Geingob wel op pad na Mugabe-begrafnis

‘Afrika se verlies’

13 September 2019 | Regering
Denver Kisting – Ondanks ’n kat-en-muisspeletjie vandeesweek het pres. Hage Geingob se woordvoerder, dr. Alfredo Hengari, laat gistermiddag laat weet Geingob woon wel Saterdag oudpres. Robert Mugabe se begrafnis in Harare by.

Vroeër die week het Hengari, wat tans in Brussel, België is, beweer hy weet nie of Geingob die begrafnis sal bywoon nie.

Gister wou Republikein weer eens by die woordvoerder weet of Geingob gaan en indien wel, wanneer hy vertrek en wanneer hy na verwagting sal terugkeer.

Hengari is ook gevra indien Geingob nie die begrafnis bywoon nie, wat die rede daaragter is.

Ná ’n aanvanklike stilte het Hengari om 16:25 gister uit Europa laat weet: “Ek bevestig.”

Mnr. Paulus Shipale, die waarnemende senior spesiale assisent van stigterpresident Sam Nujoma, het gister gesê Nujoma en sy opvolger, oudpres. Hifikepunye Pohamba, sal ook môre die 95-jarige Zimbabwiese vryheidsvegter se begrafnis bywoon.

Mugabe is ’n week gelede in Singapoer oorlede.

Nadat die nuus oor sy dood bekend geword het, het Geingob in ’n verklaring gesê Mugabe het geweldige opofferings vir die vasteland gemaak.

Volgens Geingob het Mugabe ’n beduidende rol vertol om Suider-Afrika van die juk van kolonialisme en rasseonderdrukking te bevry.

“Die verlies van Zimbabwe se mense is Afrika se verlies,” het sy huldeblyk voorts gelui.

*Sien ook vandag se fokusartikel op bl. 6 en 7.

Soortgelyk

 

Anton Lubowski-gedenklesing vandag by Universiteit Stellenbosch

10 ure gelede | Mense

Die Suid-Afrikaanse politieke kommentator Max du Preez en regter Albie Sachs is die hoofsprekers by die eerste Anton Lubowski-gedenklesing wat op die 30ste herdenking van...

Twee Chinese moordbeskuldigdes borgtog geweier

1 dag gelede | Howe

Twee Chinese mans wat daarvan aangekla word dat hulle hul voormalige werknemer in April by die Andara-nedersetting in die Kavango-Oosstreek doodgeskiet het, is borgtog geweier....

Handelsknoop knap voor Brexit deurgehaak

1 dag gelede | Plaaslik

Ronelle Rademeyer - Namibiërs wat graag aan ’n Skotse whisky weglê, en Britte wat van Namibiese beeshaas of ander prima beesvleissnitte hou, kan gerus slaap....

Hof toe oor voorskrifte

1 dag gelede | Gesondheid

Henriette Lamprecht - “Om van gewone mense in Namibië te verwag om afhanklik van ‘n doktersvoorskrif vir basiese medisyne te wees, is gelykstaande daaraan om...

Reuse-sege vir Okahandja-plakkers

1 dag gelede | Plaaslik

Yanna Smith – Inwoners van Vergenoeg, ’n onwettige nedersetting by Okahandja, het ná verskeie gemeenskapsvergaderings en -druk ’n reuse-oorwinning behaal.Dié druk, wat hoofsaaklik deur die...

Weer vir 12 September

1 dag gelede | Weer

BINNELAND: Gedeeltelik bewolk en koel tot warm in die Suide met 'n paar buie in die verre Suide, andersins sonnig en koel tot baie warm.KUS:...

Hage se lys ‘vervelig’

1 dag gelede | Politiek

Denver Kisting – Prof. Nico Horn sê pres. Hage Geingob se 10 kandidate om by Swapo in die Nasionale Vergadering (NV) aan te sluit, is...

‘Effense’ afname in hep. E-gevalle

1 dag gelede | Gesondheid

Henriette Lamprecht – Die aantal hepatitis E-gevalle in die land het in die eerste drie weke van Augustus afgeneem. Sedert ‘n uitbreking van die siekte...

Apple cuts prices, ramps up services

1 dag gelede | Tegnologie

Glenn Chapman - Apple unveiled its iPhone 11 models Tuesday with a price cut for the most basic models while also laying out plans for...