Geldtekort pootjie atlete

14 June 2019 | Sport
Verskeie van die land se ge­stremde atlete is tans op die piek van hul loopbane, maar daar word min ontwikkeling met jong atlete gedoen om hulle vir die toekoms voor te berei. Namibiërs moet dus nie verbaas wees indien die gebrek aan geld en ontwikkeling meebring dat sy Paralimpiese atlete se medaljesuksesse opdroog nie.

Johannes Litwayi, president van die Namibiese Paralimpiese Komitee (NPC), sê sport vir gestremdes kry nie as 'n prioriteitskode die nodige ondersteuning van die regering om sy mandaat uit te voer nie.

“Ons waardeer wat die regering bereid is om mee te help, soos vervoer wanneer ons in Suid-Afrika moet gaan deelneem. Maar ons het veel meer as vervoer nodig wanneer die atlete vir groot kompetisies voorberei.

“Die NPC ontvang gewoonlik N$200 000 per jaar van die staat wat ons aanwend om die NPC se affiliasiegeld by die Internasionale Paralimpiese Komitee te betaal en dan is daar nie 'n sent vir enigiets anders oor nie.

“Ons het die afgelope drie jaar geen geld van die Namibiese Sportkommissie gekry nie en dit het 'n stok in ons wiel gesteek.

“Daar is tye wat die regering aan boord kom, maar daai geld word dikwels eers beskikbaar die dag wat ons moet vertrek. Dit beteken dat die atlete geen oefenkamp vooraf kon hê nie. Ons het N$800 000 nodig om al ons beplande projekte vir 2019 en volgende jaar aan te bied,” het die NPC se president gesê.

Die N$800 000 is bestem om die atlete vir die 2020 Paralimpiese Spele voor te berei wat vanaf 25 Augustus in Tokio gehou word; die NPC se eie nasionale byeenkoms op 30 en 31 Augustus 2019 asook die IPC wêreldatletiekkampioenskap wat November in Dubai aangebied word.

“Ons het 'n hele paar atlete wat die kwalifiserende tye vir die wêreldkampioenskap asook vir Tokio behaal het.

“As ons nie vanjaar aan die wêreldkampioenskap deelneem nie, gaan Namibië sy plek in Tokio verloor en die NPC se atlete sal nie deur die IPC op sy ranglys geplaas word nie, wat gaan veroorsaak dat ons nie aan die Paralimpiese Spele kan deelneem nie.”

Volgens Freddy Mwiya, hoofadministrateur van die Namibiese Sportkommissie, het die regering ten spyte van finansiële tekorte nog altyd tot die redding van sport gekom.

Mwiya sê die staat dek gewoonlik alle sogenaamde staatsbyeenkomste, wat die geldelike las van die sportkodes afhaal.

“Ons het voorsiening vir die NPC in ons begroting gemaak om Januarie aan die 2020 Afrika-spele in Marokko deel te neem. Dit is staatskompetisies en die Paralimpiese Spele sal ook deur ons gedek word.

“Ons het kompetisies soos die Afrika-spele, Olimpiese Spele en Streek 5 Spele, wat ook staatsbyeenkomste is.

“Ons wil sportverenigings aanmoedig om nie voor die voet groter getalle atlete op toer te wil vat nie, maar om net die room vir die belangrike kompetisies te kies. Dooie hout maak die bagasie te swaar en plaas onnodig 'n finansiële las op almal,” het Mwiya gesê. - Nampa

Soortgelyk

 

Lodge, besigheid beroof – sewe vas

56 minute gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

56 minute gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

56 minute gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

56 minute gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

56 minute gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

56 minute gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

56 minute gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

56 minute gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...

Boere kan doen met ‘n miljoen

56 minute gelede | Omgewing

Engen het gister N$1 miljoen aan die Dare to Care-droogtehulpfonds oorhandig.Dit ná sy eerste skenking van N$850 000 op Vrydag 12 Julie. Die oliemaatskappy het...