Gemeenskap van Okahandja eis antwoorde

14 December 2018 | Regering
Gemeenskapslede van Okahandja het tydens 'n vergadering hul misnoeë met die dorp se huidige bestuur uitgespreek.

Mnr. Petrus Gariseb, 'n gemeen­skapsaktivis, het onder andere vir me. Martha Mwitilifa, ­uitvoerende hoof, aangevat.

“Ons is bekommerd daaroor dat die voortdurende stryd tussen jou en die verkose stadsraad gelei het tot die nie-implementering van raadsbesluite oor projekte wat ons almal kan bevoordeel. Is u bewus daarvan dat die munisipaliteit nie in staat is om hierdie dorp skoon te maak nie, want al die skoonmaaktoerusting is onklaar en daar is nie geld om dit te herstel nie?

“Intussen is privaat operateurs deur die verkose stadsraad aangewys om die dorp skoon te maak – 'n ooreenkoms wat sonder 'n raadsbesluit beëindig is.

“Dit het gelei tot die vuil toestand waarin die dorp hom tans bevind. Watter alternatiewe het jy in­gestel?” wou Gariseb weet.

Tydens die vergadering het die gemeenskap vir mnr. Steve Booys, raadslid vir die Okahandja-kies­afdeling, daarvan beskuldig dat hy die meesterbrein agter die ­sogenoemde gemeenskaps­belangegroep is.

Dié groep is volgens gemeenskaps­lede in die lewe geroep om chaos en verwoesting op die dorp te saai.

“Boonop sit jy in die middel van die verdeeldheid in die verkose stadsraad en jy maak 'n punt daarvan om enige projek te ­saboteer.”

Gariseb het ook me. Sophia Shaningwa, Swapo se sekretaris-generaal, aangevat oor die aanstel van leiers sonder om die gemeen­skap te raadpleeg.

Die gemeenskap het geëis dat sy haar opdrag vir die inhuldiging van nuwe raadslede terugtrek.

Hulle eis die onmiddellike inhuldiging van die huidige ­raadslede binne drie dae sonder enige ­veranderinge.

Hulle het ook die bevindings van die ondersoek geëis wat sy as voormalige minister van stedelike en landelike ontwikkeling in 2015 van stapel gestuur het.

Die gemeenskap wil hê Shaningwa se opvolger, mnr. Peya Mushelenga, moet die verslag vir hulle wys waarin hy haar beveel om die dorp se politieke leierskap te verander.

Laastens eis gemeenskapslede dat Mushelenga die verbod op grondverkope op Okahandja ophef.

Soortgelyk

 

Weermag trek skouers op

17th of June 00:00 | Plaaslik

Denver Kisting – Talle Namibiërs is die josie in oor wat sommige as die militarisering van die land se strate bestempel.Maar die Namibiese weermag (NDF)...

Grubesonderhede in die hof onthul

17th of June 00:00 | Howe

Erwin Leuschner op Swakopmund - Die beskuldigde in die Arandis-moorde sê hy is oorbluf deur die magdom getuienis wat die staat teen hom ingewin het.Tog...

Swapo wen naelskraap op Ondangwa

17th of June 00:00 | Politiek

Denver Kisting – Net 3 792 van die geregistreerde 15 800 kiesers het Saterdag in die tussenverkiesing op Ondangwa gestem.Dit verteenwoordig ’n skrale 24%-deelname.Die naweek...

Weer vir 17 Junie 2019

17th of June 00:00 | Weer

BINNELAND: Gedeeltelik bewolk en matig tot warm oor die sentrale dele. Elders sal dit warm tot baie warm wees. KUS: Mooiweer en warm tot baie...

Gebrekkige waterbesparings táp damme

17th of June 00:00 | Plaaslik

Elvira Hattingh - Die droogloopdatum vir damme wat Windhoek van water voorsien, het nou met tussen twee en drie weke vervroeg. Dít omdat Windhoekers...

Brand vernietig nege huise in Mondesa

17th of June 00:00 | Ongelukke

Adolf Kaure - Verskeie families is dakloos gelaat nadat 'n brand Vrydagmiddag nege huise by die enkelkwartiere van die Mondesa-woonbuurt op Swakopmund vernietig het. Volgens...

Indonesiërs in Namibië vier Eid Mubarak

17th of June 00:00 | Lesersfoto's

Die Indonesiese ambassade in Namibië het verlede Dinsdag Eid Mubarak – die einde van die heilige maand van Ramadaan in die Moslemgeloof – ­gevier. Ambassadeur...

Maatskaplike impak van droogte gemeet

17th of June 00:00 |

Elvira Hattingh - Droogtetoestande in Namibië en Angola is deur die navorsers van die Instituut vir Sosio-Ekologiese Navorsing (ISOE) gebruik om 'n nuwe instrument te...

Visums by lughawe uitgereik

17th of June 00:00 | Toerisme

Inwoners van lande soos onder meer Suid-Afrika, Duitsland, Frankryk, Italië, Amerika, Hongkong, Australië, Nederland, Angola, Zimbabwe en Zambië wat in Namibië wil kom vakansie hou,...