Geingob gekap oor Fishrot-mediakonferensie

‘Meer vrae as antwoorde’

14 July 2020 | Regering
Denver Kisting – Die uitvoerende direkteur van die Instituut vir Openbare Beleidsnavorsing (IPPR), mnr. Graham Hopwood, sê Sondag se Swapo-nuuskonferensie oor die Fishrot-skandaal was teleurstellend.

Volgens hom het die geleentheid, wat gelei is deur die staatshoof en Swapo-president Hage Geingob, talle vrae onbeantwoord gelaat.

Hopwood sê geen duidelikheid is verskaf oor “indirekte betalings wat gemaak kon gewees het wat die party se 2017-kongres betref” nie.

Hy sê Geingob is reg dat die regerende party regtens geen plig gehad het om besonderhede oor skenkings openbaar te maak nie, omdat die Verkiesingskommissie van Namibië (ECN) eers in November verlede jaar – “vyf jaar nadat die kieswet deurgevoer is” – regulasies in daardie verband uitgevaardig het.

“Die hele wêreld van politieke finansies bly ’n morsige een. Die versuim van die ECN om die regulasies bekend te stel, het daartoe gelei dat die kwessie van skenkings van plaaslike en buitelandse bronne ongereguleer was,” sê Hopwood.

Die ontleder het voorts kommer uitgespreek oor die gebrek aan beheer rondom “ander partyfinansiering” wat moontlik aan individue of regsfirmas oorbetaal kan word.

“Ons benodig ’n nuwe stelsel wat meer nougeset is, en vereis alle skenkings meer as N$5 000 moet gelys en gepubliseer word.”

In dié stadium maak die regulasies daarvoor voorsiening dat ’n politieke party N$4 miljoen en N$2 miljoen van onderskeidelik plaaslike en buitelandse bronne mag ontvang voor dit aan die groot klok gehang moet word.

Hopwood het Geingob se aankondiging verwelkom dat Swapo voortaan skenkings aan interne hersienings sal onderwerp en toekomstige veldtogbefondsing sentraal sal bestuur.

Uit Duitsland laat weet die uitgeweke politieke ontleder prof. Joseph Diescho Sondag se nuuskonferensie “het nie die president of vir Swapo gehelp nie. Hy (Geingob) is blootgestel en kwesbaar gelaat.”

Volgens Diescho sou die president beter daaraan toe gewees het om nie “direk oor die sage kommentaar te lewer nie terwyl dit in die hof is”.

Oor ’n oomblik tydens die nuuskonferensie waartydens Geingob ontken het hy het gesê die sogenaamde Fishrot-beskuldigdes, mnre. Bernhard Esau, Sacky Shanghala, James Hatuikulipi, Tamson Hatuikulipi, Ricardo Gustavo en Pius Mwatelulo, is onskuldig, sê Diescho Geingob het wél so gesê.

Die president het Sondag gesê beskuldigdes bly onskuldig tot hulle in ’n hof aan ’n misdaad skuldig bevind word.

Diescho sê voorts: “Swapo het homself aan die kaak gestel om op ’n Sondag ’n nuuskonferensie te belê om die Fishrot-sage aan te spreek en dit uiteindelik nie aan te spreek nie. Soos ons in Afrikaans sê: Hy het nou sy kwaadpraters ’n stok gegee om hom mee te slaan.”

Opposisie maak ook stem dik

Mnr. McHenry Venaani, die leier van die amptelike opposisie, die Popular Democratic Movement (PMD), het gisteroggend by die opening van ’n vergadering van sy uitvoerende komitee in Windhoek vir Swapo van leuens beskuldig.

“Gister (Sondag) het ons ’n klomp georganiseerde leuenagtige stellings en opmerkings gehad deur die leier van die party aan bewind. Die ontkenning dat die regerende party nie direk by die Fishrot-sage baat gevind het nie, is ’n blatante leuen. ’n Vyfjarige sal jou nie eens durf glo nie.”

Venaani het Sondagaand na die middag se verrigtinge, wat wyd uitgesaai is, as ’n sirkus verwys.

“Grootste nonsens wat Swapo praat.”

- [email protected]

Soortgelyk

 

Vandag se Covid-19-data

7 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

8 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

13 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

1 dag gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

1 dag gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

1 dag gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

1 dag gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

1 dag gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

1 dag gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...