Geldwassery by SME Bank oopgekrap

Miljoene draai in Dubai

02 October 2019 | Howe
Catherine Sasman – Die hoërhof het Omulunga Capital Investments CC, waarvan die Zimbabwiër, mnr. Cosmas Mushininga, die enigste direkteur is, onder voorlopige likwidasie geplaas nadat dié besigheid geld onwettig uit die SME Bank laat wegsyfer het.

Die hof het Vrydag gelas die besigheid word nie finaal gelikwideer nie, aangesien die likwidateurs hoop om steeds iets uit Mushininga te kry. Luidens hofdokumente wat ingedien is, besit hy geen bates in Namibië nie. Sy bankstate in die land toon ‘n gekombineerde saldo van skaars meer as N$18 000.

Die eerste eis teen Omulunga Capital is vir ‘n uitstaande lening van N$5,5 miljoen met rente van 20% per jaar. Die likwidateurs, mnre. David Bruni en Ian McLaren, kon geen dokumente vind vir die bestaan van ‘n geskrewe leningsooreenkoms nie. Volgens hulle kon dié bedrag “heel moontlik gesteel wees”.

‘Geldwasmasjien’

Die likwidateurs sê Mushininga was een van die ontvangers van N$79,8 miljoen by SME Bank. Dié geld is aan die kontantoordragmaatskappy en “geldwasmasjien”, Asset Movement and Financial Services CC (AMFS), in Suid-Afrika oorbetaal.

Alle betalings van AMFS na Omulunga was onder die aanvoering van die kantoor van mnr. Tawanda Mumvuma, die voormalige uitvoerende hoof van SME Bank. Hy het die “doel” van dié oordragte as “beleggings” in Mamepe Capital Asset Managers aangedui. Mamepe is ‘n swartbemagtigings- finansiëledienstemaatskappy in Suid-Afrika. Mnr. Kotane Mauwana, wat sterk politieke bande het, is die hoof van dié maatskappy.

Niks van die geld is egter aan Mamepe oorbetaal nie. Inderwaarheid is dit gesteel, sê die likwidateurs.

Die voormalige finansiële hoof van SME Bank, mnr. Joseph Banda, het nie oorbetalingsinstruksies aan AMFS onderteken nie, het die likwidateurs bevind. Banda is familie van Mushininga en hulle het dieselfde adres in Kleine Kuppe in Windhoek gehad.

Mushininga het op 28 Januarie 2016 in Namibië aangekom – dieselfde dag waarop ‘n besoekersvisum aan hom uitgereik is. Op dié dag het hy by SME Bank vir ‘n besigheidspaarrekening vir Omulunga Capital aansoek gedoen.

Op 1 Februarie 2016 het Mushininiga vir nóg ‘n bankrekening by SME Bank aansoek gedoen.

Dubai-bande

‘n Dubai-gebaseerde maatskappy wat edelmetale verhandel, Aulion Global Trading DMCC, het op 21 Januarie 2016 ‘n kwitansie van N$64,5 miljoen aan Omulunga Capital uitgereik.

Op 26 Januarie 2016 het ene mnr. Howie Baker van Pivot Capital (Pty) Ltd die enigste direkteur van AMFS, me. Kalandra Viljoen, opdrag gegee om N$7,1 miljoen na ‘n SME Bank-rekening by Standard Bank oor te plaas. Die verwysing by dié transaksie was Omulunga Capital Investments.

Op 27 Januarie 2016 het AMFS dié bedrag oorgeplaas. Dit is later na Omulunga Capital se rekening by SME Bank oorgeplaas ná ‘n e-posopdrag van Mushininga aan me. Beatrice Kahunda, die voormalige hoof van uitvoerende bankdienste by SME Bank.

In die hofdokumente sê die likwidateurs Kahunda was “nóg ‘n ontvanger van AMFS van SME Bank se gesteelde geld”.

Ander betalings

Verdere betalings het dieselfde paadjie gevolg – geld is van AMFS na SME Bank-rekeninge by Standard Bank en FNB Namibia oorbetaal. Dan is dit via bankrekeninge van Omulunga Capital Investment by SME Bank “gewas” en na Aulion Global Trading DMCC in Dubai oorgeplaas.

Totale betalings wat deur AMFS gemaak is, beloop N$26,2 miljoen, en altesaam N$25,7 miljoen is aan Aulion Global Trading DMCC oorbetaal.

In Junie 2016 is sowat N$4,6 miljoen ook aan Aulion Global oorbetaal ná dit deur vier verskillende rekeninge van Omulunga by SME Bank en Standard Bank beweeg het.

In Julie 2016 is nóg N$4,5 miljoen via ‘n FNB-rekening na een van Omulunga se rekeninge by SME Bank inbetaal. Die oorsprong van dié geld is as Aulion Global aangedui.

Ongeveer N$4,4 miljoen het tot 7 September 2016 in Omulunga se rekening by SME Bank gebly.

Op dié dag is N$4,2 miljoen na Aulion Global oorgeplaas.

[email protected]

Soortgelyk

 

Geen brandstof-tekort in Namibië verwag

9 minute gelede | Energie

Ronelle Rademeyer - Anders as in Suid-Afrika waar ’n tekort aan diesel tans beleef word, is Namibië se brandstofvoorraadvlakke nie onder druk nie.So sê mnr....

Geval nr. 22 se toestand kritiek

9 ure gelede | Gesondheid

Ronelle Rademeyer - Teen laat gister was daar geen opflikkering in die gesondheidstoestand van die 63-jarige Walvisbaaier wat in die intensiewesorgeenheid van ’n private hospitaal...

Skuldriller

9 ure gelede | Regering

Jo-Maré Duddy – Die omvang van die Covid-19-pandemie het die ekonomie finaal verpletter en gaan die land vanjaar met ‘n algehele begrotingstekort van bykans N$21,4...

AR steun Ipinge se ingrype

9 ure gelede | Politiek

Denver Kisting en Augetto Graig - Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai stedelike kiesafdeling, mnr....

AR steun Ipinge se ingrype

9 ure gelede | Politiek

Denver Kisting, en Augetto Graig – Mnr. Job Amupanda van die Regstellende Herposisioneringsbeweging (AR) dring aan dat die raadslid vir die Walvisbaai- stedelike kiesafdeling, mnr....

Weer, Donderdag 28 Mei 2020

9 ure gelede | Weer

BINNELAND: Sonnig en matig in die Suide, elders sonnig en matig tot warm. KUS: Gedeeltelik bewolk en matig met miskolle op plekke. GETYE BY WALVISBAAI:...

8 vas oor renosterstropery

9 ure gelede | Misdaad

Francoise Steynberg - Agt vermeende renosterstropers en -horingsmokkelaars is oor twee dae vasgetrek.Volgens die hoof van die Blue Rhino-taakspan, komm. Barry de Klerk, is twee...

2019-’20-reënseisoen verbeter op rampjaar

9 ure gelede | Weer

Elvira Hattingh - Die Namibië meteorologiese dienste sê tydens die afgelope reënseisoen het die meeste streke normaal tot ondernormale reëns aangeteken, alhoewel reën in April...

Swapo betaal partytjieboete

9 ure gelede | Regering

Denver Kisting - Die uitvoerende direkteur van Swapo, mnr. Austin Samupwa, is verlede week met N$2 000 beboet weens die regerende party se 60ste verjaardagpartytjie...