Geldgebrek strem landbouprojekte

Mutorwa lewer beleidsverklaring

03 February 2017 | Landbou
Elvira Hattingh - Weens ekonomiese en finansiële uitdagings, is min vordering met verskeie landbou-ontwikkelingsprojekte gemaak.

Dit sluit die voltooiing van die Neckartaldam, die Uvungu-Vungu suiwelprojek en twee Groenskema-projekte in die Zambezistreek in.

Die minister van landbou, water en bosbou, mnr. John Mutorwa, het gister tydens sy jaarlikse ministeriële­ beleidsverklaring gesê die hoofredes hiervoor is 'n gebrek aan kontantvloei.

“Ten spyte van amptenare se harde werk, het die finansiële probleme ook die voltooiing van die nasionale landbou-tegnologiesentrum in Ongwe­diva, die Ondangwa sentrale veeartseny laboratoriumprojek, asook die abattoir en vleisverwerkingsaanleg op Rundu gestrem,” het hy gesê.

Mutorwa het gewaarsku dat 2017 nog meer uitdagend kan wees, veral omdat die land ná die droogte moet herstel.

“Verlede jaar was 'n besonder moeilike jaar vir die landbou-, water- en bosbousektor van die land. Ons het die mees verwoestende droogte in menseheugenis ervaar. Die gevolge daarvan is steeds sigbaar omdat die meeste van ons damme kommerwekkend leeg is.

“Dit is belangrik dat beplande programme wat verband hou met droogtehulp, die ontwikkeling van water­bronne en watertoevoer moet voortgaan, sover die beskikbare geld dit toelaat. Daar is nie 'n alternatief nie,” het Mutorwa gesê.

Hy het gesê veral die Neckartaldam, wat na verwagting vanjaar voltooi sal word, is belangrik vir Namibië se vooruitgang.

“Dit is die eerste dam wat ná Onafhanklikwording voltooi is. Al die ander damme en water-infrastruktuur is voor die tyd voltooi, toe Namibië se bevolking nog heelwat kleiner was.

“Dit het tyd geword dat ons ernstig aandag moet gee aan die ontwikkeling van water-infrastruktuur. Die kus het ook 'n ernstige tekort aan water en ons sal seewater moet gebruik, hoewel dit duur sal wees.”

Mutorwa het verder 'n beroep op die SADC-sekretariaat gedoen om akkerbouers in die streek te steun in hul bekamping van die herfs-kommando­wurmplaag.

Dié wurm het ook na Namibië versprei en saai verwoesting onder gewasse in die noordelike kommunale gebied. Dit het intussen ook na die Mieliedriehoek versprei.

“Asof die droogte nie verwoestend genoeg was nie, moet die streek se akkerbouers nou dié nuwe uitdaging oorkom. Plaaslike regeringsamptenare bied reeds steun aan kommunale akkerbouers deur middel van 'n spuitprogram. In ander gebiede het boere reeds self gekoördineerde aksie geneem om die plaag te bestry.

“Ek wil 'n beroep op die SADC-sekretariaat doen om akkerbouers deur middel van raad en steun by te staan,” het Mutorwa gesê.

Hy het amptenare gevra om 2017 'n jaar van hertoewyding te maak, in ooreenstemming met wat president Hage Geingob in sy nuwejaars­toespraak gesê het.

Soortgelyk

 

Namibië se sukses intiem verbind met dié van...

2 ure gelede | Regering

Die staatshoof, pres. Hage Geingob, het vanoggend in sy Afrikadag-boodskap aan Namibiërs hulde gebring aan die rol wat die Organisasie vir Afrika-eenheid (OAE), voorloper van...

Aardbewing skud Kamanjab wéér

2 ure gelede | Omgewing

Kamanjab is gister (Donderdag) vir die soveelste keer die afgelope maande deur ‘n ligte aardbewing geskud.Donderdagoggend se aardbewing wat 4,6 op die Richterskaal geregistreer het,...

Hepatitis E-uitbreking in Omusatistreek

1 dag gelede | Gesondheid

Sedert gister het die Omusatistreek 45 gevalle van Hepatitis E aangeteken, waarvan 10 deur laboratoriumtoetse bevestig is. Die meerderheid van dié gevalle is uit die...

Plaasvoorman skiet glo werker dood

1 dag gelede | Misdaad

Denver Kisting – ’n 65-jarige plaasvoorman verskyn na verwagting vanoggend (Donderdag) in die landdroshof op Mariental op 'n klag van moord.Dít kom nadat hy glo...

RCC: Kontrak met Chinese ongeldig

1 dag gelede | Plaaslik

“Dit is aangegaan sonder die insette of goedkeuring van my as lynminister.” Mnr. John Mutorwa; Minister van Werke en Vervoer

’n Huis vir Helena

1 dag gelede | Gebeure

Maria Eiseb - ’n Skoonmaker en ma van vyf was sprakeloos toe ’n huis in die Greenwell Matongo-woonbuurt in Katutura aan haar oorhandig is.Me....

STEM EN WEN

1 dag gelede | Gebeure

Tot 1 Junie het almal een SMS-stem om die Klein Dorp van die Jaar vir 2018 aan te wys.Kies uit:EenhanaOkahaoOniipaOranjemundDie vier finaliste sal hul dorpe...

Kalender 25 Mei

1 dag gelede | Kuns en vermaak

Nou aan die gang» Die Omba-galery, in samewerking met die John Muafangejo Art Centre (JMAC) bied ’n uitstalling deur voormalige studente en jong kunstenaars aan....

'Moenie NSFAF-geld terugbetaal'

1 dag gelede | Plaaslik

Denver Kisting'n Studente-organi­sasie het gister te velde getrek teen die voorstel dat beurse van die Finansiële Hulpfonds vir Namibiese Studente (NSFAF) in lenings omskep word.Daarnaas...