Geingob wis niks van Oropoko

Ya Ndakolo verduidelik

21 February 2018 | Ministeries
Estelle de Bruyn - Die vloed negatiewe publisiteit oor die aankoop van ‘n peperduur gasteplaas deur die ministerie van verdediging, terwyl soldate huis toe gestuur is omdat die weermag geld wou spaar, het in die Nasionale Vergadering (NV) gedraai.

Pres. Hage Geingob het met die aankoop van die Oropoko-gasteplaas in Oktober verlede jaar van geen sout of water geweet nie.

Dié erkenning is gister in die NV deur die minister van verdediging, mnr. Penda ya Ndakolo gemaak toe hy ‘n ministeriële verklaring voorgelees het oor die omstredenheid waarin die ministerie die afgelope tyd gedompel is.

As rede vir hoekom Geingob, wat ook die opperbevelvoer van die weermag is, nie van die aankoop van N$45 miljoen in kennis gestel is nie, het Ndakolo die president se “besige skedule” aangevoer.

Hy is egter sedertdien daarvan ingelig.

Ya Ndakolo sê met die totstandkoming van die weermag in 1990 was daar nie voldoende infrastruktuur om die weermag te huisves nie. Strukture van die Suid-Afrikaanse weermag en die Suidwes-Afrika Gebiedsmag was van voorafvervaardigde materiaal gebou en het sedertdien vervalle geraak.

Gevolglik was daar ‘n behoefte om nuwe basisse en opleidingsterreine op te rig.

In 2010 het die weermag die plaas Etiro naby Karibib aangeskaf met die oog daarop om ‘n weermagbasis daar te vestig. Die koste vir die bou van ‘n militêre basis wat 300 soldate kan huisves, is op N$2,37 miljard beraam.

Met die aankoop van Oropoko het ‘n weermag geriewe vir die huisves van 300 soldate, ‘n landingstrook vir vliegtuie, ‘n plek waar helikopters kan land, ‘n skietbaan, swembad, wasgeriewe vir klere, ‘n konferensiesentrum, ‘n werktuigkundige werkswinkel en onafhanklike waterinfrastruktuur gekry. Oropoko is boonop aan die nasionale elektriteitsnetwerk gekoppel.

Gevolglik sou die aankoop van Oropoko met sy bestaande infrastruktuur ‘n groot besparing vir die ministerie teweeg bring in vergelyking met die koste om ‘n nuwe basis op Etiro te bou.

In 2016 het die ministerie van verdediging die ministerie van werke en vervoer genader om die plaas te evalueer. ‘n Waardasie van die ministerie van grondhervorming het aan die lig gebring dat die plaas N$43,76 miljoen werd is. Ná onderhandelinge met die eienaar, wat aanvanklik N$103 miljoen vir die plaas wou hê, is ooreengekom op ‘n koopprys van N$45 miljoen.

Die kontrak is op 15 Maart 2017 deur die eienaar van die plaas en die permanente sekretaris van werke en vervoer onderteken.

Die plaas is op 23 Oktober 2017 in die naam van die regering geregistreer.

Volgens Ya Ndakolo is die eenheid wat vir die plaas bestem is, reeds daar gestasioneer.

Hy het ook die versekering gegee dat die nodige regsprosesse gevolg is en dat dit onder andere deur die prokureur-generaal en die ministerie van finansies behartig is.

Soortgelyk

 

Mense uit 33 lande onder 157 rampslagoffers

8 ure gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

10 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

braai en wen groot met . . .

1 dag gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...