura se seun, Andreas.

Die buurvrou, Carolina Namufinda, en haar dogter Hermine Watema was oortuig daarvan dat Haingura 'n heks is. Die aanranding was so erg dat 'n swanger Haingura se skedel gekraak is. Sy het egter die aanval oorleef en 'n klag van aanranding ingedien.

Die verhoor het egter nooit plaasgevind nie en die saak is in Desember 2013 onttrek.

Holtzhausen, ook bekend as die “African witch finder”, het in April 2018 per toeval deur Haingura se seun, Hamutenya, van die saak bewus geword. Holtzhausen het Haingura besoek en uitgevind sy toon matige simptome van demensie.

“Dit is baie algemeen in Afrika dat demensielyers as hekse of towenaars beskou word,” sê hy. Dit is een van die redes waarom die saak teruggetrek is.

Holtzhausen wou weer 'n klag aanhangig maak, maar die polisie het aanvanklik vir hom gelag.

“Hulle het vir my gesê hekse word na die verre Suide gestuur waar daar nie bome is nie en hulle aan die son blootgestel kan word en doodgaan.”

Haingura het reeds al haar besittings verkoop om drie toordokters te betaal om haar onskuld in 'n tradisionele hof te bewys.

Vroeg verlede jaar het Holtzhausen op die wet van 1933 afgekom wat toordery onderdruk en wat steeds van krag is.

Daar is geen bekende geval waar 'n persoon onder dié wet skuldig bevind is nie, maar gebaseer hierop kan mense aangekla word wanneer hulle iemand van heksery beskuldig.

In September is die saak van die “heks van Siya” weer by die hof ingedien en buiten die klag van aanranding, is 'n klag om toordery te onderdruk ook aanhangig gemaak. In die landdroshof in Kahenge het regter Barry Mufana bevind dat 'n ernstige misdaad teen Haingura gepleeg is. Die twee beskuldigdes (Namufinda en haar dogter Watema) is elk tot 'n boete van tussen N$3 000 en N$5 000 gevonnis.

“Die toepassing van die wet bring vryheid vir demensielyers en gemeenskappe waarin skadelike praktyke van die geloof in hekse as 'n kultuur aanvaar word,” het Holtzhausen gesê.

[email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...